Святые Кирилл и Мефодий
Кирилл и Мефодий появились на свет в Македонии. Кирилла при рождении назвали Константином. Мефодий, по некоторым данным, носил имя Михаил, но существуют историки, которые подвергают это утверждение сомнению. Их отец был военачальником, а дед – влиятельным и богатым вельможей, впавшим в немилость. Оба брата разговаривали на славянском языке с раннего детства, ведь он был родной для их матери.
Мефодий успешно строил военную карьеру, но спустя 10 лет постригся в монахи. Константин, окончивший престижное образовательное заведение в Византии, тоже встал на этот путь. К этому времени он прославился как лингвист и философ, а также стал библиотекарем при Патриархе. Он хотел жить в монастыре, но посланцы Патриарха убедили его занять должность преподавателя в университете.
Братья возглавили важное посольство к хазарам, которые жили тогда на территории, где сейчас находится юг России. Миссионеры своим красноречием побуждали мусульман и иудеев принимать христианство.
Благодаря труду братьев появилась славянская азбука и переводы священных писаний. Именно братья первым перевели Евангелие. Благодаря им Богослужение можно проводить не только на латинском и греческом языках, но и на родном для верующих. Их усилия были вознаграждены. Мефодия возвели в сан епископа, а его брат принял схиму. После смерти они оба были причислены к лику равноапостольных святых.
О чем молятся святым братьям
Святым Кириллу и Мефодию люди наиболее часто молятся, кода хотят получить помощь в учении. Братья-миссионеры также помогают славянским народам придерживаться настоящей веры и жить в благочестии. Святым молятся об ограждении от ереси и иноверия.
К ним часто обращаются с воззваниями люди, которые связаны с получением знаний. Например, педагоги, ученики и родители. Святые также помогают избавиться от страха, который препятствует учебе или выступлениям. Но братьев просят не только об успехе в учебе и карьере. Например, отцы и матери, имеющие сыновей с этими именами, могут просить о благополучии ребенка. Особенно эффективными считаются молитвы о детях в день их рождения.
Избраннии от Царя сил Господа Иисуса во апостоли языком словенским, Мефодие и Кирилле богомудрии, песньми восхваляем вас, предстателей наших; вы же, яко имущии дерзновение ко Господу, от всяких нас напастей предстательством вашим свободите, зовущих: Радуйтеся, Мефодие и Кирилле, язык словенских апостоли и богомудрии учителие.
Икос 1
Ангелов Творец и Господь сил предустави вас быти просветители языком словенским; того ради и благодать Его бе с вами, ограждающи и укрепляющи вас во вся дни живота вашего юже помощницу себе имуще, славу Божию во градех и пустынех делы и словесы вещали есте всем. Темже и мы, яко отрасль язык, верою Христовою от вас просвещенных, воспеваем вам, глаголюще: Радуйтеся, радости Евангельския благовестителие; Радуйтеся, чудодейственныя благодати носителие. Радуйтеся, скорби многи за имя Господне приявшии; Радуйтеся, прелести мира сего отвергшии. Радуйтеся, издетска Богом благословеннии; Радуйтеся, венцы исповедническими от Него украшеннии. Радуйтеся, яко славу человеческую презревше, в пустыни Господа искали есте; Радуйтеся, яко волю Его сильным мира сего со многим дерзновением благовестили есте. Радуйтеся, сих ради от Владыки всех в рай светел приятии; Радуйтеся, пред Ним наши теплии ходатаи. Радуйтеся, яко вашими молитвами вере нашей утверждение имамы; Радуйтеся, яко предстательством вашим ересей одоление стяжахом. Радуйтеся, Мефодие и Кирилле, язык словенских апостоли и богомудрии учителие.
Кондак 2
Видев святый Кирилл, еще сый отрок, в нощи видение, яко избрати ему Софию деву сестру себе, родителем сия поведа. Тии же, разумевше зде волю Божию, во еже быти чаду их премудрости служителю, вельми о научении и наказании его пекошася, зряще же скорое его в разуме преспеяние, пояху Богу: Аллилуиа.
Икос 2
Разум недоразуменный и естество сущих испытуя, Кирилл в премудрости паче сверстник своих преспеваше и, еще отрок сый, прославися, и в палатех царских во образ благий юному сыну цареву водворен бе. Но, богатство и славу земную презрев и еже едино на потребу спасения ища, в пустыню вселися, да пощеньми и молитвами безстрастия достигнет. Сих же ради и Мефодий, воевода уже сый, отыде на гору Олимп, идеже яко инок Господу служаше. Темже научимся и мы искушения мира презирати, наипаче же Христу Богу угождати, угодники Его воспевающе сице: Радуйтеся, славою, яже от человек, не прельстившиися; Радуйтеся, пустынножительству крепце прилепившиися. Радуйтеся, яко Господь просвещал вы есть в сониих и видениих; Радуйтеся, яко и мудрость человеческая пособствова вам во спасение. Радуйтеся, яко Слово Божие и святых отец писания паче философии возлюбили есте; Радуйтеся, яко Господня закона не слышателие забытливи бысте, но творцы. Радуйтеся, яко козни диавольския, на пустынножители находящия, победили есте; Радуйтеся, яко сих ради дадеся вам власть над искушеньми и страстьми. Радуйтеся, яко подвизи ваша стяжаша вам венец живота; Радуйтеся, яко и ныне подвижником и постником пособницы есте. Радуйтеся, всем грешным пред Богом блазии заступницы; Радуйтеся, душ наших от лести сатанинския защитницы. Радуйтеся, Мефодие и Кирилле, язык Словенских апостоли и богомудрии учителие.
