В СУББОТУ ВЕЧЕРА
Клеплет параекклисиарх, и собравшеся в притвор, благословившу иерею, глаголем: Христо́с воскре́се: трижды. И обычный 9-й час трипсалмный, якоже на всяк день.
И глаголем тропарь воскресный, глас 8.
С высоты́ снизше́л еси́, Благоутро́бне, / погребе́ние прия́л еси́ тридне́вное, / да нас свободи́ши страсте́й, / Животе́ и Воскресе́ние на́ше, Го́споди, сла́ва Тебе́!
И кондак, глас тойже:
А́ще и во гроб снизше́л еси́, Безсме́ртне, / но а́дову разруши́л еси́ си́лу, / и воскре́сл еси́, я́ко победитель, Христе́ Бо́же, / жена́м мироно́сицам веща́вый: ра́дуйтеся, / и Твои́м апо́столом мир да́руяй, / па́дшим подая́й воскресе́ние.
Традиции праздника:
Фомино воскресенье называют не только Антипасхой, но и «Красной горкой». Такое народное название связано с тем, что после зимы и долгого поста начинались гулянья, а первыми просыхали именно пригорки, где и собиралась молодежь. Начиная с этого дня в храмах возобновлялось Таинство Венчания, а потому на Красную горку и следующую неделю приходилось много свадеб. В первые века христианства в этот день неофиты (недавно крестившиеся христиане) меняли свои праздничные белые одежды, в которых ходили всю неделю после своего крещения. В наше время в этот день в подвенечные и чаще белые платья облачаются невесты.
Подробнее о венчании читайте в наших материалах:
• Таинство брака и препятствия к нему
• Правила венчания в Православной Церкви
НА МАЛЕЙ ВЕЧЕРНИ
Благословившу иерею, глаголем: Христо́с воскре́се: трижды. Таже псалом: Благослови́ душе моя́ Го́спода:
На Го́споди воззва́х: стихиры на 4. Глас 1. Подобен: Небе́сных чино́в:
Терпи́т Христо́с человеколю́бно и осяза́ния, / я́коже и Крест пре́жде сего́, / и непра́ведное убие́ние, / из гро́ба тридне́вно воскресы́й, / печа́ти не разруши́, / и две́рем заключе́нным, / ученико́м предста́в я́ко всеси́лен. [Дважды.]
Фомино́ неве́рствие, / мироспаси́тельное Богочелове́ка Сло́ва, / е́же из а́дских преиспо́дних воста́ние уверя́ет, / я́звы рук и ног де́рзостнее осяза́вшее / ко увере́нию мирско́му, / десни́цею любопы́тною.
Собра́нным стра́хом, и́же от стра́сти Твоея́, апо́столом, Сло́ве, / и две́рем заключе́нным / внеза́пу совше́л еси́ посреде́ их, мир да́руя, / и Фоме́ протяза́я осяза́ти / честны́я ребр Твои́х я́звы.
Слава, и ныне, глас 2: По воста́нии Твое́м, Го́споди, / собра́нным ученико́м Твои́м и две́рем заключе́нным, / посреде́ стал еси́, мир подая́ им. / Уве́рився же и Фома́, виде́нием руку́ и ребр Твои́х, / Го́спода и Бо́га Тя испове́да, / спаса́ющаго упова́ющия на Тя, Человеколю́бче.
Све́те ти́хий: Прокимен: Госпо́дь воцари́ся:
На стиховне стихиры, глас 2. Подобен: До́ме Евфра́фов:
Устна́ми чи́стыми / по́йте со а́нгелы челове́цы / Воскре́сшаго тридне́вно из гро́ба, / и мир совоздви́гшаго.
Стих: Похвали́ Иерусали́ме Го́спода, хвали́ Бо́га твоего́ Сио́не.
Яви́лся еси́ свяще́нным Твои́м, Спа́се, апо́столом, / две́рем заключе́нным, / те́ми обновля́я нам / Боже́ственный Твой Дух.
Стих: Я́ко укрепи́ вереи́ врат твои́х, и благослови́ сы́ны твоя́ в тебе́.
Ны́не Тя, Всецарю́, / ви́девше не очи́ма, / но серде́чною любо́вию, / Бо́га ве́ровавше, / в пе́ниих велича́ем.
Слава, и ныне, глас и подобен тойжде:
Дае́ши, о Изба́вителю, / мир лю́дем Твои́м, / и долго́в разреше́ние, / моли́твами Всечи́стыя / и еди́ныя Богома́тере.
Таже: Ны́не отпуща́еши: Трисвятое. По О́тче наш:
Тропарь, глас 7:
Запеча́тану гро́бу, / Живо́т от гро́ба возсия́л еси́, Христе́ Бо́же, / и две́рем заключе́нным, / ученико́м предста́л еси́, / всех Воскресе́ние, / дух пра́вый те́ми обновля́я нам, / по вели́цей Твое́й ми́лости.
Подобает ведати: Аще ли где несть бдения в Неделю: в субботу вечера на Повечерии по Трисвятом кондак Триоди праздника: Сла́ва, и ны́не: Пасхи: А́ще и во гроб: Сице же глаголем и до отдания Пасхи.
Запечатану гробу, / живот от гроба возсиял еси, Христе Боже, / и дверем заключенным, / учеником предстал еси, / всех воскресение: / дух правый теми обновляя нам, / по велицей Твоей милости.
В переводе с греческого «то, что вместо Пасхи», 2-я неделя (т. е. воскресенье) после недели Пасхи. Другие названия: Новая неделя, Фомина неделя. Одно из наиболее ранних употреблений термина «Антипасха» в значении недели, следующей за неделей (воскресеньем) Пасхи, содержится в приписываемых Патриарху Константинопольскому Иоанну Постнику канонических правилах.
Содержание праздника
Древнейшие источники упоминают о дне Антипасхи, связывая его, с одной стороны, с Воскресением Христовым, т. к. с IV в. он служил завершением 8-дневных пасхальных торжеств, с другой стороны — с таинством Крещения, т. к. в этот день или накануне неофиты, крещенные на Пасху или в Великую субботу, снимали белые крещальные ризы. С этим обычаем связано древнее латинское название дня Антипасхи — Dominica in Albis. Блж. Августин Иппонский († 430) в слове, посвященном «октаве Пасхи» (т. е. Антипасхи), говорит: «Сегодняшней радостью завершаются пасхальные торжества, потому что сегодня переменяются одежды неофитов, но таким образом, что белизна, слагаемая с одеждой, навсегда остается в сердце».
