Тропарь роману сладкопевцу текст с ударениями

Канон святому преподобному Роману Сладкопевецу, Константинопольскому

Припев: Преподо́бне о́тче Рома́не, моли́ Бо́га о на́с.
Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 14 октября (01 октября ст. ст.)

Глас 6.

Ирмо́с:

Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Светосия́нныя лучи́ от небе́с на́м низпосли́ моли́твами твои́ми, му́дре Рома́не боже́ственне, твою́ похвали́ти свяще́нную па́мять пе́сньми.

От ю́ности ве́сь ты́ Христу́ тя́ сама́го предложи́в, после́довал еси́ Ему́, светоза́рными сия́ньми у́м с небесе́, Рома́не, облистава́я.

Укра́шен добро́тою Вседе́тельнаго и Свята́го Ду́ха, я́ко звезда́ светосия́нная, доброде́телей све́тлостию, му́дре, яви́лся еси́, Рома́не, ми́ра конце́м.

Богоро́дичен:

Из Тебе́ про́йде неизрече́нно Бо́жие Сло́во Собезнача́льное в после́дняя времена́, и пе́рваго челове́ка Ада́ма, во тлю́ па́дшаго, Богоро́дице, возспасе́.

Ирмо́с:

Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́.

У́м тво́й, Рома́не му́дре, бы́сть оби́телище Тро́ицы Святы́я, исполня́емь благоче́стно зна́ния и́стиннаго, источа́я боже́ственная пропове́дания.

Струи́ искипе́ тече́ний честны́й тво́й язы́к, поя́ боже́ственная и уясня́я му́дростно Христо́во к на́м от Де́вы Рождество́ неизрече́нное.

Се́ пита́еши оби́льно му́дрыми уче́ньми и кра́сными песнопе́нии по́мыслы на́ша и исполня́еши сла́дости Боже́ственнейшия, Рома́не богогла́се.

Богоро́дичен:

Все́х еси́ во́инств вы́шши, Де́во, те́х бо Соде́теля, Сы́на Бо́жия, зачала́ еси́ во утро́бе и, ро́ждши, пребыва́еши Присноде́ва.

Седа́лен, гла́с 5.

Насажде́н, я́коже дре́во, о́тче блаже́нне, при исхо́дищих во́д по́стнических, Боже́ственным соде́йством плоды́ боле́зней твои́х во вре́мя я́вственно Садоде́лателю и Творцу́ отда́л еси́. Сего́ ра́ди святу́ю твою́ пое́м па́мять, честву́юще тя́, Рома́не преподо́бне.

Богоро́дичен:

Те́плая предста́тельнице и непобеди́мая, упова́ние изве́стное и непосты́дное, стено́, и покро́ве, и приста́нище прибега́ющим к Тебе́, Присноде́во Чи́стая, Сы́на Твоего́ и Бо́га моли́ со а́нгелы умире́ние да́ти ми́ру, и спасе́ние, и ве́лию ми́лость.

Крестобогоро́дичен:

На Кресте́ зря́щи Тя́, Христе́, Ма́ти Твоя́, во́льно посреде́ разбо́йников ви́сяща, растерза́ющися утро́бою, ма́терски глаго́лаше: безгре́шный Сы́не, ка́ко непра́ведно на Кресте́, я́коже злоде́й, пригвожде́н еси́, челове́ческий ро́д хотя́ оживи́ти, я́ко Благоутро́бен?

Ирмо́с:

Христо́с моя́ си́ла, Бо́г и Госпо́дь, честна́я Це́рковь боголе́пно пое́т, взыва́ющи, от смы́сла чи́ста, о Го́споде пра́зднующи.

Прия́телище бы́л еси́ Боже́ственнаго Ду́ха и огнедохнове́нная уста́, возглаша́ющая боже́ственная песнопе́ния и наслажда́ющая ду́ши, Рома́не, притека́ющих ти́.

Я́ко цевни́ца ты́ бы́л еси́ небе́сная и гу́сль, вся́кую к себе́ влеку́щи мы́сль повестьми́ твои́ми и кра́сными твои́ми песнопе́нии.

Благода́ть дхне́ и всели́ся в светоно́сную твою́ ду́шу, Вседе́тельнаго и Пресвята́го Ду́ха, прехва́льне, и тя́ прия́телище и му́дра боговеща́теля соде́ла.

Богоро́дичен:

Я́д излия́ в прама́терния у́бо слу́хи зми́й, но Ты́, Чи́стая, сего́ истрясла́ еси́, арха́нгеловым гла́сом заче́нши и ро́ждши Христа́.

Ирмо́с:

Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Я́ко благоле́пнейшо святи́лище, сосу́д я́ко чисте́йший, Уте́шителева благода́ть обре́тши тя́, Рома́не богому́дре, хра́м соде́ла, све́том укра́шен, и всели́ся.

Воплоще́ннаго Сы́на Бо́жия Ро́ждшая и́стинно твою́ ду́шу просвети́ и у́м боже́ственнаго зна́ния испо́лни, в нощи́ предста́вши тебе́, Присноде́ва.

Списа́ньми твои́х свяще́нных слове́с, приснопа́мятне, яви́вся все́м вои́стинну сладча́йший, вся́ увеселя́еши, все́х просвеща́я у́м и вся́ науча́я зна́нию спаси́тельному.

Богоро́дичен:

Све́т ро́ждшая, О́тчее Сло́во Присносу́щное, Чи́стая, свеща́тельными моли́твами Твои́ми просвети́ у́м мо́й и отжени́ тму́ души́ моея́, Пречи́стая Влады́чице.