Кондак 3
Сила молений царевых понуди святаго Кирилла пустыню оставити служения ради пастырска в Цареграде, идеже славу Божию ученьми и делы вещаше и ересь иконоборную посрамляше. Темже и нас, о святый отче, в православии утверди, отпадшия же от истинныя веры единоплеменники наша к единоверию возврати, да вси словене едиными усты вопиют о просветителех своих Христу Богу: Аллилуиа.
Икос 3
Имея премудрости силу, потекл еси, святый Кирилле, с монахом Георгием ко агаряном стязания ради о вере, и от святаго Григория Богослова духовно просвещаем, премудрость тайны Святыя Троицы во мнозех подобиих показал еси, посрамляя нечестивых силою словес твоих. Тии же, завистию распаляеми, восхотеша зелием погубити тя, егоже вкушь, не претерпел еси вреда, но здрав прибыл еси ко святому Мефодию во обитель и с ним купно иноческия труды паки подъял еси, и просветися пустыня подвигов ваших светом. Темже и нас предстательством вашим просветите, любовию поющих: Радуйтеся, доброгласнии славы Божия кимвали; Радуйтеся, Церкве Его твердии столпи. Радуйтеся, тайну Троицы в подобиих проповедавшии; Радуйтеся, воплощение Бога Слова пред сарацины нетрепетно исповедавшии. Радуйтеся, еллинов и иудеев и варваров просветителие; Радуйтеся, Триединаго Божества благовестителие. Радуйтеся, яко вами посрамися лесть иконоборная; Радуйтеся, яко от вас увядает нечестие агарянское. Радуйтеся, яко истину Христову неведущии имут вы учители; Радуйтеся, яко искушаемии сомнением обретают вы в вере наставители. Радуйтеся, яко прогневавшии Господа имут вас пред Ним предстатели; Радуйтеся, яко угождающии Ему имеют вы покровители. Радуйтеся, Мефодие и Кирилле, язык словенских апостоли и богомудрии учителие.
Кондак 4
Бурю различных бед и зол, на языки словенския находящую, предстательством вашим разорите, преподобнии, яко служений многих жребий прияли есте, и во апостольстем бо лице, и в преподобных сонме, и во учителей чести, и во исповедников воинстве вчини вас Господь, да вси словене вопиют Ему о вас: Аллилуиа.
Икос 4
Слыша царь Козареск, яко истинная вера в стране еллинов исповедуется, испроси себе от царя Византийска учителей православия. Сей же умоли святых Кирилла и Мефодия оставити пустыню и плыти понтом Евксинским к козаром. К нимже пришедше, святая братия обратиша сердца их ко Христу и спасительное Крещение преподаша им. С темиже и мы прославим равноапостольных братий, глаголюще: Радуйтеся, не убоявшиися снити ко варваром с Евангельским благовестием; Радуйтеся, озарившии море славным своим тамо шествием. Радуйтеся, яко святаго апостола Климента нетленныя мощи от вас обретены быша; Радуйтеся, яко того помощию нечестие козарско от вас посрамися. Радуйтеся, яко свет Христов стране полуночной преподали есте; Радуйтеся, яко праведности вашея слава во вся концы земли распростреся. Радуйтеся, Церкве Христовы предстательство и утверждение; Радуйтеся, от ересей и расколов наше крепкое ограждение. Радуйтеся, от агарян и иудей приявшии за Христа укорение; Радуйтеся, от мощей мученика снискавшии благословение. Радуйтеся, почитанию угодников благим образом жития вашего нас научившии; Радуйтеся, и сами, яко угодницы Божии, от всех православных исповедуемии. Радуйтеся, Мефодие и Кирилле, язык словенских апостоли и богомудрии учителие.
Кондак 5
Боготечная звезда явися вам святаго Климета нетленное тело, восплыв на волнах понта Евксинскаго, на егоже дне от семисот лет сокрыто лежаше. Вам же явил е есть творяй чудеса Господь в знамение трудов апостольских и скорбей исповеднических ваших. Еже разумевше, возописте Богу: Аллилуиа.
Икос 5
Видевше святая братия соплеменныя им словены истинную веру исповедующа, слово же Божие своим им языком чести не ведуща, потщашася Божественныя книги на язык словенск прелагати, да вси людие на сроднем им языце единаго всех Господа прославят; темже и мы прославим Господа о святителех наших, имже возопиим: Радуйтеся, подателие Христова света народом иноплеменным; Радуйтеся, просветителие словен, вам соплеменных. Радуйтеся, делателие винограда Христова; Радуйтеся, пастырие добрии стада Иисусова. Радуйтеся, слова Божия вернии толковницы; Радуйтеся, наши блазии и кротцыи учителие. Радуйтеся, мир Христов с собою всюду пронесшии; Радуйтеся, мир весь светом учений ваших просветившии. Радуйтеся, и ныне приемлющии моления нас грешных; Радуйтеся, и ныне посылающии утешение печальным. Радуйтеся, всех, за истину угнетенных, прибежище; Радуйтеся, Духа Святаго пречестное жилище. Радуйтеся, Мефодие и Кирилле, язык словенских апостоли и богомудрии учителие.
