Ин канон святителю Николе (из Октая, 4 гласа)
Святитель Никола Чудотворец издревле почитается на Руси как величайший святой. Господь его прославил во всем мире за сильную веру, глубокое смирение, кротость, терпение, преуспевание в воздержании и целомудрии. Святитель Никола имел глубочайшую христианскую любовь, величайшее милосердие и сострадание к людям, всегда спешил к ним на помощь. Угодник Божий услышит наши усердные молитвы и поспешит на помощь и к нам, если мы будем подражать образу его земной жизни. Память святителю Николе 6 декабря (19 декабря по гражданскому стилю).
Тропарь, глас 4-й
Правило вере, и образ кротости, воздержанию учителя яви тя Господь стаду Своему, яже вещем истина. Сего ради стяжав смирением высокая, нищетою богатая. Отче наш святителю Николае, моли Христа Бога спастися душам нашим. (Дважды).
Слава, и ныне, Богородичен. Иже от века утаенное, и ангелом несведомое таинство, Тобою Богородице земным явися, Бог в неразмесне снятии воплощаемь, и крест волею нас ради восприим, им же воскресив первозданнаго, и спасе от смерти душа наша.
Песнь 1. Ирмос
Тристаты крепкии рождеися от Девы, во глубине безстрастия души тричастное потопи молюся, да Ти яко в тимпане во умерщвенем телеси, победное пою воспевание.
Запев: Святителю Христов Николае, моли Бога о нас (поклон).
Безпечальную жизнь наследовав отче, и радости духовныя исполняемь присно, всяку печаль отжени молюся от души моея, яко да радуяся славлю тя, священнеишии отче Николае.
Запев. Положен бысть разумно, на свещнице добродетелей, и яко же свет просвещаеши сердца верных святителю Николае. Тем же верою молю тя, светоносными молитвами си души моея тму отжени.
Слава. Жития тленнаго ныне, напастей всяких наполняемь, пучину присно преплавая, да обрящу тя преподобне окормителя, в тишину прелагающа бурю, божествеными молитвами твоими.
И ныне, Богородичен. Неусыпающую Чистая имущи молитву, успи нашя страсти телесныя и душевныя, священными ходатаиствы Твоими, божественую и спасеную дающи бодрость, в Божию волю и исполнение.
Катавасия: Избави от бед рабы своя, святителю Христов Николае, яко вси по Бозе к тебе прибегаем, к скорому помощнику и теплому заступнику и молебнику ко Спасу о душах наших (поклон).
Господи помилуй (трижды с поклонами).
Песнь 3. Ирмос
Не мудростию ни силою ни богатством хвалимся, но Твоею Отчею составною мудростию Божиею, яко несть свята паче Тебе Человеколюбче.
Запев. Оружие явился еси, борительныя враги закалая, их же искушения соблюди нас невредны Николае, содевающих божественое хотение.
Запев. Сокрушение моея души святителю уврачюй, сокрушивыи вражия козни и ловления, да яко предстателя моего верою величаю тя.
Слава. Разрушивыи Артемиды бездушная капища, ума моего страстныя кумиры потреби, божествеными ти ходатайствы отче Николае.
И ныне. Богородичен. Тя предстательницу пречистая Дево стяжахом, претвори нашю скорбь на радость, и печали смерть раждающия избави нас. Катавасия.
Седален, глас 8-й. Возшед на высоту добродетелей, божествеными оттуду отче озарися сиянии чюдес, пресветел воистину явися мiрови пастырь, и в напастех сыи предстатель непобедим. Тем же преславно врага побеждь, лжу отгнал еси, и человеки спасл еси от смерти, Николае. Моли Христа Бога, грехов оставление даровати, чтущим любовию святую память твою.
Слава, и ныне. Богородичен. Яко Деву едину в женах Тя без семене рождьшую Бога плотию, вси блажим родове человечестии. Огнь бо в Тя вселися Божества, и яко младенца доиши Зиждителя и Господа. Тем же ангельскии и человеческии род достоино славим, Пресвятое Рожество Твое, и согласно вопием Ти, моли Христа Бога грехов оставление даровати, воспевающим достоино славу Твою.
Песнь 4. Ирмос
Седяи во славе на престоле Божественем, на облаце легце прииде Исус Пребожественыи от Пречистыя Девы, и спасе вопиющыя, слава Христе силе Твоей.
Запев. Преславное житие твое, всюду тя преславна показа чюдесы божествеными прославляема, первосвященником украшение, и всем похвалу, чтущим тя Николае радостными песньми.