Ирмо́с:

Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти́: возведи́ от тли́ живо́т мо́й, Многоми́лостиве.

Просвеще́ния исполня́емь и к высоте́ доброде́телей боже́ственно возводи́мь, небре́гл еси́ о все́х земны́х: и сто́лп небе́сный, и свети́льник благоче́стия бы́л еси́.

Пло́ти увяди́л еси́ жела́ния и ду́шу твою́ украси́л еси́ светле́йшими чистоты́ озаре́ньми, и добро́ту рачи́тельную доброде́телей благоле́пием обложи́л еси́.

Возненави́дев привре́менное и су́етное, и гнило́е, и те́чное наслажде́ние, к хра́му Богоро́дицы прилежа́, у́м освяти́л еси́, и ду́шу, и те́ло, достосла́вне.

Богоро́дичен:

Вси́ предзря́ще проро́цы све́тло бу́дущее по́слежди от Де́вы, Христе́ мо́й, Твое́ на земли́ пренепоро́чное Рождество́, я́вственно богови́дцы провеща́ша.

Конда́к, гла́с 8:

Боже́ственными доброде́тельми ду́ха измла́да украси́вся, Рома́не прему́дре, Це́ркви Христо́ве пречестно́е украше́ние бы́л еси́: пе́нием бо прекра́сным украси́в ю́, блаже́нне. Те́м мо́лим тя́: пода́ждь жела́ющим боже́ственнаго дарова́ния твоего́, я́ко да вопие́м ти́: ра́дуйся, о́тче преблаже́нне, красото́ церко́вная.

Ирмо́с:

О́троцы в Вавило́не пе́щнаго пла́мене не убоя́шася, но, посреде́ пла́мене вве́ржени, ороша́еми, поя́ху: благослове́н еси́, Го́споди, Бо́же оте́ц на́ших.

Богоро́дицу Мари́ю богому́дра име́л еси́ Учи́теля, вразумля́ющую тя́, и науча́ющую, и пе́ти повелева́ющую: благослове́н еси́, Го́споди, Бо́же оте́ц на́ших.

Возсия́л еси́ в ми́ре, я́ко светле́йшее со́лнце, Рома́не богому́дре, и све́тло просвеща́я ве́рою зову́щия: благослове́н еси́, Го́споди, Бо́же оте́ц на́ших.

Твои́х глаго́л веща́ние вселе́нную испо́лни и красно́ песнопе́ти Христу́ челове́ки научи́: благослове́н еси́, Го́споди, Бо́же оте́ц на́ших.

Богоро́дичен:

Ны́не блажа́т Тя́ вси́ ро́ди челове́честии, Богоро́дице Чи́стая, я́коже прорекла́ еси́, и ве́рою сла́вят: благослове́н, Пречи́стая, Пло́д чре́ва Твоего́.

Ирмо́с:

За зако́ны оте́ческия блаже́ннии в Вавило́не ю́ноши, предбе́дствующе, царю́ющаго оплева́ша повеле́ние безу́мное, и совоку́плени, и́мже, не свари́шася огне́м, Держа́вствующему досто́йную воспева́ху пе́снь: Го́спода по́йте, дела́, и превозноси́те во вся́ ве́ки.

Всю́ ми́ра красоту́, и сла́дость, и сла́ву оттря́с, ду́шу твою́ впери́л еси́ к вы́шним лико́м, к та́мошним сла́вам и све́тлостям, му́дре, к добро́там неизрече́нным, к пребыва́нием та́мошним, к све́ту богонача́лия, зовя́: Тя́ превозно́сим, Христе́, во ве́ки.

Боже́ственным жела́нием распаля́емь, восхожде́ния положи́л еси́ в се́рдцы твое́м и безпло́тное во пло́ти житие́ стяжа́л еси́. А́нгельским чино́м подо́бяся, му́дре, та́мо су́щая возлюби́л еси́ в ми́ре песнопе́ния, ве́рою, Рома́не, взыва́я: Тя́ превозно́сим, Христе́, во ве́ки.

Высоковеща́нием боже́ственных твои́х и сладча́йших слове́с, блаже́ннейше Рома́не, вся́к по́мысл весели́ши челове́ков и услажда́еши, я́коже не́кий пита́тель богатотво́рный, и просвеща́еши све́тло и науча́еши вопи́ти: Го́спода по́йте дела́ и превозноси́те во вся́ ве́ки.

Богоро́дичен:

Равнобо́жием прельсти́в мя́, человекоуби́йца, зми́й лука́внейший, я́ко пле́нника, исхити́ сла́дости ра́йския, но Влады́ка, естество́м Сы́н Бо́жий, вопло́щся, прии́де от Де́вы Мари́и, и взя́т мя́ на высоту́, обожи́в: Его́же превозно́сим во вся́ ве́ки.

Ирмо́с:

Безсе́меннаго зача́тия рождество́ несказа́нное, Ма́тере Безму́жныя нетле́нен Пло́д: Бо́жие бо рожде́ние обновля́ет естества́. Те́мже Тя́ вси́ ро́ди, я́ко Богоневе́стную Ма́терь, правосла́вно велича́ем.

Го́рнейшим, сла́вне, лико́м совокупи́лся еси́ безпло́тным, иде́же неизрече́нная пребыва́ет ра́дость и всегда́шнее наслажде́ние, иде́же о́ный Богонача́лия све́т е́сть и весе́лие, иде́же неизглаго́ланная сла́ва, блаже́ннейше.