Кондак 6
Проповедницы богоноснии бывше, святая братия во страны словенския идоша просветити новокрещенныя люди Христовым учением. Тии же, узревше вас, яко ангелов светлых, спасение благовестити грядущих, яко пастырей добрых, душу свою за овцы полагающих, возопиша прославляющему святыя Своя Богу: Аллилуиа.
Икос 6
Возсиявшей в Моравии заре истинныя веры, испросиша князи словенстии от царя Византийскаго во страны своя учители и утвердители людем. Сих же моления услышавше, святии Мефодий и Кирилл во страны словенския подвигошася, проповедающе Евангелие Царствия Божия словенским народом. Еже уведевше, возрадовашася словене и, отвсюду ко святым братиям притекающе, закону Божию поучахуся, Господа славяще и просветители своя хваляще, с нимиже и мы вкупе воспоим Мефодия и Кирилла, взывающе: Радуйтеся, апостоли наши богоглаголивии; Радуйтеся, учителие наши благодатнии. Радуйтеся, исповедницы наши, многое дерзновение имущии; Радуйтеся, пустынницы наши преподобнии. Радуйтеся, молитвенницы наши теплии; Радуйтеся, чудотворцы наши светлии. Радуйтеся, славити Бога всеми языки завещавшии; Радуйтеся, триязычную ересь добльственно обличившии. Радуйтеся, словеном в год скорби утешение; Радуйтеся, во обстояниих тяжких надеждо их и заступление. Радуйтеся, приносящии ко Владыце всех наши покаянныя молитвы; Радуйтеся, и сами о нас к Нему выну молящиися. Радуйтеся, Мефодие и Кирилле, язык словенских апостоли и богомудрии учителие.
Кондак 7
Хотяще изгнати вы из стран словенских, священницы латинстии оклеветаша вы пред епископом Римским. Егда же сей с мощми святаго Климента пришедших вас узре и правоверие ваше и доброе житие уведе, абие посрами клеветавшия на вы корыстолюбцы, вас же именем Христовым благослови, поя Богу: Аллилуиа.
Икос 7
Дивнии апостоли явишася святая братия, не имуще покоя в трудех своих: святый бо Кирилл от подвигов многих изнемог, скоро по пришествии в Рим живот свой сконча. Святый же Мефодий ревностию брата своего укреплен и от папы Адриана благодатию архиерейскою почтен, к подвигом новым в Моравию и Паннонию возвратися, идеже труды множайшия понесе; имже дивящеся, воспоим святую братию, зовуще: Радуйтеся, добрии слузи Христовы; Радуйтеся, яко даже до смерти верни истине пребыли есте. Радуйтеся, Господеви, а не человеком угождавшии; Радуйтеся, имене Его ради поношения от человек приявшии. Радуйтеся, чрез все житие на ниве Господней потрудившиися; Радуйтеся, и по смерти от паствы своея любовию не отлучившиися. Радуйтеся, свет миру и соль земли бывшии; Радуйтеся, яко светильник, горяй во тьме, языком светившии. Радуйтеся, яко град верху горы, от верных и неверных не утаивыйся; Радуйтеся, заповеди Господни сотворшии и иных научившии. Радуйтеся, сего ради велии во Царствии Божием нареченнии; Радуйтеся, на земли в Церкви Господней прославленнии. Радуйтеся, Мефодие и Кирилле, язык словенских апостоли и богомудрии учителие.
Кондак 8
Странно преставление святаго Кирилла всем явися, не о жизни бо временней помышляше, но Господа о новопросвещенных им церквах моляше, да утвердит я в Православии и от триязычныя ереси и прочих напастей и бед оградит я, святаго же Мефодия увещаваше, глаголя: “Се, брате, супруга волов бяхове, едину бразду тяжуща, и аз на лесе падаю, течение скончав; ты же любиши святую гору вельми, не мози убо горы ради оставити учения языков словенских”. Темже, толицей ревности святых братий дивящеся, воспоим Богу: Аллилуиа.
Икос 8
Весь предан быв душею же и телом заветам брата своего, святый Мефодий не убояся прещений княжеских, ни клевет от иереев латинских, ни заточения темнична, но вся сия, яко доблий воин Христов, претерпевая, не преста языки словенския и паству свою добре правити и просвещати, дондеже в старости опочи и к святому Кириллу во блаженную обитель райскую преставися. К ним же мы воспоим тепле: Радуйтеся, венцем терпения на земли венчаннии; Радуйтеся, светом вечным на небеси осияннии. Радуйтеся, подвижницы, нищии духом, яко ваше есть Царствие Небесное; Радуйтеся, плакавшии много, яко обильно утешистеся. Радуйтеся, кротцыи, яко наследисте во Христе земли словенския; Радуйтеся, алкавшии и жаждавшии правды, яко насытистеся в селениих небесных. Радуйтеся, милостивии, яко не сами токмо помиловани есте, но и иным милости от Бога ходатаи бысте; Радуйтеся, чистии сердцем, яко днесь Бога лицем к лицу зристе. Радуйтеся, миротворцы человеком бывшии, яко сынове Божии нарекостеся; Радуйтеся, изгнаннии правды ради, яко ваше есть Царствие Божие. Радуйтеся, яко возненавидени бысте от человек и гонение и клеветы прияли бысте Христа ради; Радуйтеся и веселитеся, яко мзда ваша многа на небесех. Радуйтеся, Мефодие и Кирилле, язык словенских апостоли и богомудрии учителие.