Важнейшим основанием для объединения Антипасхи с Пасхой является читаемое в этот день (по крайней мере с IV в.) как в восточном, так и в западном обрядах Евангелие от Иоанна — глава 20, 19-31. Это евангельское повествование связывает два явления Воскресшего Спасителя апостолам: в «первый день недели вечером» (Ст. 19), т. е. в сам день Воскресения, когда Господь Иисус Христос показал им Свои раны, послал их на проповедь и, сообщив им дар Святого Духа, дал им власть прощать и удерживать грехи, … и «после восьми дней» (Ст. 26), когда Спаситель, вторично явившись ученикам, призванием к осязанию Своих ран уверил апостола Фому (он не видел первое явление Воскресшего Христа и отказывался верить рассказам других апостолов), и тот немедленно исповедал свою веру в Богочеловечество Воскресшего Христа, воскликнув: «Господь мой и Бог мой!»
Истолкованию данного Евангелия посвящено «Слово на Неделю Новую», приписываемое святителю Иоанну Златоусту, по византийским Типиконам одно из уставных чтений праздника Антипасхи. Повторное явление Господа Иисуса Христа ученикам здесь объясняется необходимостью уверения апостола Фомы, чье «неверие» (в данном случае — стремление к достоверному, подтвержденному опытом знанию) оправдывается и даже восхваляется, ибо результатом его стало исповедание святого Фомы.
Церковь посвящает этот день также размышлению над обновлением всего творения через Воскресение Христово, о чем говорится в слове святителя Григория Богослова († 390) «На Неделю Новую», которое в византийских Типиконах стало одним из главных уставных чтений праздника. По мысли свт. Григория, подобно первому творению (сотворению мира), начавшемуся днем недельным (воскресным), так и новый, обновленный Воскресением Христовым мир начинается днем недельным. Этот день, 8-й по Пасхе, и празднуется как День обновления, т. к. в отличие от дня Пасхи, самого дня спасения, который является «пограничным между погребением и Воскресением», этот день есть день «воспоминания спасения», день «чисто нового рождения». Содержанием же празднования для каждого, его приношением Богу должно стать внутреннее обновление: «Обновитесь, отбросьте древнего человека… только ради того вспоминая древнее, чтобы его избегать». Совпадающее по времени с Антипасхой обычное весеннее обновление природы поэтому приобретает новое значение как видимое проявление и свидетельство внутреннего обновления всей твари: «Царица времен года триумфально шествует в честь царицы дней и преподносит ей дары от всего, что есть у нее самого прекрасного и радостного». Величие праздника подчеркивается согласием обновления видимого и невидимого мира, которое предваряет будущие «новое небо и новую землю» (Откр 21. 1): «Ныне весна земная, весна духовная, весна душам, весна телам, весна видимая, весна невидимая; о, если бы мы приняли участие в ней там, прекрасно изменившись здесь, и обновленные переправились к обновленной жизни во Христе Иисусе Господе нашем!».
В русском разговорном языке Антипасха часто называется «Красной горкой», т. к. это — первый день после многодневных Великого поста и Пасхи, когда позволяется совершать Таинство Брака.
Статья из т. II «Православной Энциклопедии», Москва. 2001 г.
Некоторые особенности богослужения
Светлая седмица заканчивается Фоминым воскресением, являющимся как бы заменой (повторением) самого Пасхального дня, отчего оно и названо еще Антипасхой (в переводе с греческого — «вместо Пасхи»).
Богослужение этого дня посвящено, главным образом, воспоминанию явлений Христа по Воскресении Апостолам, в том числе и Фоме. Вся служба побуждает верующих пробудиться от сна греховного, обратиться к Солнцу Правды — Христу, укрепить в себе веру и вместе с апостолом Фомой искренно, радостно воскликнуть: «Господь мой и Бог мой».
В субботу вечером перед 9-м часом затворяются царские врата. 9-й час читается обычный трехпсалмный. На нем тропарь воскресный 8-го гласа: С высоты снизшел еси и кондак Пасхи: Аще и во гроб.
В Неделю Антипасхи воскресные песнопения из Октоиха не поются, вся служба совершатся по Цветной Триоди.
Начиная с Фомина воскресенья, на службах возобновляется стихословие Псалтири, полиелей и прочее последование. Восстанавливается обычная структура всенощного бдения, часов, Литургии (за исключением некоторых особенностей).
С этого дня до отдания Пасхи на всех службах, которые начинаются с возгласа священника, а также перед началом шестопсалмия трижды поется или читается Христос воскресе.
Апостол Фома (память 18 апреля/1 мая по н. ст. 2011 года — воспоминание уверения апостола Фомы).
Святой апостол Фома был родом из галилейского города Пансады и занимался рыболовством. Услышав благовестие Иисуса Христа, он всё оставил и последовал за Ним. Апостол Фома входит в число Двоенадесятицы святых апостолов, 12 учеников Спасителя.
По свидетельству Священного Писания, святой апостол не поверил рассказам других учеников о Воскресении Иисуса Христа: «Аще не вижу на руку Его язвы гвоздинныя, и вложу перста моего в язвы гвоздинныя, и вложу руку мою в ребра Его, не иму веры» (Ин. 20, 25). На восьмой день после Воскресения Господь явился апостолу Фоме и показал Свои раны. «Господь мой и Бог мой!» — воскликнул святой апостол (Ин. 20, 28). «Фома, бывший некогда слабее других апостолов в вере, — говорит святитель Иоанн Златоуст, — сделался по благодати Божией мужественнее, ревностнее и неутомимее всех их, так что обошел со своей проповедью почти всю землю, не убоявшись возвещать Слово Божие народам диким».
По Церковному Преданию, святой апостол Фома основал христианские Церкви в Палестине, Месопотамии, Парфии, Эфиопии и Индии. Проповедь Евангелия апостол запечатлел мученической смертью.
За обращение ко Христу сына и супруги правителя индийского города Мелиапора (Мелипура) святой апостол был заключен в темницу, претерпел пытки, и, наконец, пронзенный пятью копьями, отошел ко Господу. Части мощей святого апостола Фомы есть в Индии, Венгрии и на Афоне. С именем апостола Фомы связана Аравийская (или Арапетская) икона Божией Матери (6 сентября).
Тропарь, глас 2
Ученик Христов быв,/ Божественнаго собора апостольскаго сопричастник,/ неверствием бо Христово Воскресение известив/ и Того пречистую страсть осязанием уверив,/ Фомо всехвальне,// и ныне нам проси мира и велия милости.
Кондак, глас 4
Премудрости благодати исполнен,/ Христов апостол/ и служитель истинный/ в покаянии вопияше Тебе:// Ты мой еси Бог же и Господь.
НА ВЕЛИЦЕЙ ВЕЧЕРНИ
Повнегда благословити иерею, Христо́с воскре́се: трижды. И абие поем предначинательный псалом: Благослови́ душе́ моя́ Го́спода: с пением, якоже есть обычай: И по исполнении сего, стихословим: Блаже́н муж: Кафисму 1-ю всю. Го́споди воззва́х: поем во глас 1, поставим стихов, 10. И поем стихиры самогласны, новыя Недели.