С пра́ведными вну́трь Боже́ственныя сла́вы всели́вся, зри́ши красоту́ неизрече́нную о́ную, зри́ши сла́дость неконча́емую, зри́ши добро́ты небе́сныя, и́стинно жела́нныя, му́дре, ви́диши патриа́рхов ли́ки, Рома́не сла́вне.

Твою́ светоно́сную па́мять ве́рно соверша́ющия от бе́д изба́ви моли́твами твои́ми, богому́дре, и от вся́каго вре́да, Рома́не, и ско́рби чужда́го и небе́сныя сла́вы получи́ти сподо́би и Ца́рствия го́рняго, блаже́ннейше.

Богоро́дичен:

От дре́вняго паде́ния челове́ческий ро́д первозда́ннаго бы́сть тле́нен, Де́во Богоро́дице, и порабоще́н страстьми́ грехо́вными, но из Тебе́ рожде́йся Преблаги́й Бо́г Свои́м благоутро́бием того́ воззва́.

І҆рмо́съ:

Ꙗ҆́кѡ по сꙋ́хꙋ пѣшеше́ствовавъ і҆и҃ль по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше.

Свѣтосїѧ̑нныѧ лꙋчы̀ ѿ нб҃съ на́мъ низпослѝ, моли́твами твои́ми мꙋ́дре рѡма́не бжⷭ҇твенне, твою̀ похвали́ти свѧще́ннꙋю па́мѧть пѣ́сньми.

Ѿ ю҆́ности ве́сь ты̀ хрⷭ҇тꙋ̀, тѧ̀ сама́го предложи́въ, послѣ́довалъ є҆сѝ є҆мꙋ̀, свѣтоза́рными сїѧ́ньми ᲂу҆́мъ съ нб҃сѐ рѡма́не, ѡ҆блистава́ѧ.

Оу҆кра́шенъ добро́тою вседѣ́тельнагѡ и҆ ст҃а́гѡ дх҃а, ꙗ҆́кѡ ѕвѣзда̀ свѣтосїѧ́ннаѧ, добродѣ́телей свѣ́тлостїю мꙋ́дре, ꙗ҆ви́лсѧ є҆сѝ рѡма́не мі́ра концє́мъ.

И҆зъ тебє̀ про́йде неизрече́ннѡ бж҃їе сло́во собезнача́льное, въ послѣ̑днѧѧ времена̀: и҆ пе́рвагѡ человѣ́ка а҆да́ма во тлю̀ па́дшаго бцⷣе, возспасѐ.

І҆рмо́съ:

Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀.

Оу҆́мъ тво́й рѡма́не мꙋ́дре, бы́сть ѻ҆би́телище трⷪ҇цы ст҃ы́ѧ, и҆сполнѧ́емь благоче́стнѡ зна́нїѧ и҆́стиннагѡ, и҆сточа́ѧ бжⷭ҇твєннаѧ проповѣ̑данїѧ.

Стрꙋи̑ и҆скипѣ̀ тече́нїй честны́й тво́й ѧ҆зы́къ, поѧ̀ бжⷭ҇твєннаѧ, и҆ ᲂу҆ѧснѧ́ѧ мꙋ́дростнѡ хрⷭ҇то́во къ на́мъ ѿ дв҃ы ржⷭ҇тво̀ неизрече́нное.

Сѐ пита́еши ѻ҆би́льнѡ мꙋ́дрыми ᲂу҆че́ньми, и҆ кра́сными пѣснопѣ̑нїи, по́мыслы на́шѧ: и҆ и҆сполнѧ́еши сла́дости бж҃е́ственнѣйшїѧ, рѡма́не бг҃огла́се.

Бг҃оро́диченъ:

Всѣ́хъ є҆сѝ во́инствъ вы́шши дв҃о, тѣ́хъ бо содѣ́телѧ, сн҃а бж҃їѧ зачала̀ є҆сѝ во ᲂу҆тро́бѣ, и҆ ро́ждши, пребыва́еши приснодв҃а.

Сѣда́ленъ, гла́съ є҃.

Насажде́нъ, ꙗ҆́коже дре́во ѻ҆́ч҃е блаже́нне, при и҆схо́дищихъ во́дъ по́стническихъ, бжⷭ҇твеннымъ содѣ́йствомъ плоды̀ болѣ́зней твои́хъ во вре́мѧ ꙗ҆́вственнѡ садодѣ́лателю и҆ творцꙋ̀ ѿда́лъ є҆сѝ. сегѡ̀ ра́ди свѧтꙋ́ю твою̀ пое́мъ па́мѧть, чествꙋ́юще тѧ̀ рѡма́не прпⷣбне.

Бг҃оро́диченъ:

Те́плаѧ предста́тельнице и҆ непобѣди́маѧ, ᲂу҆пова́нїе и҆звѣ́стное, и҆ непосты́дное, стѣно̀ и҆ покро́ве и҆ приста́нище прибѣга́ющымъ къ тебѣ̀ приснодв҃о чⷭ҇таѧ, сн҃а твоего̀ и҆ бг҃а молѝ со а҆́гг҃лы, ᲂу҆мире́нїе да́ти мі́рꙋ, и҆ спасе́нїе, и҆ ве́лїю ми́лость.