Кондак 9
Всякия козни, на страны словенския находящия, бодро разоряли есте, преподобнии, темже и ныне не оставите нас, смиренных и грешных, но вся словены в Православии и единомыслии утвердите, да вси едиными усты и единым сердцем вопиют прославившему вас Богу: Аллилуиа.
Икос 9
Вития многовещанныя, яко рыбы безгласны, зрим о вас, преподобнии, недоумеют бо, како и в пустыни духом витали есте, и посреде человек неусыпными подвиги подвизастеся. Мы же, радующеся, яко таковые имамы учители и молитвенники, прославляем вас, глаголюще: Радуйтеся, истинныя веры исповедницы; Радуйтеся, Царствия Божия наследницы. Радуйтеся, ереси иконоборныя обличителие; Радуйтеся, иудейства посрамителие. Радуйтеся, триязычную ересь поправшии; Радуйтеся, словеном двери Царствия Небеснаго отверзшии. Радуйтеся, воини Христови, еще в житии от Него славою венчаннии; Радуйтеся, и в славе своей дух смиренномудрия соблюдшии. Радуйтеся, злая, яко Исаия и Иеремия, от единоплеменных за благая приявшии; Радуйтеся, яко Даниил и Есфирь, за язык свой ходатайствовавшии. Радуйтеся, со всеми святыми немерцающим светом осияваемии; Радуйтеся, со всеми угодники Божии о нас грешных Господу молящиися. Радуйтеся, Мефодие и Кирилле, язык словенских апостоли и богомудрии учителие.
Кондак 10
Спасти хотя новое стадо Христово от волков мысленных, святый Мефодий на одре смертном ученики своя вельми моляще твердо стояти во истинней вере, ниже козней вражеских устрашатися, но и в скорбех и напастех за вся благодарити Бога, поюще: Аллилуиа.
Икос 10
Стена есте всем, о православии трудящимся, и заступление к вам с верою притекающим, Meфодие и Кирилле богомудрии, ибо небесе и земли Творец избра вас быти на земли ловцы человеком, послежде же на небесех к лику апостол сопричте. Темже и нам умолите благодати Его даром податися, умиленно вопиющим таковая: Радуйтеся, добродетельми, яко виссоном, украшеннии; Радуйтеся, в премудрости с Соломоном сравнившиися. Радуйтеся, воздержанием и молитвою великим Антонию и Пахомию уподобльшиися; Радуйтеся, яко Великий Василий и Иоанн Златоустый, силою слова одареннии. Радуйтеся, яко целомудрием Иосифу подобни бысте; Радуйтеся, терпению Иовлему подражавшии. Радуйтеся, незлобием царю и пророку Давиду соревновавшии; Радуйтеся, ревностию по вере Илии уподобившиися. Радуйтеся, яко, подобно Павлу и Иоанну Богослову, Христа Бога возлюбили есте; Радуйтеся, яко Даниил и трие отроцы, мужественно Бога прославившии. Радуйтеся, яко ангелом и святым Божиим сожительствуете; Радуйтеся, яко и мы грешнии имя ваше с верою призываем. Радуйтеся, Мефодие и Кирилле, язык словенских апостоли и богомудрии учителие.
Кондак 11
Пение благодарное приносяще ко Господу, предстателие нам грешным вас даровавшему, со умилением молим вы, святии учителие наши, не возгнушатися нас лености ради нашея, ниже отступити от нас тяжких ради беззаконий наших, но милосердие от Господа всем испросити, вопиющим Ему о вас: Аллилуиа.
Икос 11
Светозарную апостол словенских двоицу восхваляюще, вернии, устранимся своих распрей и раздоров, паче же разделений в вере, единение же духа в союзе мира блюдуще, воспоим святых учителей тако: Радуйтеся, громогласныя трубы Евангельскаго благовестия; Радуйтеся, гусли сладкозвучныя проповеди спасения. Радуйтеся, крепцыи правды насадителие; Радуйтеся, непоколебимии неправды истребителие. Радуйтеся, радости податели всем бывшии; Радуйтеся, скорбей нападения отвсюду восприявшии. Радуйтеся, мзды и воздаяний трудом своим от человек не искавшии; Радуйтеся, о неблагодарных людех Богу молившиися. Радуйтеся, ангел Божиих и святых Его подвиги и добродетельми своими радовавшии; Радуйтеся, радости вечныя купно с ними во обителех блаженных наслажденнии. Радуйтеся, звезды, светом истины сияющия; Радуйтеся, сами добродетелей ваших светом осияннии. Радуйтеся, Мефодие и Кирилле, язык словенских апостоли и богомудрии учителие.