Запев. На высоце престоле блаженне, Бога похвалил еси, смиреномудрием божественым облистаем светлостьми, их же в причастии быти нас сотвори, благоприятными ти мольбами отче мудре.
Запев. Неправедно ведомыя на смерть избавил еси, ревностию божественою отче священнолепно разгараяся. Тем же вопием ти, такожде изми нас от напастей, умерщвляющих люте, мольбами своими.
Слава. На небеса преходя Николае радости невидимыя, посреде ко всем призывающым тя приходиши, облегчевая болезни душ наших, и утешение боголепно подавая.
И ныне. Богородичен. Воинства ангельская ужасающеся Пречистая, песнословят величество божественаго Рожества Твоего, с ними же моли Девице всем спастися, иже верою чистою Тебе ублажающим. Катавасия.
Песнь 5. Ирмос
Нечестивии не узрят славы Твоея Христе. Но мы Тя Единочаде, отчее зарение славы Божия, от нощи утренююще, воспеваем Тя Милосерде.
Запев. Зашел еси яко же солнце, умер мудре, и восиял еси у Христа, светоносными блистании чюдес твоих, озаряя всю подсолнечную отче Николае.
Запев. Священне Николае услыши нас, в день наведения бед и скорбей, и всякую тесноту отгоня, благодатию иже в тебе живущаго Духа.
Слава. Сокрушеную страстьми житейскими, душю мою имыи, на помощь тя призываю священне Николае, потщися и даждь ми совершенное исцеление, умолив Безгрешнаго.
И ныне. Богородичен. Разумныма очима Тебе Дево Исаия зря, Нескверная Чистая, вопияше, се хощет родитися от Девы Богоотроковицы Исус Господь, человеком в порождение. Катавасия.
Песнь 6. Ирмос
Приидох во глубины морския, и потопила мя есть, буря многих ми прегрешении. Но яко Бог из тли возвел еси душю мою Премилостиве.
Запев. Укреплься крепостию Спасовою, возмогл еси богомудре невидимаго врага погубити, его же лютаго вреждения нас избави, мольбами си отче Николае.
Запев. Мучения иже в геенне, и от лукавых человек стужения вреднейшаго избави нас священными молитвами си преславне Николае.
Слава. Иже древле умрети неправедно хотяще воеводы, избавишася твоими молитвами, яко же тех и нас исхити всякого вреда, достоблаженне.
И ныне. Богородичен. Людие Твои и град, молят Тя Божия Мати, изми нас от всякия беды всечистая Владычице, и иже тамо вечнаго осуждения. Катавасия.
Слава, и ныне. Кондак, глас 3-й. В мирех святе Николае святитель быв, Христово бо преподобне Евангелие исполни, положил еси душу свою за люди своя, и спасл еси неповинныя от смерти. Сего ради освятися, и явися велии таинник Божия благодати.
Икос. Воспоем ныне святителя песньми, мирским людем пастыря и учителя, да молитвами его просветимся. Сей бо явися чист весь, нетленен духом, Христови принося жертву непорочну, чисту и благоприятну, яко святитель очищен душею и телом, и истинен Церкви предстатель и поборник, и велии таинник Божия благодати.
Песнь 7. Ирмос
Юноши три в Вавилоне, веление мучителеви на буйство преложиша. И посреди огня ввержени прохлаждаеми вопияху, благословен еси Господи Боже отец наших.
Запев. Святе Николае, иже во святых единаго Святаго Бога почивающаго моли, освятити нас, и низпослати на ны милости Того богатыя.
Запев. Преподобен, прав, и кроток, тих и смирен быв славне, к высоте священства взятся преславне, чюдеса совершая и знамения.
Слава. Законы божественыя соблюд преподобне, весь явился еси Божии храм честнеишии. Тем же ти вопием всеблаженне, беззакония всякаго избави нас ходатаиством си.
И ныне. Богородичен. Успи страстем востания моея души, бодреною мольбою си: дая ми бодрость Отроковице, уныния дремание далече отгонящи. Катавасия.
Песнь 8. Ирмос
Избавителю всех всесильне, посреде пламене веровавшыя, сошед оросил еси, и научи пети, всякая дела благословите Господня Господа.
Запев. Витийствуя божественая Николае, беззаконнующих незатворимая уста, явьствено заградил еси. И от Ариева губительства многих избавил еси, православно поющих, благословите вся дела Господня Господа.
Запев. Иже победы тезоименит святе, победители нас покажи молитвами си, страстем раждающим смерть, и беззаконных человек языка льстива, иже верою тя присно блажащих.