Крⷭ҇тобг҃оро́диченъ:

На крⷭ҇тѣ̀ зрѧ́щи тѧ̀ хрⷭ҇тѐ, мт҃и твоѧ̀, во́льнѡ посредѣ̀ разбо́йникѡвъ ви́сѧща, растерза́ющисѧ ᲂу҆тро́бою мт҃рски, гл҃го́лаше: безгрѣ́шный сн҃е, ка́кѡ непра́веднѡ на крⷭ҇тѣ̀ ꙗ҆́коже ѕлодѣ́й пригвожде́нъ є҆сѝ, человѣ́ческїй ро́дъ хотѧ̀ ѡ҆живи́ти, ꙗ҆́кѡ бл҃гоꙋтро́бенъ;

І҆рмо́съ:

Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи ѿ смы́сла чи́ста, ѡ҆ гдⷭ҇ѣ пра́зднꙋющи.

Прїѧ́телище бы́лъ є҆сѝ бжⷭ҇твеннагѡ дх҃а, и҆ ѻ҆гнедохновє́ннаѧ ᲂу҆ста̀, возглаша̑ющаѧ бжⷭ҇твєннаѧ пѣснопѣ̑нїѧ, и҆ наслажда̑ющаѧ дꙋ́шы, рѡма́не, притека́ющихъ тѝ.

Ꙗ҆́кѡ цѣвни́ца ты̀ бы́лъ є҆сѝ небе́снаѧ, и҆ гꙋ́сль, всѧ́кꙋю къ себѣ̀ влекꙋ́щи мы́сль повѣстьмѝ твои́ми, и҆ кра́сными твои́ми пѣснопѣ̑нїи.

Бл҃года́ть дхнѐ, и҆ всели́сѧ въ свѣтоно́снꙋю твою̀ дꙋ́шꙋ, вседѣ́тельнагѡ и҆ прест҃а́гѡ дх҃а, прехва́льне, и҆ тѧ̀ прїѧ́телище и҆ мꙋ́дра бг҃овѣща́телѧ содѣ́ла.

Бг҃оро́диченъ:

Ꙗ҆́дъ и҆злїѧ̀ въ прама́тєрнїѧ ᲂу҆́бѡ слꙋ́хи ѕмі́й, но ты̀, чⷭ҇таѧ, сего̀ и҆стрѧсла̀ є҆сѝ, а҆рха́гг҃ловымъ гла́сомъ заче́нши, и҆ ро́ждши хрⷭ҇та̀.

І҆рмо́съ:

Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща.

Ꙗ҆́кѡ благолѣ́пнѣйшо ст҃и́лище, сосꙋ́дъ ꙗ҆́кѡ чистѣ́йшїй ᲂу҆тѣ́шителева бл҃года́ть ѡ҆брѣ́тши тѧ̀, рѡма́не бг҃омꙋ́дре, хра́мъ содѣ́ла, свѣ́томъ ᲂу҆кра́шенъ, и҆ всели́сѧ.

Воплоще́ннаго сн҃а бж҃їѧ ро́ждшаѧ и҆́стиннѡ, твою̀ дꙋ́шꙋ просвѣтѝ, и҆ ᲂу҆́мъ бжⷭ҇твеннагѡ зна́нїѧ и҆спо́лни, въ нощѝ предста́вши тебѣ̀ приснодв҃а.

Списа́ньми твои́хъ свѧще́нныхъ слове́съ, приснопа́мѧтне, ꙗ҆ви́всѧ всѣ̑мъ вои́стиннꙋ сладча́йшїй, всѧ̑ ᲂу҆веселѧ́еши, всѣ́хъ просвѣща́ѧ ᲂу҆́мъ, и҆ всѧ̑ наꙋча́ѧ зна́нїю спаси́тельномꙋ.

Бг҃оро́диченъ:

Свѣ́тъ ро́ждшаѧ, ѻ҆́ч҃ее сло́во присносꙋ́щное, чⷭ҇таѧ, свѣща́тельными моли́твами твои́ми просвѣтѝ ᲂу҆́мъ мо́й, и҆ ѿженѝ тмꙋ̀ дꙋшѝ моеѧ̀, пречⷭ҇таѧ влⷣчце.

І҆рмо́съ:

Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве.

Просвѣще́нїѧ и҆сполнѧ́емь, и҆ къ высотѣ̀ добродѣ́телей бжⷭ҇твеннѡ возводи́мь, небре́глъ є҆сѝ ѡ҆ всѣ́хъ земны́хъ: и҆ сто́лпъ нбⷭ҇ный и҆ свѣти́льникъ благоче́стїѧ бы́лъ є҆сѝ.

Пло́ти ᲂу҆вѧди́лъ є҆сѝ жела̑нїѧ, и҆ дꙋ́шꙋ твою̀ ᲂу҆краси́лъ є҆сѝ свѣтлѣ́йшими чистоты̀ ѡ҆заре́ньми. и҆ добро́тꙋ рачи́тельнꙋю добродѣ́телей благолѣ́пїемъ ѡ҆бложи́лъ є҆сѝ.

Возненави́дѣвъ привре́менное и҆ сꙋ́етное, и҆ гнило́е и҆ те́чное наслажде́нїе, къ хра́мꙋ бцⷣы прилѣжѧ̀, ᲂу҆́мъ ѡ҆свѧти́лъ є҆сѝ, и҆ дꙋ́шꙋ и҆ тѣ́ло, достосла́вне.