Кондак 12
Благодать единения и мира испросите нам, преподобнии, и мир во всем мире до конца мирскаго жития вашего благовестившии, яко да и мы, от всех расколов и искушений свобождшеся, в мире воспоим, яко други, вас возлюбившему единому миротворцу всех Господу: Аллилуиа.
Икос 12
Поюще ваше дивное житие на земли и славу, яже на небеси, помышляюще, смиренно молим вас, святии учителие, силу свыше православным христианом на враги невидимыя и видимыя даровавшия, и народы словенския в единение веры приведшия, вси воспевают, верно взывающе: Радуйтеся, православия твердое ограждение; Радуйтеся, неверия живое обличение. Радуйтеся, исхождение Духа Святаго от Отца точию, яко отдревле прияхом, исповедавшии; Радуйтеся, службу Божию совершати комуждо своим еси языком завещавщии. Радуйтеся, праведных в праведности утверждение; Радуйтеся, и беззаконных к закону обращение. Радуйтеся, яко вами и мы во исполнение Церкве внидохом; Радуйтеся, яко вами слово Божие на сроднем нам языке достиже. Радуйтеся, яко молитвами вашими, аки забралом крепким, от врагов наших ограждаемся; Радуйтеся, яко предстательством вашим вечныя жизни сподобляемся. Радуйтеся, всем словеном пастырие и отцы, ихже ради есмы вси братие; Радуйтеся, яко вас ради братия суще по плоти и по духу братия Христу сотворихомся. Радуйтеся, Мефодие и Кирилле, язык словенских апостоли и богомудрии учителие.
Кондак 13
О пречуднии и предивнии язык словенских учителие, святии равноапостольнии Мефодие и Кирилле, нынешнее приемше моление наше, вся словены от находящих им зол и бед свободите, в мире и единении соблюдите и к Царствию Небесному предстательством вашим приведите всех, во умилении о вас поющих Богу: Аллилуиа.
(Этот кондак читается трижды, затем икос 1 и кондак 1)
Молитвы святым равноапостольным Мефодию и Кириллу, учителем словенским
Молитва первая
О преславнии язык словенских учителие и просветителие, святии равноапостольнии Мефодие и Кирилле. К вам, яко чада ко отцем, светом учений и писмен ваших просвещеннии и в вере Христовой наставленнии, ныне усердно прибегаем и в сокрушении сердец наших молимся. Аще бо и завет ваших, яко чада непокоривая, не соблюдохом и о угождении Богу, якоже учисте, небрегохом, и от единомыслия и любве, юже словеном, яко братиям в вере и по плоти, добре завещаете, отпадохом, обаче, якоже древле в житии вашем неблагодарных и недостойных не отвращасте тщи, но благими за злая воздавасте, тако и ныне грешных и недостойных чад ваших молитвы не отвратите, но, яко велие имуще дерзновение ко Господу, прилежно Того молите, да наставит и обратит нас на путь спасения, распри же и раздоры, посреде единоверных братии возникающия, умирит, отпадшия паки во единомыслие приведет и всех нас единением духа и любве во единей, Святей, Соборней и Апостольстей Церкви соединит. Вемы бо, вемы, яко много может молитва праведника ко благосердию Владыки, аще и о грешных людех приносима бывает. Не оставите убо нас, унылых и недостойных чад ваших, ихже грех ради паства ваша, вами собранная, враждою разделяема и соблазны от иноверных прельщаема, умалися, овцы же ея словесныя разсеваемы, от волков мысленных восхищаются, дадите убо нам молитвами вашими о православии ревность, да ею возгреваеми, отеческая предания добре сохраним, уставы и обычаи церковныя верно соблюдати потщимся, всяких лжеучений странных отбежим и тако, в житии богоугоднем на земли преспевающе, жизни райския на небеси сподобимся, и тамо с вами вкупе Владыку всех, в Троице Единаго Бога прославим во веки веков. Аминь.
Молитва вторая
О всехвальнии равноапостольнии Мефодие и Кирилле, припадающе пред честною иконою вашею, усердно молим вы: воззрите милостивно на нас, ихже трудом вашим просветили есте, и оградите нас неусыпным предстательством вашим от злых козней вражиих! Призрите убо на виноград сей, егоже насадили есте, и не предайте дивеему вепрю озобати его. Сохраните, святии угодницы Божии, Церковь нашу Православную, юже вы наздали есте на краеугольном камени, Христе, яко да будет недвижима, но да разсыпятся о камень сей волны всякаго маловерия. Укрепите пастырей наших во всех добродетелех и в подвизе проповедания, вразумите же пасомых, во еже послушати гласа их. Сохраните вся страны словенския от всякаго оскудения, от огня и меча, от смертоносныя язвы и от всякого зла. Услышите и всякаго человека, с верою к вам приходящаго и благодатныя помощи вашея требующаго. В страшный же час смертный предстаните всем нам блазии ходатаи и темных зраков демонских прогонителие, да в мире и покаянии скончавше земное поприще, достигнем вечных благ наслаждения и купно с вами прославим Пресвятую Троицу — Отца и Сына и Святаго Духа, ныне и присно, и во веки веков. Аминь.