Глас 1. Иоанна монаха:
Две́рем заключе́нным, / ученико́м собра́нным, / вшел еси́ внеза́пу всеси́льне Иису́се, Бо́же наш, / и став посреде́ их / мир дав, испо́лнил еси́ Свята́го Ду́ха, / жда́ти же повеле́л еси́, / и ника́коже разлуча́тися от Иерусали́ма, / до́ндеже облеку́тся е́же с высоты́ си́лою. / Те́мже вопие́м Ти: / просвеще́ние и воскресе́ние и ми́ре наш, сла́ва Тебе́. [Дважды.]
По днех осми́х воста́ния Твоего́, Го́споди, / яви́лся еси́ ученико́м Твои́м / на ме́сте, иде́же бя́ху со́брани, / и возгласи́в им: мир вам, / неве́рующему ученику́ ру́це показа́л еси́, / и пречи́стое ребро́. / Он же ве́ровав вопия́ше Тебе́: / Госпо́дь мой и Бог мой, сла́ва Тебе́. [Дважды.]
Фома́, глаго́лемый Близне́ц, не бе с ни́ми, / егда́ вшел еси́, Христе́, заключе́нным две́рем, / те́мже и не ве́роваше рече́нным ему́, / от неве́рия в ве́ру известву́я. / Не несподо́бил же еси́, Бла́же, / показа́ти ему́ пречи́стое ребро́ Твое́, / и руку́ и ногу́ я́звы. / Он же осяза́в и ви́дев, / испове́да Тебе́ бы́ти Бо́га не на́га, / и Челове́ка не про́ста, и вопия́ше: / Госпо́дь мой и Бог мой, сла́ва Тебе́. [Дважды.]
Ученико́м сомня́щимся, / во осмы́й день предста́ Спас, иде́же бя́ху со́брани, / и мир дав, Фоме́ возопи́: / прииди́, апо́столе, / осяжи́ дла́ни, в ни́хже гво́здия вонзо́ша. / О до́брое неве́рие Фомино́, / ве́рных сердца́ в позна́ние приведе́, / и со стра́хом возопи́: / Госпо́дь мой и Бог мой, сла́ва Тебе́. [Дважды.]
Глас 2:
По воста́нии Твое́м, Го́споди, / собра́нным ученико́м Твои́м и две́рем заключе́нным, / посреде стал еси́, мир подая́ им. / Ве́ровав же и Фома́ зре́нием руку́ и ребр Твои́х, / Го́спода и Бо́га Тя испове́да, / спаса́ющаго упова́ющия на Тя, Человеколю́бче. [Единожды.]
Две́рем заключе́нным, / предста́в Иису́с ученико́м, / безстра́шие и мир дая́ше, / та́же глаго́лет Фоме́: / почто́ Мне не ве́руеши, я́ко воскресо́х из ме́ртвых? / Принеси́ се́мо ру́ку твою́, / и вложи́ в ре́бра Моя́, и виждь. / Тебе́ бо неве́рующу, / вси навыко́ша стра́сти и воскресе́ние Мое́ зва́ти с тобо́ю: / Госпо́дь мой и Бог мой, сла́ва Тебе́. [Единожды.]
Слава, и ныне, глас 6. Иоанна монаха:
Две́рем заключе́нным, / прише́л еси́, Христе́, ко ученико́м, / тогда́ Фома́ смотри́тельно не обре́теся с ни́ми. / Глаго́лаше бо: не иму́ ве́ры, / а́ще не уви́жду и аз Влады́ки. / Уви́жду ребро́, отону́дуже изы́де кровь, вода́, креще́ние. / Уви́жду я́зву, от нея́же исцеле́ вели́кий струп челове́ческий. / Уви́жду, ка́ко не бе, я́коже дух, но плоть и ко́сти. / Смерть попра́вый и Фому́ уве́ривый, / Го́споди, сла́ва Тебе́.
Вход. Све́те ти́хий: Прокимен дне: Госпо́дь воцари́ся:
На литии стихиры. Глас 4:
Го́споди, нестерпи́мым Твоего́ Божества́ блиста́нием, / две́рем прише́л еси́ заключе́нным су́щим, / и став посреде́ ученико́в. / Ребро́ обнажи́л еси́, / и язв Твое́ю руку́ и ногу́ стру́пы явля́я, / печа́ль же и скорбь разреша́я, / я́ве возгласи́л еси́: / и́мже о́бразом во Мне ви́дите, о дру́зи, пло́ти прия́тие, / не ду́ха ношу́ естество́. / Сомня́щемуся же ученику́, / повелева́л еси́ осяза́ти тре́петно, рек: / испыта́в вся, гряди́, про́чее не сумни́ся. / Он же ощуща́я руко́ю Твое́ сугу́бое существо́, / со стра́хом вопия́ше ве́рно, ве́рою влеко́мь: / Госпо́дь мой и Бог мой, сла́ва Тебе́.
Глас 8: Прикосни́ся Фомо́ ребру́ руко́ю, глаго́лет Христо́с, / и о́бразы гвозде́й прииди́ осяжи́, / ве́рою испыта́й и бу́ди Ми ве́рен, / и не бу́ди неве́рен. / Фома́ же пе́рстом я́ко прикосну́ся Влады́це, вельми́ возопи́: / Ты Бог мой и Госпо́дь, Благоутро́бне, сла́ва Тебе́.
Слава, и ныне, глас 8. Анатолиа:
Две́рем заключе́нным, / ученико́м собра́нным, / предста́ Спас, иде́же бя́ху со́брани, / и став посреде́ их, глаго́лет Фоме́: / прииди́ осяжи́ и виждь о́бразы гвозде́й, / простри́ ру́ку твою́ и косни́ся ребру́ Моему́, / и не бу́ди неве́рен, но ве́рою пропове́ждь, / е́же из ме́ртвых Мое́ Воскресе́ние.
На стиховне стихиры самогласны, глас 4:
О пресла́внаго чудесе́! / Неве́рие ве́ру изве́стную роди́. / Рек бо Фома́: а́ще не ви́жду, не иму́ ве́ры. / Осяза́в же ре́бра, богосло́вит воплоти́вшагося, / Того́жде Сы́на Бо́жия позна́, / я́ко пострада́вша пло́тию, / пропове́да воскре́сшаго Бо́га, / и возопи́ све́тлым гла́сом: / Госпо́дь мой и Бог мой, сла́ва Тебе́.
Стих: Похвали́, Иерусали́ме, Го́спода, хвали́ Бо́га твоего́, Сио́не.