Бг҃оро́диченъ:

Всѝ предзрѧ́ще прⷪ҇ро́цы свѣ́тлѡ бꙋ́дꙋщее по́слѣжди ѿ дв҃ы, хрⷭ҇тѐ мо́й, твоѐ на землѝ пренепоро́чное ржⷭ҇тво̀, ꙗ҆́вственнѡ бг҃ови́дцы провѣща́ша.

Конда́къ, гла́съ и҃.

Бжⷭ҇твенными добродѣ́тельми дх҃а и҆змла́да ᲂу҆краси́всѧ рѡма́не премꙋ́дре, цр҃кви хрⷭ҇то́вѣ пречестно́е ᲂу҆краше́нїе бы́лъ є҆сѝ: пѣ́нїемъ бо прекра́снымъ ᲂу҆краси́въ ю҆̀ бл҃же́нне. тѣ́мъ мо́лимъ тѧ̀: пода́ждь жела́ющымъ бж҃е́ственнагѡ дарова́нїѧ твоегѡ̀, ꙗ҆́кѡ да вопїе́мъ тѝ: ра́дꙋйсѧ ѻ҆́ч҃е пребл҃же́нне, красото̀ цр҃ко́внаѧ.

І҆рмо́съ:

Ѻ҆́троцы въ вавѷлѡ́нѣ пе́щнагѡ пла́мене не ᲂу҆боѧ́шасѧ, но посредѣ̀ пла́мене вве́ржени, ѡ҆роша́еми поѧ́хꙋ: бл҃гослове́нъ є҆сѝ, гдⷭ҇и, бж҃е ѻ҆тє́цъ на́шихъ.

Бцⷣꙋ марі́ю бг҃омꙋ́дра и҆мѣ́лъ є҆сѝ ᲂу҆чи́телѧ, вразꙋмлѧ́ющꙋю тѧ̀ и҆ наꙋча́ющꙋю, и҆ пѣ́ти повелѣва́ющꙋю: бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ.

Возсїѧ́лъ є҆сѝ въ мі́рѣ ꙗ҆́кѡ свѣтлѣ́йшее со́лнце, рѡма́не бг҃омꙋ́дре, и҆ свѣ́тлѡ просвѣща́ѧ вѣ́рою зовꙋ́щыѧ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ.

Твои́хъ глагѡ́лъ вѣща́нїе вселе́ннꙋю и҆спо́лни, и҆ краснѡ̀ пѣснопѣ́ти хрⷭ҇тꙋ̀ человѣ́ки наꙋчѝ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ.

Бг҃оро́диченъ:

Ны́нѣ блажа́тъ тѧ̀ всѝ ро́ди человѣ́честїи, бцⷣе чⷭ҇таѧ, ꙗ҆́коже прорекла̀ є҆сѝ, и҆ вѣ́рою сла́вѧтъ: бл҃гослове́нъ пречⷭ҇таѧ, пло́дъ чре́ва твоегѡ̀.

І҆рмо́съ:

За зако́ны ѻ҆ч҃єскїѧ бл҃же́ннїи въ вавѷлѡ́нѣ ю҆́ношы предбѣ́дствꙋюще, царю́ющагѡ ѡ҆плева́ша повелѣ́нїе безꙋ́мное, и҆ совокꙋ́плени, и҆́мже не свари́шасѧ ѻ҆гне́мъ, держа́вствꙋющемꙋ досто́йнꙋю воспѣва́хꙋ пѣ́снь, гдⷭ҇а по́йте дѣла̀, и҆ превозноси́те во всѧ̑ вѣ́ки.

Всю̀ мі́ра красотꙋ̀ и҆ сла́дость и҆ сла́вꙋ ѿтрѧ́съ, дꙋ́шꙋ твою̀ впери́лъ є҆сѝ къ вы̑шнимъ ликѡ́мъ, къ та́мѡшнимъ сла́вамъ и҆ свѣ́тлостѧмъ мꙋ́дре, къ добро́тамъ неизречє́ннымъ, къ пребыва́нїємъ та́мѡшнимъ, къ свѣ́тꙋ бг҃онача́лїѧ, зовѧ̀: тѧ̀ превозно́симъ хрⷭ҇тѐ, во вѣ́ки.

Бжⷭ҇твеннымъ жела́нїемъ распалѧ́емь, восхождє́нїѧ положи́лъ є҆сѝ въ се́рдцы твое́мъ, и҆ безпло́тное во пло́ти житїѐ стѧжа́лъ є҆сѝ: а҆́гг҃льскимъ чинѡ́мъ подо́бѧсѧ мꙋ́дре, та́мѡ сꙋ̑щаѧ возлюби́лъ є҆сѝ въ мі́рѣ пѣснопѣ̑нїѧ, вѣ́рою, рѡма́не, взыва́ѧ: тѧ̀ превозно́симъ хрⷭ҇тѐ, во вѣ́ки.

Высоковѣща́нїемъ бжⷭ҇твенныхъ твои́хъ, и҆ сладча́йшихъ слове́съ, блаже́ннѣйше рѡма́не, всѧ́къ по́мыслъ весели́ши человѣ́кѡвъ, и҆ ᲂу҆слажда́еши ꙗ҆́коже нѣ́кїй пита́тель богатотво́рный, и҆ просвѣща́еши свѣ́тлѡ, и҆ наꙋча́еши вопи́ти: гдⷭ҇а по́йте дѣла̀, и҆ превозноси́те во всѧ̑ вѣ́ки.