Тропарь, глас 4
Яко Апостолом единонравнии и Словенских стран учителие, Кирилле и Мефодие богомудрии, Владыку всех молите, вся языки Словенския утвердите в православии и единомыслии, умирити мир и спасти души наша.
Кондак, глас 3
Священную двоицу просветителей наших почтим, Божественных писаний преложением источник богопознания нам источивших, из негоже даже до днесь неоскудно почерпающе ублажаем вас, Кирилле и Мефодие, Престолу Вышняго предстоящих и тепле молящихся о душах наших.
Величание
Величаем вас, святии равпоапостольнии Кирилле и Мефодие, вся Словенския страны ученьми своими просветившыя и ко Христу приведшыя.
Молитвы Кириллу и Мефодию
Даже те, кто знают предмет или разбираются в информации, сильно волнуются перед проверками знаний, а также остальными важными ситуациями. Некоторые добросовестные люди с трудом запоминают информацию. Есть те, кто теряют над собой контроль из-за сильного стресса. А еще существуют люди, которые из-за волнения не могут сконцентрироваться.
Молитва к святым Кириллу и Мефодию поможет в таких и других ситуациях.
Первая
О, пресла́внии просвети́телие слове́нских язы́к, святи́и равноапо́стольнии Мефо́дие и Кири́лле, ва́ших письме́н и уче́ний све́том просвети́вшеся и в ве́ре Христо́вой наста́вльшеся, я́ко ча́да ко отце́м, усе́рдно ны́не прибега́ем и сокруше́нием серде́чным мо́лимся: а́ще и заве́т ва́ших не соблюдо́хом, о угожде́нии бо Бо́гу небрего́хом и от бра́тняго единомы́слия в ве́ре отпадо́хом, оба́че я́коже дре́вле в земно́м житии́ ва́шем, си́це и ны́не гре́шных и недосто́йных не отврати́те тщи, но, я́ко иму́ще ве́лие ко Го́споду дерзнове́ние, приле́жно Того́ моли́те, да обрати́т нас в путь спасе́ния, да умири́т раздо́ры единове́рных, да приведе́т к единомы́слию отпа́вших и всех нас ду́хом любве́ да соедини́т Еди́ней Святе́й, Собо́рней и Апо́стольстей Це́ркви! Ве́мы бо, я́ко мно́го мо́жет моли́тва пра́ведных по благосе́рдию Влады́ки. Не оста́вите у́бо нас, уны́лых и недосто́йных, чад ва́ших, и́хже ра́ди грехо́в па́ства ва́ша, враждо́ю разделя́ема и собла́знами иносла́вных прельща́ема, ума́лися, о́вцы же слове́сныя, разрыва́емы, восхища́ются во́лки губи́тельными. Пода́ждьте у́бо нам моли́твами ва́шими ре́вность Правосла́вия, я́ко да оте́ческая преда́ния до́бре сохрани́м, кано́ны церко́вные ве́рно соблюде́м, вся́ких лжеуче́ний стра́нных отбежи́м и, та́ко в житии́ богоуго́дном преспева́юще, жи́зни ра́йския на Небеси́ сподо́бимся, иде́же ку́пно с ва́ми просла́вим в Тро́ице Еди́наго Бо́га во ве́ки веко́в. Ами́нь.
Вторая
О, всехва́льнии равноапо́столи Мефо́дие и Кири́лле, припа́дающе пред честно́ю ико́ною ва́шею, усе́рдно мо́лим вы: воззри́те ми́лостивно на нас, и́хже трудо́м ва́шим просвети́ли есте́, и оградите́ нас неусы́пным предста́тельством ва́шим от злых ко́зней вра́жиих! При́зрите у́бо на виногра́д сей, его́же насади́ли есте́, и не преда́йте ди́веему ве́прю озоба́ти его́. Сохрани́те, святи́и уго́дницы Бо́жии, Це́рковь на́шу Правосла́вную, ю́же вы назда́ли есте́ на краеуго́льном Ка́мени, Христе́, я́ко да бу́дет недви́жима, но да разсы́пятся о Ка́мень сей во́лны вся́каго малове́рия. Укрепи́те па́стырей на́ших во всех доброде́телех и в по́двизе пропове́дания, вразуми́те же пасо́мых, во е́же послу́шати гла́са их. Сохрани́те вся страны́ слове́нския от вся́каго оскуде́ния, от огня́ и меча́, от смертоно́сныя я́звы и от вся́каго зла. Услы́шите и вся́каго челове́ка, с ве́рою к вам приходя́щаго и благода́тныя по́мощи ва́шея тре́бующаго. В стра́шный же час сме́ртный предста́ните всем нам блази́и хода́таи и те́мных зра́ков де́монских прогони́телие, да в ми́ре и покая́нии сконча́еше земно́е по́прище, дости́гнем ве́чных благ наслажде́ния и ку́пно с ва́ми просла́вим Пресвяту́ю Тро́ицу – Отца́ и Сы́на и Свята́го Ду́ха, ны́не, и при́сно, и во ве́ки веко́в. Ами́нь.