О пресла́внаго чудесе́! / Огню́ се́но косну́вшееся спасе́ся / вложи́в бо Фома́ во о́гненная ре́бра ру́ку / Иису́са Христа́ Бо́га, / не опали́ся осяза́нием. / Души́ бо злове́рство преложи́ на благове́рие, / те́пле возопи́ от глубины́ душе́вныя: / Влады́ка, Ты еси́ и Бог мой, / из ме́ртвых Воскресы́й, сла́ва Тебе́.
Стих: Я́ко укрепи́ вереи́ врат твои́х, и благослови́ сы́ны твоя́ в тебе́.
О пресла́внаго чудесе́! / Иоа́нн на пе́рси Сло́ва возлеже́, / Фома́ же ре́бра осяза́ти сподо́бися, / но ов у́бо отону́ду стра́шно / богосло́вия глубо́кое извлече́ смотре́ние, / ов же сподо́бися тайнонаучи́ти нас. / Представля́ет бо показа́ния я́сно / воста́ния Его́, вопия́: / Госпо́дь мой и Бог мой, сла́ва Тебе́.
Слава и ныне, глас 5: Человеколю́бче, ве́лие и безприкла́дное мно́жество щедро́т Твои́х, / я́ко долготерпе́л еси́, от иуде́й зауша́емь, / от апо́стола осяза́емь, / и от отмета́ющихся Тебе́ многоиспыту́емь, / ка́ко воплоти́лся еси́? / Ка́ко распя́лся еси́, Безгре́шне? / Но вразуми́ ны, я́ко Фому́, вопи́ти Тебе́: / Госпо́дь мой и Бог мой, сла́ва Тебе́.
Таже: Ны́не отпуща́еши: Трисвятое. И по О́тче наш:
Тропарь праздника, глас 7, трижды:
Запеча́тану гро́бу, / Живо́т от гро́ба возсия́л еси́, Христе́ Бо́же, / и две́рем заключе́нным, / ученико́м предста́л еси́, / всех Воскресе́ние, / дух пра́вый те́ми обновля́я нам, / по вели́цей Твое́й ми́лости.
И благословение хлебов. И чтение Деяний святых апостол. Чтутся же Деяния от начала: или беседы Златоустаго от начала.
[Аще несть бдения, по Ны́не отпуща́еши: и по О́тче наш: Тропарь: Запеча́тану гро́бу: И отпуст. Во утрии же поем Полунощницу воскресную, на нейже поем канон Троичный, Октоиха 1-го гласа, певаемый по Полунощнице. По каноне же Досто́йно есть: Троичное. И прочее. Трисвятое. По О́тче наш: Тропарь: Запеча́тану гро́бу: Го́споди поми́луй. 40. Сла́ва и ны́не: Честне́йшую херувим: Стих: Бо́же уще́дри ны: И молитва: Всемогу́щая и животворя́щая: И отпуст.]
Апостольское чтение:
Деяния святых апостолов, глава 5, стихи 12 — 20
Комментирует епископ Феоктист (Игумнов)
Всем сотрудникам «Фомы» дорого, что память нашего святого покровителя — апостола Фомы — празднуем всей Церковью в ближайшее воскресенье после Пасхи. Мы помним, как в 1996 году вышел черно-белый первый номер журнала «Фома». Выбирая название, редакторы хотели обратить внимание читателей на парадокс — ведь Фома не верит на слово потому, что очень хочет всем своим существом узнать Истину. И Христос, наверное, потому и является сомневающемуся ученику, что знает его жажду веры.
Поздравляем наших читателей с неделей апостола Фомы и желаем вам доброго воскресного дня в храме!
НА УТРЕНИ
По скончании же чтения, глаголем шестопсалмие. И по исполнении сих ектениа великая. и Бог Госпо́дь: поем во глас 7.
Тропарь праздника, глас 7, трижды:
Запеча́тану гро́бу, / Живо́т от гро́ба возсия́л еси́, Христе́ Бо́же, / и две́рем заключе́нным, / ученико́м предста́л еси́, / всех Воскресе́ние, / дух пра́вый те́ми обновля́я нам, / по вели́цей Твое́й ми́лости.
По 1-м стихословии седален, глас 1. Подобен: Ка́мени запеча́тану:
Стра́ха ра́ди иуде́йска, сокрове́нным ученико́м, / и в Сио́не собра́нным, / вшел еси́ к ним, Бла́же, / и стал еси́ посреде́ их, две́рем заключе́нным / радостотворя́й и показа́л еси́ им ру́це, / и пречи́стых Твои́х ребр я́звы, / глаго́ля неве́рующему ученику́: / принеси́ ру́ку твою́ и испыта́й, / я́ко Сам Аз есмь, тебе́ ра́ди пострада́вый.
Сла́ва, и ны́не: тойже. И чтение праздника.
По 2-м стихословии, седален, глас 1. Подобен: Гроб Твой Спа́се:
Предста́л еси́ животе́, / две́рем заключе́нным, Христе́, ученико́м, / и ре́бра показа́в, и ру́це Твои́, и но́зе Твои́, / е́же от гро́ба Твое́ воста́ние предуверя́я, / но Фома́ не обре́теся, те́мже глаго́лаше: / а́ще не узрю́ Его́, не ве́рую словесе́м ва́шим.
Сла́ва, и ны́не: тойже. И чтение праздника.
Величание
Велича́ем Тя, живода́вче Христе́, / нас ра́ди во ад сше́дшаго / и с Собо́ю вся воскреси́вшаго.
Псалом избранный
1 лик Госпо́дь воцари́ся, в ле́поту облече́ся. 2 Облече́ся Госпо́дь в си́лу и препоя́сася. 1 И́бо утверди́ вселе́нную, я́же не подви́жится. 2 Кто возглаго́лет си́лы Госпо́дни, слы́шаны сотвори́т вся хвалы́ Его́? 1 Да испове́дятся Го́сподеви ми́лости Его́, и чудеса Его́ сыново́м челове́ческим. 2 И изве́л еси́ ны от тмы и се́ни сме́ртныя. 1 Я́ко сокруши́ врата́ ме́дная, и вереи́ желе́зныя сломи́. 2 И изба́ви я́ от растле́ний их, и у́зы их растерза́. 1 Я́ко услы́ша убо́гия Госпо́дь. 2 И окова́нныя Своя́ не уничижи́. 1 Воста́ я́ко спя Госпо́дь, и порази́ враги́ Своя́. 2 Я́ко о́чи Госпо́дни на упова́ющия на ми́лость Его́. 1 Услы́шати воздыха́ние окова́нных. 2 Разреши́ти сы́ны умерщвле́нных. 1 Да воскре́снет Бог, и расточа́тся врази́ Его́, и да бежа́т от лица́ Его́. 2 Сей день, его́же сотвори́ Госпо́дь, возра́дуемся и возвесели́мся в онь. 1 Воскресени́, Го́споди Бо́же мой, да вознесе́тся рука́ Твоя́, не забу́ди убо́гих Твои́х до конца́. 2 Го́споди Бо́же мой, в век испове́мся Тебе́.