Бг҃оро́диченъ:

Равнобо́жїемъ прельсти́въ мѧ̀, человѣкоꙋбі́йца ѕмі́й лꙋка́внѣйшїй, ꙗ҆́кѡ плѣ́нника и҆схитѝ сла́дости ра́йскїѧ. но влⷣка є҆стество́мъ сн҃ъ бж҃їй, вопло́щсѧ, прїи́де ѿ дв҃ы марі́и, и҆ взѧ́тъ мѧ̀ на высотꙋ̀ ѡ҆божи́въ: є҆го́же превозно́симъ во всѧ̑ вѣ́ки.

І҆рмо́съ:

Безсѣ́меннагѡ зача́тїѧ ржⷭ҇тво̀ несказа́нное, мт҃ре безмꙋ́жныѧ нетлѣ́ненъ пло́дъ: бж҃їе бо рожде́нїе ѡ҆бновлѧ́етъ є҆стєства̀. тѣ́мже тѧ̀ всѝ ро́ди, ꙗ҆́кѡ бг҃оневѣ́стнꙋю мт҃рь правосла́внѡ велича́емъ.

Го́рнѣйшымъ сла́вне ликѡ́мъ совокꙋпи́лсѧ є҆сѝ безплѡ́тнымъ, и҆дѣ́же неизрече́ннаѧ пребыва́етъ ра́дость, и҆ всегда́шнее наслажде́нїе, и҆дѣ́же ѻ҆́ный бг҃онача́лїѧ свѣ́тъ є҆́сть и҆ весе́лїе, и҆дѣ́же неизглаго́ланнаѧ сла́ва, блаже́ннѣйше.

Съ првⷣными внꙋ́трь бжⷭ҇твенныѧ сла́вы всели́всѧ, зри́ши красотꙋ̀ неизрече́ннꙋю ѻ҆́нꙋю, зри́ши сла́дость неконча́емꙋю, зри́ши добрѡ́ты нбⷭ҇ныѧ, и҆́стиннѡ жела̑нныѧ, мꙋ́дре, ви́диши патрїа́рхѡвъ ли́ки, рѡма́не сла́вне.

Твою̀ свѣтоно́снꙋю па́мѧть вѣ́рнѡ соверша́ющыѧ ѿ бѣ́дъ и҆зба́ви, моли́твами твои́ми, бг҃омꙋ́дре, и҆ ѿ всѧ́кагѡ вре́да, рѡма́не, и҆ ско́рби чꙋжда́гѡ, и҆ нбⷭ҇ныѧ сла́вы полꙋчи́ти сподо́би и҆ црⷭ҇твїѧ го́рнѧгѡ, бл҃же́ннѣйше.

Бг҃оро́диченъ:

Ѿ дре́внѧгѡ паде́нїѧ человѣ́ческїй ро́дъ первозда́ннагѡ бы́сть тлѣ́ненъ, дв҃о бцⷣе, и҆ порабоще́нъ страстьмѝ грѣхо́вными: но и҆зъ тебє̀ рожде́йсѧ пребл҃гі́й бг҃ъ свои́мъ бл҃гоꙋтро́бїемъ того̀ воззва̀.

Преподобный Роман, прозванный «Сладкопевцем», был по происхождению греком и родился в середине V столетия в сирийском городе Емесе. Получив образование, он стал диаконом в Воскресенском храме в городе Бейруте. При императоре Анастасии Дикоре (401–518 гг.) он переехал в Константинополь и стал клириком при патриаршем храме Святой Софии. Он усердно помогал при богослужениях, хотя не отличался ни голосом, ни слухом. Однако патриарх Евфимий любил Романа и даже приблизил его к себе за его искреннюю веру и добродетельную жизнь.

Расположение патриарха к святому Роману возбудило против него нескольких соборных клириков, которые стали его притеснять. На одном из предрождественских богослужений эти клирики вытолкнули Романа на амвон храма и заставили петь. Храм был переполнен богомольцами, служил сам патриарх в присутствии императора и придворной свиты. Смущенный и напуганный, святой Роман своим дрожащим голосом и невнятным пением всенародно осрамился. Придя домой совершенно подавленным, святой Роман ночью долго и напряженно молился перед иконой Божией Матери, изливая свою скорбь. Богородица явилась ему, подала бумажный свиток и велела съесть его. И вот совершилось чудо: Роман получил красивый, мелодичный голос и одновременно поэтический дар. В приливе вдохновения он тут же составил свой знаменитый кондак праздника Рождества Христова: «Дева днесь Пресущественнаго раждает, и земля вертеп Неприступному приносит; Ангели с пастырьми славословят, волсви же со звездою путешествуют; нас бо ради родися Отроча Младо, Превечный Бог».

На следующий день святой Роман пришел в храм к всенощной под Рождество Христово. Он настоял, чтобы ему разрешили снова спеть на амвоне, и на этот раз так прекрасно спел составленный им гимн «Дева днесь», что вызвал всеобщий восторг. Император и патриарх благодарили святого Романа, а люди назвали его Сладкопевцем. С тех пор святой Роман украшал богослужения своим дивным пением и вдохновенными молитвами.

Любимый всеми, святой Роман стал учителем пения в Константинополе и высоко поднял благолепие православных богослужений. За свой поэтический дар он занял почетное место среди церковных песнописцев. Ему приписывают более тысячи молитв и гимнов на различные праздники. В особенности славится акафист Благовещению Божией Матери, который поется в пятую субботу Великого поста. По его образцу составлялись прочие акафисты. Скончался преподобный Роман в 556 году.