Третья
О, пресла́внии язы́к слове́нских учи́телие и просвети́телие, святи́и равноапо́стольнии Мефо́дие и Кири́лле! К вам, я́ко ча́да ко отце́м, све́том уче́ний и писме́н ва́ших просвеще́ннии и в ве́ре Христо́ве наста́вленнии, ны́не усе́рдно прибега́ем и в сокруше́нии серде́ц на́ших мо́лимся. Аще бо и заве́т ва́ших, я́ко ча́да непокори́вая, не соблюдо́хом, и о угожде́нии Бо́гу, я́коже учи́сте, небрего́хом, и от единомы́слия и любве́, ю́же слове́ном, я́ко бра́тиям в ве́ре и по пло́ти, до́бре завеща́сте, отпадо́хом: оба́че, я́коже дре́вле в житии́ ва́шем неблагода́рных и недосто́йных не отвраща́сте тщи, но благи́ми за зла́я воздава́сте, та́ко и ны́не гре́шных и недосто́йных чад ва́ших моли́твы не отврати́те, но я́ко ве́лие иму́щии дерзнове́ние ко Го́споду, при́лежно Того́ моли́те, да наста́вит и обрати́т нас на путь спасе́ния, ра́спри же и раздо́ры, посреде́ единове́рных бра́тий возника́ющия, да умири́т, отпа́дшия па́ки во единомы́слие приведе́т и всех нас едине́нием ду́ха и любве́ во Еди́ней, Святе́й, Собо́рней и Апо́стольстей Це́ркви соедини́т. Ве́мы бо, ве́мы, я́ко мно́го мо́жет моли́тва пра́веднича ко благосе́рдию Влады́ки, а́ще и о гре́шных лю́дех приноси́ма быва́ет. Не оста́вите у́бо нас, уны́лых и недосто́йных чад ва́ших, и́хже грех ра́ди па́ства ва́ша, ва́ми собра́нная, враждо́ю разделя́ема и собла́зны от инове́рных прельща́ема, ума́лися, о́вцы же ея́ слове́сныя, разсеява́емы от волко́в мы́сленных, восхища́ются: дади́те у́бо нам моли́твами ва́шими о правосла́вии ре́вность, да е́ю возгрева́еми, оте́ческая преда́ния до́бре сохрани́м, уста́вы и обы́чаи церко́вныя ве́рно соблюда́ти потщи́мся, вся́ких лжеуче́ний стра́нных отбежи́м, и та́ко в житии́ богоуго́днем на земли́ преспева́юще, жи́зни ра́йския на Небеси́ сподо́бимся и та́мо с ва́ми вку́пе Влады́ку всех, в Тро́ице Еди́наго Бо́га, просла́вим во ве́ки веко́в. Ами́нь.
Четвертая
О, святи́и равноапо́стольнии Мефо́дие и Кири́лле! Ны́не к вам усе́рдно прибега́ем и в сокруше́нии серде́ц на́ших мо́лимся: моли́те Го́спода, да наста́вит и обрати́т нас, на путь спасе́ния. Не оста́вите нас, недосто́йных чад ва́ших (имена), дади́те нам, моли́твами ва́шими, о правосла́вии ре́вность, да е́ю возгрева́еми, оте́ческая преда́ния до́бре сохрани́м, уста́вы и обы́чаи церко́вныя ве́рно соблюда́ти потщи́мся, вся́ких лжеуче́ний стра́нных отбежи́м, и та́ко в жити́и богоуго́днем на земли́ преспева́юще, жи́зни ра́йския на небеси́ сподо́бимся, и та́мо с ва́ми вку́пе Влады́ку всех, в Тро́ице Еди́наго Бо́га, просла́вим во ве́ки веко́в.
Тропарь
Я́ко апо́столом единонpа́внии/ и слове́нских стpан учи́телие,/ Киpи́лле и Мефо́дие Богому́дpии,/ Влады́ку всех моли́те,/ вся язы́ки слове́нския утвеpди́ти в Пpавосла́вии и единомы́слии,/ умиpи́ти миp// и спасти́ ду́ши на́ша.
Перевод: Апостолам единомысленные и славянских стран учителя, Кирилл и Мефодий Богомудрые, Владыку всего молите все народы славянские в Православии и единомыслии утвердить, миром мир оградить и спасти души наши.
Кондак
Свяще́нную дво́ицу просвети́телей на́ших почти́м,/ Боже́ственных писа́ний преложе́нием исто́чник Богопозна́ния нам источи́вших,/ из него́же да́же додне́сь неоску́дно почерпа́юще,/ ублажа́ем вас, Кири́лле и Мефо́дие,/ Престо́лу Вы́шняго предстоя́щих// и те́пле моля́щихся о душа́х на́ших.
Перевод: Священную двоицу просветителей наших почтим, переводом Божественных писаний источник Богопознания нам источивших, из которого даже доныне обильно черпая, прославляем вас, Кирилл и Мефодий, Престолу Всевышнего предстоящих и усердно молящихся о душах наших.