Таже полиелей. И седален, глас 1. Подобен: Гроб Твой Спа́се:
Ви́дя Моя́ ре́бра и я́звы гвозде́й, Фомо́, / что не ве́руеши Моему́ Воскресе́нию? / Госпо́дь глаго́лаше, воскре́с от гро́ба, / явля́яся апо́столом неизрече́нно. / Близне́ц же ве́ровав, вопия́ше Созда́телю: / Бог мой еси́ и Госпо́дь.
Сла́ва, и ны́не: тойже. И чтение праздника:
Посем степенна, 1-й антифон 4-го гласа:
От ю́ности моея́ / мно́зи бо́рют мя стра́сти, / но Сам мя заступи́, / и спаси́, Спа́се мой.
Ненави́дящии Сио́на, / посрами́теся от Го́спода, / я́ко трава́ бо огне́м / бу́дете изсо́хше.
Слава: Святы́м Ду́хом / вся́ка душа́ живи́тся, / и чистото́ю возвыша́ется, / светле́ется Тро́ическим Еди́нством священнота́йне.
И ныне, тойже.
Прокимен, глас 4:
Похвали́, Иерусали́ме, Го́спода, / хвали́ Бо́га твоего́, Сио́не. Стих: Я́ко укрепи́ вереи́ врат твои́х.
Таже другий прокимен: Вся́кое дыха́ние / да хва́лит Го́спода. Стих: Хвали́те Бо́га во святы́х Его́, хвали́те Его́ в утверже́нии си́лы Его́.
Евангелие от Матфеа, зачало 116, утреннее воскресно, 1. [Мф. 28, 16 – 20.]
Во вре́мя о́но, единиина́десять ученицы́ идо́ша в Галиле́ю, в го́ру, а́може повеле́ им Иису́с. И ви́девше Его́, поклони́шася Ему́, о́ви же усумне́шася. И присту́пль Иису́с, рече́ им, глаго́ля: даде́ся Ми вся́ка власть на небеси́ и на земли́. Ше́дше научи́те вся язы́ки, крестя́ще их во и́мя Отца́ и Сы́на и Свята́го Ду́ха, уча́ще их блюсти́ вся, ели́ка запове́дах вам. И се, Аз с ва́ми есмь во вся дни, до сконча́ния ве́ка. Ами́нь.
Таже глаголем:
Воскресе́ние Христо́во ви́девше, / поклони́мся Свято́му Го́споду Иису́су, / еди́ному безгре́шному. / Кресту́ Твоему́ покланя́емся, Христе́, / и свято́е Воскресе́ние Твое́ пое́м и сла́вим. / Ты бо еси́ Бог наш, / ра́зве Тебе́ ино́го не зна́ем, / и́мя Твое́ имену́ем. / Прииди́те, вси ве́рнии, / поклони́мся Свято́му Христо́ву Воскресе́нию: / се бо прии́де Кресто́м ра́дость всему́ ми́ру. / Всегда́ благословя́ще Го́спода, / пое́м Воскресе́ние Его́: / распя́тие бо претерпе́в, / сме́ртию смерть разруши́. [Трижды.]
Псалом 50. И целование Евангелиа.
Слава: Моли́твами апо́столов, / Ми́лостиве, очи́сти / мно́жества согреше́ний на́ших.
И ныне: Моли́твами Богоро́дицы, / Ми́лостиве, очи́сти / мно́жества согреше́ний на́ших.
Таже, глас 6: Поми́луй мя, Бо́же, / по вели́цей ми́лости Твое́й / и по мно́жеству щедро́т Твои́х / очи́сти беззако́ние мое́.
Посем стихира: Воскре́с Иису́с от гро́ба, / я́коже прорече́, / даде́ нам живо́т ве́чный / и ве́лию ми́лость.
Таже, Спаси́ Бо́же лю́ди Твоя́: И абие канон праздника, творение Иоанна монаха. Глас 1. Ирмос по дважды, тропари же на 12. От днесь начинаем глаголати: Пои́м Го́сподеви: во всю Пятдесятницу.
Песнь 1.
Ирмос: Пои́м вси лю́дие, / от го́рькия рабо́ты фарао́ни Изра́иля изме́ншему, / и во глубине́ морсте́й нога́ми немо́крыми наста́вльшему, / песнь побе́дную, я́ко просла́вися.
Днесь весна́ душа́м, / зане́ Христо́с от гро́ба я́коже со́лнце возсия́в тридне́вный, / мра́чную бу́рю отгна́ греха́ на́шего. / Того́ воспои́м, я́ко просла́вися.
Цари́ца време́н, светоно́сному дню, / дней же царю́ я́вственнейши даронося́, / кра́сит избра́нныя лю́ди церко́вныя, / непреста́нно поя́ воскре́сшаго Христа́.
Врата́ смерти, Христе́, / ниже́ гро́бныя печа́ти, ниже́ ключи́ двере́й Тебе́ проти́вишася, / но воскре́с предста́л еси́ друго́м Твои́м, Влады́ко, / мир да́руяй, всяк ум преиму́щ.
Катавасия оба лика вкупе: Воскресе́ния день, / просвети́мся, лю́дие. / Па́сха, Госпо́дня Па́сха, / от сме́рти бо к жи́зни, / и от земли́ к небеси́, / Христо́с Бог нас преведе́, / побе́дную пою́щия.
Песнь 3.
Ирмос: Утверди́ мене́, Христе́, / на недви́жимом ка́мени за́поведей Твои́х, / и просвети́ мя све́том лица́ Твоего́, / несть бо свят па́че Тебе́, Человеколю́бче.
Но́выя вме́сто ве́тхих, / вме́сто же тле́нных нетле́нныя, / Кресто́м Твои́м, Христе́, соверши́в нас, / во обновле́нии жи́зни жи́тельствовати досто́йно повеле́л еси́.
Во гро́бе заключе́н опи́санною пло́тию Твое́ю, / неопи́санный, Христе́, воскре́сл еси́, / две́рем же заключе́нным, / предста́л еси́ Твои́м ученико́м, Всеси́льне.
Я́звы Твоя́, Христе́, / я́же во́лею претерпе́л еси́ за нас, / ученико́м Твои́м сохрани́в, свиде́тельство показа́л еси́ / Твоего́ сла́внаго Воскресе́ния.
Катавасия: Прииди́те, пи́во пие́м но́вое, / не от ка́мене непло́дна чудоде́емое, / но нетле́ния исто́чник / из гро́ба одожди́вша Христа́, / в Не́мже утвержда́емся.