Житие

Любимый всеми, святой Роман стал учителем пения в Константинополе и высоко поднял благолепие православных богослужений. За свой поэтический дар он занял почетное место среди церковных песнописцев. Ему приписывают более тысячи молитв и гимнов на различные праздники. В особенности славится акафист Божией Матери, который поется в пятую субботу Великого поста. По его образцу составлялись прочие акафисты. Скончался преподобный Роман в 556 году.

Произведения святого

Святому принадлежат такие произведения:

кондаки;
икосы;
акафисты
гимны
молитвы

В наше время православные праздники не обходятся без творений Романа Сладкопевца. Ему приписывают порядка 1000 кондаков, а до нас дошло лишь 85 из них.

Самым известным акафистом стал сочиненный им – акафист Благовещению Пресвятой Богородицы. Его исполняют каждый год, в период Великого Поста. Он также особенный тем, что есть эталоном, на основе которого уже сочинялись все остальные акафисты. Все произведения были сочинены на греческом языке.

Одним из основных отличий кондаков Романа Сладкопевца, есть единый сюжет, в котором рассчитано участие определённого количества персонажей. Они ведут диалоги с автором и между собой, показывают собственные чувства и эмоции. Причем первые икосы раскрывают тему, а заключение может быть сосредоточено в последнем или нескольких последних икосах.

Молитвы преподобному Роману Сладкопевцу

Каждый из нас, наверняка, присутствовал в православном храме на богослужении и был покорен благозвучием церковных песнопений, возносящихся к самому куполу церкви.

Роман Сладкопевец, день поминовения которого православные отмечают 14 октября, по праву считается творцом и покровителем церковного хора. Читая молитву святому Роману Сладкопевцу, надо помнить о его духовном вкладе в развитие песнопения, ведь именно им было написано немало духовных песен для богослужения.

Молитва регента о пламенном служении

О преблагий Господи, святый Творче небеси и земли. Сподоби мя, недостойного, стать истинным рабом Твоим и яви на мне святую волю Твою. Да поведу за собой в истине и правде воспевающих Тебе братьев и сестер моих к достойному славословию Твоему. Да прославит мое служение святую службу Твою и да укрепит и подаст наш певческий труд избранному народу Твоему жажду молитвы Тебе.
О преблагий Господи, подаждь братьям и сестрам моим по певческому служению умиленное сердце, благоугодное Тебе. Умягчи их сердца, ниспошли им понимание моих регентских трудов, да не впадут во искушение и не соблазнятся о мне, грешном. Подашь ми мудрость ангельскую, сердце пламенное и люботрудное, силы неиссякаемые и святую жажду служения Тебе, да укрепимся мы на певческие подвиги во святое Имя Твое. Тебе же слава, честь и поклонение во веки веков, аминь.

Житие Романа Сладкопевца

Родом будущий Преподобный был из Сирии, где и получил духовное образование, так как с ранних лет чувствовал в себе желание служить господу Богу. Позже он переехал в Константинополь, где стал служить клириком в христианском храме Святой Софии (V век). Особенно нравились Роману праздничные богослужения, и, хоть он не обладал ни слухом, ни голосом, он очень активно помогал в их проведении. За усердие и старания юноши его очень любил Патриарх, а вот другие клирики, видя благосклонность его к юноше, стали притеснять и высмеивать Романа. Однажды его вытолкнули во время церковной службы на обозрение прихожан и ему пришлось петь. Конечно, он осрамился и убежал из храма.

Всю ночь он провел в страданиях и усердных молитвах перед ликом Богородицы, не ведая, что через века люди будут просить его о творческом вдохновении, вознося молитву Роману Сладкопевцу о пении.

Святая Дева Мария явилась усердному юноше, протягивая бумажный свиток и повелевая съесть его. После этого Роман стал обладателем чудесного голоса, музыкального слуха и поэтического дарования. На следующей службе он поразил всех песнопением своего первого кондака, так как голос его был прекрасен, а слова чудесны.

Почитание

Незадолго перед своей кончиной, Божий служитель принял монашеский постриг. После кончины его причислили к лику святых. Часто талантливый служитель изображается вместе с Богородицей, в окружении верующих, поющих в храме.

Существует и отдельная его икона.

На ней благообразный юноша в облачении дьякона. Это стихарь и орарь (лента, переброшенная через плечо).
В правой руке он держит кадило, либо она поднята для крестного знамения.
В левой руке может быть развернутый свиток, на котором указан текст самого известного кондака, сочиненного служителем. Либо это может быть свернутый свиток; иногда — изображение церковного здания (храм, в котором служил святой).
Существует очень интересная икона, на которой Пречистая Дева стоит над спящим Романом Сладкопевцем. Она держит в руках свиток, проглотив который, святой и получил свой благословенный дар.
Также очень часто великий церковный автор изображается на иконе Покрова.

В России существует несколько церквей, освященных во имя Романа Сладкопевца — в Санкт-Петербурге, Нижнекамске и т.д. Есть такой храм и в Киеве.

Стать курьером сервиса Яндекс.Еды прямо сейчас (до 3400 рублей за смену) оставить заявку →

Особенно почитается этот святой теми, кто занимается церковным пением или просто музыкальным искусством. Помогает он и в других ситуациях:

при развитии таланта исполнителя, поэта;
при защите от зависти;
при обретении уверенности и в других сложных ситуациях.

Люди, носящие имя Роман могут ежедневно просить его заступничества. Молиться можно возле иконы, если рядом нет храма во имя этого святого.

В чем помогают молитвы святому Роману Сладкопевцу?