Запев. Помощь твою спасеную, низпослати нам умолен бываи, чюдотворче Николае в день .беды, внегда тя верою просяще, молим.
Слава. Троичен. Православно вернии поклонимся святеи Троице несозданней, Отцу пребезначальному, и Сыну и Святому Духу, вопиюще, благословите вся дела Господня Господа (поклон).
И ныне. Богородичен. Милости Твоей сподоби мя, яже Бога благомилостиваго рождьши благословеная Владычице. И в час судныи представши, избави тамошняго осуждения. Катавасия.
Песнь 9. Ирмос
Евва убо недугом ослушания, клятву вселила есть: Ты же Дево Богородице прозябением прижития Твоего, мiрови благословение процвела еси. Тем же Тя вси величаем.
Запев с поклоном. Исцеления совершая гроб твой, источает миро благоухания преподобне, иже верою и любовию приступающим Николае, и твою память чтущим. Тем же тя вси величаем.
Запев. Яко солнце богоблаженне Николае, всю подсолнечную озаряеши божественых чюдес лучами. Тму лютых обьстоянии отгоняя, священными ходатайствы твоими, первосвященником украшение.
Запев. Обычно ущедри нас Николае, житейскими напастьми, и бесовскими лестьми, лукавых же человек искушенми, люте обуреваемых всегда: яко да тя любовию ублажаем.
Слава. Дне и часа страшнаго поминай о душе моя, егда тя хощет привести на суд Владыка, и судити твоим деянием тайным. Возопий Ему, Спасе, спаси мя Николы мольбами.
И ныне. Богородичен. Глас Тебе божественаго Гавриила, приносим радостно и взываем: радуися Раю, иже Древо животное посреде имущая всегда, преславная Полато Слову. Радуися Дево Всенепорочная. Катавасия.
Отпуст: Господи Исусе Христе Сыне Божии, молитв ради пречистыя Твоея Матере и иже во святых отца нашего Николы, архиепископа Мир Ликийских чюдотворца, и всех ради святых помилуй и спаси нас, яко благ и человеколюбец. Аминь. Господи помилуй (трижды). Исходные поклоны.
В каких случаях необходимо читать каноны
Каноны, посвященные святителю Николаю, читаются дома и во время богослужения в храме. Принято считать, что они обладают особой мистической силой, уберегающей верующих людей силой Спасителя. В них человек обращается к святому именно через события библейских лет, что само по себе уже несет существенную помощь Небес.
Тексты канонов, написанные в древние века лицами, обладающими высокими духовными качествами, возносят песенную молитву к Богу самым коротким путем. Они читаются просящими исцелить их от телесных и душевных недугов, материальной нужды и защитить от несправедливости властей. Святитель считается мощным защитником вдов, сирот, заключенных под стажу и тех, кого одолевает печаль, уныние и даже отчаяние.
Где найти и как правильно читать каноны и акафист Николаю Чудотворцу
Нужно помнить, что любые православные молитвенные тексты, включая каноны и акафисты Николаю Чудотворцу, желательно приобретать в церковных лавках. Кроме того, в настоящее время на православных сайтах имеются тексты с ударениями и комментариями, что очень важно для тех, кто только начинает свое духовное восхождение и не имеет еще достаточных знаний в молитвенных правилах.
Важным правилом для чтения канонов и акафиста является удостоверение в их утверждении со стороны Священного Синода РПЦ. Гарантией этого могут служить церковные лавки в храмах и соответствие текстов спискам, размещенным в Интернете на надежных православных информационных площадках. И, конечно же, всегда можно перепроверить тематическую информацию у любого священнослужителя.
При декламации канонов следует очень внимательно произносить все слова. Причем читать канон покаянный, в отличии от акафиста, можно сидя. Чтение осуществляется в любое время, но только после специальных предначинательных молитв или после ежедневного молитвенного правила. Тексты канонов можно читать на русском и церковнославянском языках. В последнем случае молитва будет носить тот древний колорит и емкость, которыми были пропитаны слова песнопения их создателями.
Можно не беспокоиться, когда нет возможности декламировать канон вслух, ведь связь со святителем Николаем осуществляется не через уста молящегося, а через его сердце. Поэтому допускается мысленное чтение. Главное, чтобы слова были произнесены с чувством любви и покаяния. Следует помнить, что божественное песнопение производится без всякого пафосного выражения, а именно монотонным голосом. Желательно в домашних условиях, чтобы чтение канонов сопровождалось зажженной лампадой или церковной свечой перед ликом святителя Николая. Если его иконы нет, то можно молитвенное чтение производить перед образом Спасителя или Богоматери.