Ипакои, глас 6:
Я́ко посреде́ ученико́в Твои́х прише́л еси́, Спа́се, мир дая́ им, / прииди́ и к нам и спаси́ нас.
И чтение в Богослове, егоже начало: Обновле́нием чти́тися:
Песнь 4.
Ирмос: Ве́лия та́йна Твоего́, Христе́, смотре́ния, / сию́ бо свы́ше прови́дя богозри́тельно Авваку́м, / изше́л еси́, вопия́ше Тебе́, / во спасе́ние люде́й Твои́х, Человеколю́бче.
Же́лчи у́бо вкуси́, дре́внее вкуше́ние исцеля́я, / ны́не же с со́том ме́да, просвеще́ние подая́ Христо́с пра́отцу, / и Свое́ сла́дкое прича́стие.
Ра́дуешися испыта́емь, / те́мже, Человеколю́бче, на сие́ повелева́еши Фоме́, / простира́я неве́рующу ре́бра, / ми́рови уверя́я Твое́, Христе́, тридне́вное воста́ние.
Бога́тство поче́рп / от сокро́вища некра́домаго Боже́ственнаго, Благоде́телю, / копие́м прободе́ннаго Твоего́ ребра́, / прему́дрости и ра́зума наполня́ет мир Близне́ц.
Твой всеблаже́нный хва́лится язы́к, о Бли́знче! / Пе́рвый бо благоче́стно пропове́дует / Жизнода́вца Иису́са, Бо́га же и Го́спода, / от осяза́ния испо́лнься благода́ти.
Катавасия: На Боже́ственней стра́жи / богоглаго́ливый Авваку́м / да ста́нет с на́ми и пока́жет / светоно́сна А́нгела / я́сно глаго́люща: / днесь спасе́ние ми́ру, / я́ко воскре́се Христо́с, / я́ко всеси́лен.
Песнь 5.
Ирмос: От но́щи у́тренююще пое́м Тя, Христе́, / Отцу́ собезнача́льна, и Спа́са душ на́ших, / мир ми́рови пода́ждь, Человеколю́бче.
Предста́в друго́м скорбя́щим Спас, / прише́ствием всю отъе́млет скорбь, / и игра́ти воздвиза́ет Свои́м Воскресе́нием.
О вои́стинну похваля́емаго Фомы́ стра́шнаго начина́ния! / Де́рзостно бо осяза́ ре́бра, / Боже́ственным огне́м блиста́ющая.
Неве́рие Фомино́, ве́ры роди́тельное нам показа́л еси́, / Ты бо вся прему́дростию Твое́ю / промышля́еши поле́зно, Христе́, я́ко Человеколю́бец.
Катавасия: У́тренюем у́треннюю глубоку́, / и вме́сто ми́ра песнь принесе́м Влады́це, / и Христа́ у́зрим / пра́вды Со́лнце, / всем жизнь возсия́юща.
Песнь 6.
Ирмос: Проро́ка спасл еси́ от ки́та, Человеколю́бче, / и мене́ из глубины́ прегреше́ний возведи́, молю́ся.
Фомы́ не оста́вил еси́, Влады́ко, / погружа́ема глубино́ю неве́рия, / дла́ни просте́р на испыта́ние.
Спас наш глаго́лаше: / осяза́вше Мя ви́дите ко́сти плоть нося́ща, / Аз не премени́хся.
Ре́бра осяза́ и ве́ровав позна́ Фома́, / не сый в пе́рвом вхо́де Твое́м, Спа́се наш.
Катавасия: Снизше́л еси́ в преиспо́дняя земли́, / и сокруши́л еси́ вереи́ ве́чныя, / содержа́щия свя́занныя, Христе́, / и тридне́вен, я́ко от ки́та Ио́на, / воскре́сл еси́ от гро́ба.
Кондак, глас 8:
Любопы́тною десни́цею / жизнопода́тельная Твоя́ ре́бра Фома́ испыта́, Христе́ Бо́же, / созаключе́нным бо две́рем я́ко вшел еси́, / с про́чими апо́столы вопия́ше Тебе́: / Госпо́дь еси́ и Бог мой.
Икос: Кто сохрани́ учени́чу длань тогда́ неопали́му, / егда́ ко о́гненным ре́бром приступи́ Госпо́дним? / Кто даде́ ей де́рзость, и возмо́же осяза́ти / пла́менную кость, вся́ко неосяжи́мую? / А́ще бо не бы ребро́ си́лу по́дало бре́нней десни́це, / ка́ко можа́ше осяза́ти, / страда́ньми поколеба́вшая я́же вы́ше и я́же ни́зу? / Сия́ благода́ть Фоме́ даде́ся, е́же сия́ осяза́ти, / Христо́ви же вопи́ти: Госпо́дь еси́ и Бог мой.
Синаксарь.
Песнь 7.
Ирмос: О́бразу служи́ти мусики́йскому согла́сию созыва́ющу лю́ди, / от пе́сней Сио́нских пою́ще оте́чески о́троцы Дави́довы, / мучи́телево разори́ша злочести́вое веле́ние, / и пла́мень в ро́су преложи́ша, песнь воспева́юще: / превозноси́мый отце́в и наш Бо́же, благослове́н еси́.
Я́ко пе́рвый есть дней и госпо́дственный светоно́сный сий, / во́ньже ра́доватися досто́йно но́вым и боже́ственным лю́дем с тре́петом: / прино́сит бо и ве́ка о́браз, / я́ко осми́ца соверша́я бу́дущаго, / превозноси́мый отце́в и наш Бо́же, благослове́н еси́.
Еди́н дерзну́вый, неве́рною же ве́рою / облагоде́тельствовавый нас Фома́ Близне́ц, / реши́т у́бо мра́чное неве́дение всех конце́в, ве́рным неве́рствием, / себе́ же вене́ц плете́т я́ве глаго́ля. / Ты еси́ Госпо́дь превозноси́мый, отце́в и наш Бо́же, благослове́н еси́.
Не всу́е усумне́вся Фома́ о воста́нии Твое́м, не низложи́ся, / но несумне́тельное тща́шеся показа́ти сие́, Христе́, всем язы́ком. / Отону́дуже неве́рием уве́рив, всех научи́ глаго́лати: / Ты еси́ Госпо́дь превозноси́мый, отце́в и наш Бо́же, благослове́н еси́.
Со стра́хом ру́ку Фома́ в ре́бра Твоя́ живоно́сная, Христе́, вложи́в, / тре́петен ощути́ де́йство, Спа́се, сугу́бое / двема́ естество́ма в Тебе́ соединя́емыма неслия́нно, / и ве́рою взыва́ше, глаго́ля: / Ты еси́ Госпо́дь превозноси́мый, отце́в и наш Бо́же, благослове́н еси́.