Преподобный святой написал немало церковных произведений:

церковные гимны;
сильные молитвы;
кондаки и акафисты.

Сегодня каждый из нас может вознести молитву Преподобному Роману Сладкопевцу, для того чтобы лучше понять Святое Писание.

В Киевском храме находятся частичка мощей Преподобного, и именно туда приезжают многие верующие, чтобы вознести молитву Роману Сладкопевцу об обретении мудрости и знаний.

О великий и пречудный Роман, по праву сладкопевец. Мы взываем к тебе, причастнику небесной славы и украшению ангельских ликов — очисти наши сердца, дабы достойно мы послужили нашему единому Господу. Тебе ведомы трудности земного пути и уже ведома ликующая святая радость небес. Ты знаешь, что многие из нас жаждут служить всей душой, силой и помышлением, но наши пораженные страстью души тянут нас на дно мрачной бездны.

Не оставь нас во мраке. Зная, чего мы можем лишиться, помоги нам достойно прославлять Господа, Его пречистую Матерь и всех святых. Помоги нам очиститься от страстей, направь наши уста, умоли сладчайшего Господа, да подаст Он нам верное разумение певческого служения. Да достойно встанем на единый святой небесный клирос и воздадим славу Господу нашему во веки веков.

Молитвы святому помогают развить в себе таланты и способности, покровительствует святой и мужчинам с именем Роман. Просят у Преподобного и защиты от недругов и завистников, а также в тяжёлые минуты жизни.

Молитва ко Господу о пламенном служении

Господи, ныне я взываю к Тебе! Даждь мне сил, здоровья и святой жажды послужить Тебе достойно, подобно ангелам твоим. Дай сил и мне и братьям и сестрам моим по клиросному служению понимания сути, глубины и славы служения Тебе. Да прославят наши голоса Тебя и святую веру, а не наше тщеславие. Да обретут люди под наше пение радость глубокой молитвы к Тебе. Да будет вечно благословенно Твое Святое Имя на наших устах.
Дай нам сил достойно прославить и святых друзей Твоих, Твоих угодников и наследников Твоей вечности. Не лиши и нас благ Твоих трудов ради скромных наших во святое Имя Твое. Да будет Имя Твое благословенно и препрославленно во веки, аминь!

Текст молитвы Роману Сладкопевцу

Преподобне отче Романе! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь

Молитва к Архистратигу Михаилу

Великий архистратиг Божий Михаил!
Как подражатели небесных ликов мы, певчие, взываем к тебе — сподоби нас послужить нашему Богу достойно. Направь и защити нас. Помоги нам стать певчими великого небесного хора, святым воеводой которого ты являешься.

Мы мечтаем о небесном клиросе. И к кому, как не к верховному вождю небесных ангельских ликов нам возносить наши молитвы. Мы хотим служить нашему Господу. И славный Архистратиг хочет того же. Наши цели и желания совпадают. Но — мы живем во мраке, продирая наши слабые души через дремучие заросли искушений и напастей.

И от того мы так нуждаемся в помощи небес. И от того мы молим ВАС, пресветлое небесное воинство! Не оставляйте нас. Пусть время от времени мы будем забывать про небо в силу собственной немощи, лишь бы ВЫ не забыли о нас, немощных. Явите нам свою божественную любовь. Подарите нам радость вместе славить нашего Бога. Мы уже вкусили этой сладости на земле. Помогите нам узнать и истинную радость небесного славословия. Мы очень хотим к ВАМ на небесный клирос.

Преподобному Роману Сладкопевцу (тропари и кондак)

Тропарь, глас 8

В тебе́, о́тче, изве́стно спасе́ся е́же по о́бразу: / прии́м бо крест, после́довал еси́ Христу́ / и, де́йствуя, учи́л еси́ презира́ти у́бо плоть, прехо́дит бо, / прилежа́ти же о души́ ве́щи безсме́ртней. // Те́мже и со А́нгелы сра́дуется, преподо́бне Рома́не, дух твой.

Ин тропарь, глас 3

От ю́ности житию́ равноа́нгельному ревну́я, / ве́ру, смиренному́дрие и терпе́ние стяжа́в, / преподо́бне Рома́не Сладкопе́вче, / оби́тель Свята́го Ду́ха был еси́, / та́же избра́нник Бо́жия Ма́тере яви́лся еси́, / и от Нея́ ми́лостивно сподо́бися да́ра сла́вити Бо́га. / Сего́ ра́ди моли́ся о нас, недосто́йных ученице́х твои́х, // да воспое́м с тобо́ю сладкогла́сно сла́ву нас ра́ди Воплоти́вшемуся Преве́чному Бо́гу.

Ин тропарь, глас 3

По́двигом поста́, моли́твы и бде́ния,/ глубино́ю ве́ры и смиренному́дрия/ от ю́ности совле́клся еси́ ве́тхаго челове́ка,/ равноа́нгельному житию́ уподо́бився,/ преподо́бне Рома́не Сладкопе́вче,/ досто́ин был еси́ явле́ния Богоро́дицы,/ я́же повеле́ ти ди́вный сви́ток съе́сти,/ и тем препода́ ти дар песнотворе́ния,/ а́бие воспе́л еси́, я́ко А́нгели Небе́снии,/ сла́ву Воплоти́вшемуся из Нея́ Сы́ну Бо́жию./ Моли́ся за ны ко Го́споду,/ дарова́ти всем воспева́ющим Христа́ Жизнода́вца/ согла́сное пе́ние,// мир и ве́лию ми́лость.