Акафист и молитва иконе Божией матери «Страстная»
Икос 1
Ангели предсташа к держимому в объятиях Твоих Сыну Твоему и Богу нашему, показоваху орудия Крестныя, мы же со страхом поклоняемся страстем Сына Твоего, и зовем Ти: Радуйся, Архангелов удивление; Радуйся, Тайн Божиих Служительнице. Радуйся, яко Дух Святый найде на Тя и сила Вышняго осени Тя; Радуйся, яко рожденный от Тебе есть Сын Божий. Радуйся, яко приснодевственное семя Твое сотре главу, гнездившагося в змии диавола; Радуйся, яко Тобою ад огорчися и смерть умертвися. Радуйся, Невесто Неневестная.
Кондак 2
Видяще, Пренепорочная, яко прииде Господь на землю, милости ради, да постраждет за грехи верующих в Него и вопиющих Ему: Аллилуиа.
Икос 2
Разуме, Пренепорочная, глагол старца Симеона, Тебе же Самой в сердце пройдет оружие, да открыются от многих сердец помышления, тем со умилением зовем Ти: Радуйся, Херувимов Светлейшая; Радуйся, вся скорби от Ирода и иудей приявшая. Радуйся, в пречистом рождестве Твоем сомнение от Иосифа понесшая; Радуйся, яко во яслех безсловесных Бога повила и положила еси. Радуйся, яко Тя с Сыном и Богом не име где главу подклонити; Радуйся, яко Тобою человек бывает Бог, да Бог Адама соделает. Радуйся, яко Тобою превознесеся человеческое естество; Радуйся, Невесто Неневестная.
Кондак 3
Силою укрепляема благодатною свыше, претерпе всякую скорбь и тесноту, любезно объят Сына Своего, со Архангелы вопиюще Ему: Аллилуиа.
Икос 3
Имуще святую икону Твою, «Страстную» именуемую, яко шипок благовонный и яко сокровище многоценное, приносим Ти смиренно поклонение, зовуще: Радуйся, Покровительнице обители Страстной; Радуйся, изволившая святою иконою Твоею стати на месте сем. Радуйся, благочестивому царю внушившая устроить обитель иноческую; Радуйся, Стено нерушимая верных. Радуйся, инокиням Помощница во спасении; Радуйся, о всем мире Молитвенница непреложная. Радуйся, Невесто Неневестная.
Кондак 4
Бурею греховною смущаеми и отягченнии сном нерадения, припадаем святой иконе Твоей, благодарим милостивое посещение Твоею иконою на месте сем, поюще непрестанно Богу песнь: Аллилуиа.
Икос 4
Слышавше православнии людие града Москвы, яко повеле благочестивый царь принести икону нарицаемую «Страстною», сего ради и срете ю много народа с царем, патриархом Иовом и всем Священным Собором, радостно возопиша: Радуйся, радость и спасение наше; Радуйся, Святыя Троицы Богогласная Горлице. Радуйся, воззвание страданий Христовых; Радуйся, спогребшая в страдании Сына Твоего. Радуйся, подтверждение всеобщего воскресения; Радуйся, высокий Кедре нашего безсмертия. Радуйся, Невесто Неневестная.
Кондак 5
Боготечная звезда указует Тебе путь с Пренепорочным Младенцем. Мы же мысленно со Иосифом на пути сем припадаем, поюще рожденному Господу и Тебе: Аллилуиа.
Икос 5
Видеши, Всенепорочная, наше сокрушение о гресех, не имамы иныя помощи, ни инаго предстательства, токмо Тебе дадеся благодать молитися за ны, сего ради с верою зовем: Радуйся, молитвами Твоими свобождающая нас пламене геенскаго; Радуйся, молившаяся за весь мир у Креста Христова. Радуйся, пламень страстей от человек отгоняющая; Радуйся, светом пречистыя души Твоея всех просвещающая. Радуйся, чистотою Твоею Ангелы удивившая; Радуйся, яко демоны трепещут от пречистаго имени Твоего. Радуйся, Невесто Неневестная.
Кондак 6
Предстояще у Креста Сына Твоего и Бога нашего, лютое оружие пройде душу Твою, егда распинаху Жизнодавца на лобном месте, посреде двою разбойник, егда воини совлекоша ризы Его и метающие жребий о иматисме Его. Тогда разумная воинства пояху: Аллилуиа.