Катавасия: О́троки от пе́щи изба́вивый, / быв Челове́к, / стра́ждет я́ко сме́ртен, / и стра́стию сме́ртное, / в нетле́ния облачи́т благоле́пие, / Еди́н благослове́н / отце́в Бог и препросла́влен.
Песнь 8.
Ирмос: В пла́мени о́гненне горя́щия пе́щи сохра́ншаго де́ти, / и во зра́це а́нгела снизше́дшаго к ним, / по́йте Го́спода и превозноси́те Его́ во ве́ки.
Возжеле́вый Твое́ ра́достное виде́ние, / пре́жде не ве́роваше Фома́: / сподо́блься же того́, Бо́га и Го́спода Тя нарица́ше, Влады́ко, / Его́же превозно́сим во вся ве́ки.
Претерпе́вшаго Фомино́ неве́рие и показа́вшаго ре́бра, / и того́ дла́нию осяза́нна бы́вша, / по́йте Го́спода и превозноси́те Его́ во вся ве́ки.
Твое́ неудо́бное сокро́вище, утае́ное нам отве́рзе Фома́: / богосло́вив бо язы́ком богоно́сным, / по́йте Го́спода, глаго́лаше, / и превозноси́те Его́ во вся ве́ки.
Катавасия: Сей нарече́нный и святы́й день, / Еди́н суббо́т Царь и Госпо́дь, / пра́здников пра́здник / и торжество́ есть торже́ств, / во́ньже благослови́м Христа́ во ве́ки.
На 9-й песни, Честне́йшую: не поем: но ирмос кийждо лик.
Песнь 9.
Ирмос: Тебе́, све́тлую свещу́ и Ма́терь Бо́жию, / пречу́дную сла́ву и вы́шшую всех тварей, / пе́сньми велича́ем.
Твой све́тлый день и пресве́тлый, Христе́, всесве́тлую благода́ть, / во́ньже кра́сный добро́тою ученико́м Твои́м предста́л еси́, / в пе́снех велича́ем.
Тебе́, бре́нною дла́нию осяза́ема в ре́бра, / и не опали́вша сию́, огне́м невеще́ственнаго Боже́ственнаго существа́, / в пе́снех велича́ем.
Тя, я́ко Бо́га, из гро́ба воскре́сша Христа́, / не очи́ма ви́девше, но серде́чною любо́вию ве́ровавше, / пе́сньми велича́ем.
Катавасия: Свети́ся, свети́ся, / но́вый Иерусали́ме, / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.
И поклон. Таже, Свят Госпо́дь Бог наш: на глас 1, трижды.
Ексапостиларий, глас 1. Подобен: Не́бо звезда́ми:
Мои́х удо́в руко́ю твое́ю испыта́вый я́звы, / не неве́руй Ми, Фомо́, / уя́звленному тебе́ ра́ди, / со ученики́ единому́дрствуй, / и живу́щаго пропове́дуй Бо́га. [Дважды.]
Слава, и ныне: Днесь весна́ благоуха́ет, / и но́вая тварь лику́ет. / Днесь взима́ются ключи́ двере́й, / и неве́рия Фомы́ дру́га вопию́ща: / Госпо́дь и Бог мой.
На хвалитех стихиры, на 4, глас 1. Подобен: Прехва́льнии му́ченицы:
По е́же из гро́ба Твое́м стра́шном, Жизнода́вче, воста́нии, / я́коже печа́тей не разруши́л еси́, Христе́, гро́бных, / та́ко заключе́нным две́рем вшел еси́ к пресла́вным апо́столом Твои́м, / радостотворя́ их, и Пра́вый Твой Дух подая́ им, / за безме́рную Твою́ ми́лость.
Фома́ и́же и Близне́ц не бе прише́л, / егда́ Ты ученико́м яви́лся еси́, Го́споди. / Те́мже не ве́рова Твоему́ Воскресе́нию, / и ви́девшим Тя вопия́ше: / а́ще не вложу́ пе́рста в ре́бра Его́ и гвозде́й я́звы, / не ве́рую, я́ко воста́л есть.
Я́коже хо́щеши, осяжи́, Христо́с Фоме́ вопия́ше: / вложи́ ру́ку и позна́й Мя, ко́сти иму́ща и земно́е те́ло, / и не бу́ди неве́рен, ра́вно же со ине́ми уве́рися. / Он же возопи́: / Бог мой и Госпо́дь Ты еси́, / сла́ва воста́нию Твоему́.
Слава, глас 6: По днех осми́х воста́ния Твоего́, Иису́се Царю́, / единоро́дный Сло́ве О́тчий / яви́лся еси́ ученико́м Твои́м, заключе́нным две́рем, / мир Твой подая́, / и неве́рующему ученику́ зна́мения показа́л еси́: / прииди́ и осяжи́ ру́це и но́зе, и нетле́нная Моя́ ре́бра. / Он же ве́ровав, вопия́ше Тебе́: / Госпо́дь мой и Бог мой, сла́ва Тебе́.
И ныне, глас 2: Преблагослове́нна еси́:
Славословие великое. И тропарь праздника. Ектении, и отпуст. Начинаются же от днесь литии, сиречь исхождения в притвор. Такожде и оглашения преподобнаго отца нашего Феодора Студита, в нихже поем:
Сла́ва, и ны́не, стихиру Евангельскую, глас 1:
На го́ру ученико́м иду́щим, за земно́е Вознесе́ние, / предста́ Госпо́дь и поклони́вшеся Ему́, / и да́нныя вла́сти везде́ научи́вшеся, / в поднебе́сную посыла́хуся, / пропове́дати е́же из ме́ртвых Воскресе́ние, / и е́же на небеса́ возше́ствие. / И́мже и во ве́ки спребыва́ти нело́жный обеща́ся Христо́с Бог, / и Спас душ на́ших.
Внемли, яко литии в притворе прежде перваго часа бывают и оглашения Студитова. И час 1. И прочее обычное. И совершенный отпуст.
Ведомо буди, яко воследование случившихся святых во всех Неделях святыя Пятдесятницы поем в Повечериях.
Литургиа бывает порану труда ради бденнаго. Часы поются трипсалмнии по Уставу в притворе, на нихже глаголем тропарь и кондак праздника.
Ведомо буди, яко от Недели новыя и до отдания праздника Пасхи, начало Литургии сице бывает:
По еже рещи диакону: Благослови́ влады́ко: И иерею: Благослове́но Ца́рство: Поет иерей: Христо́с воскре́се: трижды, весь тропарь кроме стихов: Да воскре́снет Бог: Таже, ектениа, и прочая Литургии. Вместо же Достойно: поем: А́нгел вопия́ше Благода́тней: Таже ирмос, глас 1: Свети́ся, свети́ся: Егда же речет иерей: Со стра́хом Бо́жиим: И мы: Благослове́н гряды́й во и́мя Госпо́дне, Бог Госпо́дь и яви́ся нам. Иерей: Спаси́ Бо́же лю́ди Твоя́: И мы вместо тропаря: Ви́дехом свет и́стинный: поем: Христо́с воскре́се: единожды: и до отдания Пасхи. Бывает же и прочее Литургии по обычаю. Во отпусте же егда речет: Сла́ва Тебе́ Христе́ Бо́же, упова́ние на́ше, сла́ва Тебе́. И мы: Христо́с воскре́се: трижды. Таже отпуст Литургии по обычаю.