Православная молитва — Православная книга
Святые Мефодий (815–885) и Кирилл, до принятия схимы носивший имя Константин (827–869), – родные братья из благочестивой семьи, жившей в греческом городе Солуни (Македония). Старший брат Мефодий, оставив должность воеводы, ушел в монастырь на гору Олимп, где занимался изучением священных книг. Константин получил блестящее образование, постиг многие науки и языки, за что получил прозвище «Философ» (мудрый); в сане иерея был назначен хранителем патриаршей библиотеки. Впоследствии удалился в монастырь, где подвизался его брат Мефодий, и занялся изучением славянского языка. По поручению императора Константин вместе с Мефодием и учениками в 863 г. составил славянскую азбуку и перевел на славянский язык Евангелие, Псалтирь и другие богослужебные книги. После этого братья отправились в Моравию, где обучали богослужению на славянском языке. Впоследствии папа Римский утвердил богослужение на славянском языке, в том числе Божественную Литургию. В Риме Константин, предвидев дату своей смерти, принял схиму с именем Кирилл и скончался 14.02.869 г. (память 14 / 27 февраля). После смерти Кирилла Мефодий был рукоположен во архиепископа Моравии и Паннонии; он продолжал распространять богослужение, письменность и книги на славянском языке, проповедуя Христа чехам, хорватам, далматам и другим славянским народам. Святитель Мефодий с помощью двух учеников перевел на славянский язык Ветхий Завет (кроме Маккавейских книг), Номоканон (Правила святых отцов) и святоотеческие книги (Патерик). К равноапостольным просветителям славян обращаются с молитвами о просвещении разума и усвоении духовной грамоты, даровании детям ума и желания учиться, помощи детям и взрослым в обучении наукам, об уклонении от ложных и чуждых Православию учений, умирении распрей и раздоров среди единоверных, сохранении славянских государств от всякого зла.
Молитва равноапостольным Кириллу и Мефодию, учителем словенским
О преславнии язык словенских учителие и просветителие, святии равноапостольнии Мефодие и Кирилле! К вам, яко чада ко отцем, светом учений и письмен ваших просвещеннии и в вере Христовой наставленнии, ныне усердно прибегаем и в сокрушении сердец наших молимся. Аще бо и завет ваших, яко чада непокоривая, не соблюдохом и о угождении Богу, якоже учисте, небрегохом, и от единомыслия и любве, юже словеном, яко братиям в вере и по плоти, добре завещасте, отпадохом; обаче, якоже древле в житии вашем неблагодарных и недостойных не отвращасте тщи, но благими за злая воздавасте, тако и ныне грешных и недостойных чад ваших молитвы не отвратите, но яко велие имущии дерзновение ко Господу, прилежно Того молите, да наставит и обратит нас на путь спасения, распри же и раздоры, посреде единоверных братий возникающия, умирит, отпадшия паки во единомыслие приведет и всех нас единением духа и любве во единей, Святей, Соборней и Апостольстей Церкви соединит. Вемы бо, вемы, яко много может молитва праведника ко благосердию Владыки, аще и о грешных людех приносима бывает. Не оставите убо нас, унылых и недостойных чад ваших, ихже грех ради паства ваша, вами собранная, враждою разделяема и соблазны от иноверных прельщаема, умалися, овцы же ея словесныя разсеяваемы, от волков мысленных восхищаются; дадите убо нам молитвами вашими о Православии ревность, да, ею возгреваеми, отеческая предания добре сохраним, уставы и обычаи церковныя верно соблюдати потщимся, всяких лжеучений странных отбежим, и тако, в житии богоугоднем на земли преспевающе, жизни райския на небеси сподобимся, и тамо с вами вкупе Владыку всех, в Троице Единаго Бога, прославим во веки веков. Аминь.
© Михаил Тихомиров Цитируется в сокращении по кн.: МОЛИТВЫ СВЯТЫМ БОЖИИМ С КРАТКИМИ СВЕДЕНИЯМИ О ЖИТИЯХ И ПОМОЩИ В РАЗНЫХ НУЖДАХ. – М.: Изд. Тихомирова М.Ю., 2022.
Православная книга почтой pravmolitva.ru
Правила чтения
Считается, что наиболее мощно молитвы действуют в день памяти святых. Помимо этого, существуют правила, которые необходимо выполнять для того, чтобы святые откликнулись на просьбу. Те, кто обращаются к святым, должны:
- верить в Бога. Иначе результата от молитвы не будет;
- выучить текст воззвания на память, но, если это очень трудно, то необходимо переписать его своими руками и вдумчиво читать;
- молчать о том, что прибегли к такому средству. Молитва должна оставаться таинством, поэтому никто не должен знать о ней;
- читать воззвание медленно, пропустить его через ум и сердце. Ведь только благодаря этому оно достигает Господа.
Еще нужно знать, что тот, кто молится собственному покровителю:
- утром на весь день может получить сильную защиту от злого окружения и споров. А еще такой человек воодушевляется для совершения угодных Богу поступков;
- вечером может получить защиту во сне от отрицательных воздействий нечистой силы и колдовства.
Стоит понимать, что молитва не заменяет подготовку. Она помогает, но не освобождает от труда. Текст молитвы труден, но для тех, кто верит, это не станет препятствием.