Икос 6
Возсиявши, яко светлая свеща, у Креста Сына Твоего, горяще любовию матернею, глаголюще: «Аще и страждеши на Кресте, но вем Тя, прежде денницы рожденна». Видевши Пречистая, яко вся тварь вопиет Ти: Радуйся, яко душею и телом предстоиши у Креста Зиждителю Твоему; Радуйся, до последняго часа смерти, с Господом не разлучавшаяся. Радуйся, яко у Креста рекла еси: «Вся земля сорыдайте горце, Жизнеподатель зрится, яко мертв»; Радуйся, Подательница нам вечнаго радования. Радуйся, Невесто Неневестная.
Кондак 7
Хотящим воспевати страсти Сына Твоего, помози, Владычице, и не отрини молящихся пред чудотворною Твоею иконою и воспевающих из глубины души песнь: Аллилуиа.
Икос 7
Новую милость людем явила еси, Владычице, иконою Твоею, егда принесше ю честно людие во град Москву, донесше до врат Тверских, и, о чудо! Икона Твоя Святая ста неподвижно на месте сем, идеже ныне обитель Пречистому Твоему Имени. Радостно вопием Ти: Радуйся, Заступнице и Прибежище наше; Радуйся, всякия скорби и печали отгнание. Радуйся, благословение всем концем земли; Радуйся, Невесто Неневестная.
Кондак 8
Странное и преславное чудо богатыя милости Твоея нам, недостойным, являеши, и всем, с любовию притекающим к чудотворней иконе Твоей и вопиющим: Аллилуиа.
Икос 8
Вси роди блажат Тя, Пренепорочная, видя Тя страждущую и молящуюся при Крестном страдании Сына Твоего и вопиющую к Нему: «Из прободеннаго Твоего ребра, сладчайший Сыне, источи безсмертие». Сего ради со умилением зовем Ти: Радуйся, безсмертныя жизни сподобляющая рабы Твоя; Радуйся, уготовляющая райския обители благочестно живущим. Радуйся, Ходатаице вечнаго радования почитающим Тя; Радуйся, спасение и заступление инокинь, призывающих Тя непрестанно. Радуйся, покрывающая Своею благодатию всю вселенную; Радуйся, Невесто Неневестная.
Кондак 9
Вся страждеши при Кресте и вопиеши к распятому Господу: «Грядеши на страсть волею, Сыне, от страстей разреши Адама, и сущия от Адама, со беззаконными вменился еси, да от беззакония спасеши человека, зовуща: Аллилуиа!»
Икос 9
Ветия многовещанныя не возмогут воспеть страдания Твоя при Кресте. Ты же, о Пречистая, лице со власы терзающи и перси биюще, взывала еси: «Сыне, приими дух Мой и не остави Мене Едину». Мы же, недостойнии, умиленными гласы зовем Ти: Радуйся, помогающая верным в час смерти; Радуйся, сопровождающая всех христиан по лютым мытарствам. Радуйся, освобождающая нас от демонскаго удержания; Радуйся, Заступница христиан на Страшнем Суде Божием. Радуйся, Ходатаице всем хотящим получити христианскую кончину; Радуйся, Невесто Неневестная.
Кондак 10
Спасения прося нам, Пречистая, руки Твоя простерши, о многоблагоутробне Спасе, рекла еси, Страсти Твоя чтущих с праведным разбойником Твоим учини и спаси, Милосердие, вопиющая Тебе: Аллилуиа.
Икос 10
Стена еси необоримая, мирови Прибежище, милости Сокровище, приими моления раб Твоих, предстоящих Святому образу Твоему и умильно зовущих Ти: Радуйся, обрадованная, вечно блажимая Богородице; Радуйся, грешным и смиренным известное Прибежище. Радуйся, дев и сирот Заступнице; Радуйся, людем крепкая Помощнице. Радуйся, Святителем великое вразумление; Радуйся, благоговейных иереев Руководительнице. Радуйся, Невесто Неневестная.
Кондак 11
Пение умиленное и хвалу молебную сподоби приносити пред чудотворною иконою Твоею, Пресвятая Богоневесто, и не отврати лица Твоего от поющих Ти и Богу во веки: Аллилуиа.
Икос 11
Яко светозарное солнце, возсия в храме нашем образ Твой, Страстная Богородице, освящая, сохраняя и спасая от бед всех страждущих и вопиющих с любовию: Радуйся, сохраняющая благодатию Своею обитель иночествующих; Радуйся, Помощнице крепкая борющимся со страстьми. Радуйся, обидимых и угнетенных Заступнице; Радуйся, нищих и убогих радование. Радуйся, больных исцеление и подкрепление; Радуйся, юных вразумление и наставнице. Радуйся, Невесто Неневестная.
Кондак 12
Благодать Твою ниспосли нам, Благословенная, почитающим Святую икону Твою, и поклоняющимся Пречестным Страстем Сына Твоего с верою поющих: Аллилуиа.