Особенности православного богослужения
Сегодня, 9 мая, во всех храмах служат благодарственный молебен за победу в Великой Отечественной войне и совершается особое повтновение погибших воинов.
На Фоминой неделе богослужения совершаются привычным порядком и возобновляется чтение псалмов.
Из пасхальных песнопений звучит только тропарь «Христос воскресе из мертвых…». В воскресенье звучат особые песнопения, посвященные второй неделе после Пасхи и уверению апостола Фомы. В службе присутствуют тексты, воспевающие приход весны: «Днесь весна душам…», «Днесь весна благоухает…».
На Литургии положены особые праздничные антифоны. И хотя в литургических учебниках этот праздник не обозначен как великий, по богослужебным особенностям Фомино воскресенье выглядит как Господский праздник, то есть посвященный Господу Иисусу Христу.
НА ЛИТУРГИИ
Начинаем изобразительная, и поем во блаженнах, от канона праздника, песнь 3 и 6.
По входе тропарь, глас 7:
Запеча́тану гро́бу, / Живо́т от гро́ба возсия́л еси́, Христе́ Бо́же, / и две́рем заключе́нным, / ученико́м предста́л еси́, / всех Воскресе́ние, / дух пра́вый те́ми обновля́я нам, / по вели́цей Твое́й ми́лости.
Сла́ва, и ны́не: кондак, глас 8:
Любопы́тною десни́цею / жизнопода́тельная Твоя́ ре́бра Фома́ испыта́, Христе́ Бо́же, / созаключе́нным бо две́рем я́ко вшел еси́, / с про́чими апо́столы вопия́ше Тебе́: / Госпо́дь еси́ и Бог мой.
Прокимен Апостола, глас 3:
Ве́лий Госпо́дь наш, и ве́лия кре́пость Его́, / и ра́зума Его́ несть числа́. Стих: Хвали́те Го́спода я́ко благ псало́м: Бо́гови на́шему да услади́тся хвале́ние.
Апостол в Деяниих, зачало 14. [Деян. 5, 12 – 20.]
Во дни о́ны, рука́ми апо́стольскими бы́ша зна́мения и чудеса́ в лю́дех мно́га: и бя́ху единоду́шно вси в притво́ре Соломо́ни. От про́чих же никто́же сме́яше прилепля́тися им, но велича́ху их лю́дие. Па́че же прилага́хуся ве́рующии Го́сподеви, мно́жество муже́й же и жен. Я́ко и на сто́гны износи́ти неду́жныя и полага́ти на посте́лех и на одре́х, да гряду́щу Петру́, поне́ сень его́ осени́т не́коего от них. Схожда́ше же ся и мно́жество от окре́стных градо́в во Иерусали́м, принося́ще неду́жныя и стра́ждущия от дух нечи́стых, и́же исцелева́хуся вси. Воста́в же архиере́й, и вси и́же с ним, су́щая е́ресь саддуке́йская, испо́лнишася за́висти. И возложи́ша ру́ки своя́ на апо́столы, и посла́ша их в соблюде́ние о́бщее. А́нгел же Госпо́день но́щию отве́рзе две́ри темни́цы, изве́д же их, рече́: Иди́те и ста́вше глаго́лите в це́ркви лю́дем вся глаго́лы жи́зни сея́.
Аллилуиа, глас 8: Прииди́те возра́дуемся Го́сподеви, воскликнем Бо́гу Спаси́телю на́шему. Стих: Я́ко Бог ве́лий Госпо́дь, и Царь ве́лий по всей земли́.
Евангелие Иоанна, зачало 65. [Ин. 20, 19 – 31.]
Су́щу по́зде в день той, во еди́ну от суббо́т, и две́рем затворе́нным, иде́же бя́ху ученицы́ Его́ со́брани, стра́ха ра́ди иуде́йска, прии́де Иису́с и ста посреде́, и глаго́ла им: мир вам. И сие́ рек, показа́ им ру́це и но́зе и ре́бра Своя́. Возра́довашася же ученицы́, ви́девше Го́спода. Рече́ же им Иису́с па́ки: мир вам. Я́коже посла́ Мя Оте́ц, и Аз посыла́ю вы. И сие́ рек, ду́ну и глаго́ла им: приими́те Дух Свят. И́мже отпустите́ грехи́, отпу́стятся им: и и́мже держите́, держа́тся. Фома́ же, еди́н от обоюна́десяте, глаго́лемый Близне́ц, не бе ту с ни́ми, егда́ прии́де Иису́с. Глаго́лаху же ему́ друзи́и ученицы́: ви́дехом Го́спода. Он же рече́ им: а́ще не ви́жу на руку́ Его́ я́звы гвозди́нныя, и вложу́ пе́рста моего́ в я́звы гвозди́нныя, и вложу́ ру́ку мою́ в ре́бра Его́, не иму́ ве́ры. И по днех осми́х па́ки бя́ху внутрь ученицы́ Его́, и Фома́ с ни́ми. Прии́де Иису́с две́рем затворе́нным, и ста посреде́ их и рече́: мир вам. Пото́м глаго́ла Фоме́: принеси́ перст твой се́мо, и виждь ру́це Мои́, и принеси́ ру́ку твою́, и вложи́ в ре́бра Моя́, и не бу́ди неве́рен, но ве́рен. И отвеща́ Фома́ и рече́ Ему́: Госпо́дь мой и Бог мой. Глаго́ла ему́ Иису́с: я́ко ви́дев Мя, ве́рова: блаже́ни не ви́девшии и ве́ровавше. Мно́га же и и́на зна́мения сотвори́ Иису́с пред ученики́ Свои́ми, я́же не суть пи́сана в кни́гах сих. Сия́ же пи́сана бы́ша, да ве́руете, я́ко Иису́с есть Христо́с Сын Бо́жий, и да ве́рующе живота́ и́мате во и́мя Его́.
Вместо же Достойно: поем:
А́нгел вопия́ше Благода́тней: / Чи́стая Де́во, ра́дуйся! / И па́ки реку́: ра́дуйся! / Твой Сын воскре́се / тридне́вен от гро́ба, / и ме́ртвыя воздви́гнувый: / лю́дие, весели́теся.
Таже ирмос, глас 1: Свети́ся, свети́ся, / но́вый Иерусали́ме, / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.