Икос 12
Поюще непрестанно пред Святою иконою Твоею, поклоняемся, величаем и со страхом лобызаем чудотворный образ Твой, радостно взывающе: Радуйся, вечное наше радование; Радуйся, воскресения нашего Сокровище. Радуйся, от рова страстей нас свобождающая; Радуйся, взыскание погибших и ума лишенных. Радуйся, исполняющая прошения верных; Радуйся, уповающим на Тя грехов прощение даруеши. Радуйся, Невесто Неневестная.
Кондак 13
О, Всепетая Мати, приими недостойных раб Твоих молитву, призри на предстоящия люди пред чудотворной иконою Твоею и усердно поклоняющихся Пречистым Страстем Сына Твоего, просящих избавления от вечныя муки, вопиющих Тебе: Аллилуиа.
Акафист Пресвятой Богородице как литературно-поэтический шедевр
Содержание Акафиста Богородице делится на повествовательную (о земной жизни Девы Марии), и догматическую (о тайне Боговоплощения и спасения людей) части. Акафист наполнен многократными повторениями слова «радуйся». Таким возгласом архангелом Гавриилом было совершено приветствие Девы Марии, пришедшего возвестить Ей о надлежащем родиться от Нее Спасителе:
«Радуйся, Благодатная! Господь с Тобою; благословенна Ты между женами» (Евангелие от Луки, 1:28).
Как особый жанр византийской литературы, Акафист имеет исключительную в своем роде структуру. Икосы украшены одинаковым ритмическим рисунком. Хайретизмы образуют шесть пар, где каждая строка имеет зарифмованное отражение в другой строке. Нужно заметить, что в большинстве случаях рифма при переводе с греческого была утеряна.
Также Акафист Пресвятой Богородице насыщен литературно-поэтический оборотами. Такими, как антитезисы, то есть риторическими противопоставлениями. Например, «Радуйся, Ангелов многословущее чудо; радуйся, бесов многоплачевное поражение». Или параллельные обороты речи («Радуйся, честный венче царей благочестивых; радуйся, честная похвало иереев благоговейных»). Распространены синонимы («Радуйся, древо светлоплодовитое, от негоже питаются вернии; радуйся, древо благосеннолиственное, имже покрываются мнози»).
В греческом варианте Акафист пронизан фонетической игрой слов, которую невозможно адекватно передать при переводе. Для примера рассмотрим первую пару хайретизмов в первом икосе. По-славянски текст звучит: «Радуйся, Еюже радость возсияет; Радуйся, Еюже клятва исчезнет». Русская транскрипция греческого варианта: «Хайре, ди хэс хэ хара эклампсей; Хайре, ди хэс хэ ара эклейпсей».
В оригинале Акафист Пресвятой Богородице является алфавитным акростихом: первые слова кондаков и икосов начинаются с букв греческого алфавита, от «Альфы» («Ангел предстатель…») до «Омега» («О всепетая Мати…»). Для славянского перевода это можно проследить только в первом икосе и тринадцатом кондаке.
Акафист Пресвятой Богородице: значение
В благодарность за участие Приснодевы в тайне Боговоплощении Церковь радостно воспевает Ей радостные гимны. Великий Акафист проникнут хвалебными песнопениями, адресованными к Богоматери. Однако весь текст напоминает о тайне человеческого спасения, которое обретается Христом.
Акафист Божией Матери является особым видом молитвословия, который можно читать как в радостные жизненные моменты, так и во время душевной потребности в помощи и заступничестве Богоматери.
«Есть у нас там, на небесах, Матерь добрая и милостивая. Не подумайте, будто если сегодня преселилась Матерь Господа на небо, то Она покинула мир. Нет! Перейдя однажды туда, Она имеет большую власть и с большей силой помогает нам. Она теперь ближе к Престолу Божества, Она ушла туда, чтобы всегда призирать на нужды нищих, молитвы вдов, на убогих, заключенных, гонимых, страждущих, больных.
Там Она соделалась Матерью, помогающей всем в бедах, всем притесняемым и всем любящим Ее и призывающим на помощь всем сердцем. Есть у нас на небе Матерь преблагая, Матерь милости и милосердия, Которая всегда молится о всей Церкви Христовой и каждом чаде Церкви Христовой в отдельности.
Блаженны и трижды блаженны христиане, хранящие икону Пресвятой Богородицы в доме своем и каждый день читающие акафист, молебен и иные молитвы Матери Божией. Нет на небе и на земле Лица более сильного, после Святой Троицы, чем Матерь Божия, могущая помочь нам» (архимандрит Клеопа Илие, 1912-1998).
