Пятница 1-ой седмицы, утро. Избранные службы Триоди Постной — богослужения Великого поста.

Почему службы бывают длинные?

Период с первой недели до пятницы шестой включительно называется святой четыредесятницей и насчитывает ровно 40 дней. Седьмая неделя называется Страстной и выделяется отдельно. Первая постовая служба приходится на вечер так называемого «Прощеного воскресенья», поскольку церковный день начинается с вечера.

Церковные службы поста отличаются, в первую очередь, своей продолжительностью. Их цель – настроить человека на покаянный лад, подготовить душу к встрече со Христом Воскресшим. Достигается это путем усиленной молитвы.

Во время вечерней службы Великого поста вместо малого служится великое повечерие. На утрене обычный канон святому заменяют трипеснцы — специальные каноны, состоящие из трех песней. Кроме того, читаются особенные часы, великопостные. На вечерне также звучат паремии (отрывки из Ветхого Завета).

Особое внимание в посту уделяется чтению Псалтыри. Это касается как домашней, так и церковной молитвы. За неделю в храме вся книга прочитывается теперь два раза вместо одного.

Молитва Ефрема Сирина

В дни Великого поста в храме мы часто слышим такую молитву:

Господи и Владыко живота моего, дух праздности, уныния, любоначалия и празднословия не даждь ми. Дух же целомудрия, смиренномудрия, терпения и любве даруй ми, рабу Твоему. Ей, Господи, Царю, даруй ми зрети моя прегрешения и не осуждати брата моего, яко благословен еси во веки веков. Аминь.

Слова этой молитвы принадлежат святому аскету-пустыннику IV века — преподобному Ефрему Сирину. Она читается в дни поста не только в храме, но и дома вместе с утренним и вечерним правилом. При этом произнесение молитвы сопровождается большим количеством поклонов.

Следует сказать, что обилие поклонов является одной из главных особенностей богослужений данного поста. Поклоны совершаются верующими не только во время молитвы Ефрема Сирина, но и в другие моменты служб. Не распространяется это правило лишь на субботние и воскресные службы.

Торжество Православия — торжество здравого смысла

В этом названии Церковь хранит память о победе над ересью иконоборчества, сутью которой было отрицание почитания икон. В 730 году византийский император Лев III Исавр запретил почитание икон. Результатом этого решения стало уничтожение тысяч икон, а также мозаик, фресок, изваяний святых и расписных алтарей во многих храмах. Иконоборчество было официально признано в 754 году на так называемом Иконоборческом соборе при поддержке императора Константина V Копронима, сурово ополчившегося на православных почитателей икон, особенно монахов. По своей жестокости иконоборческие гонения были сопоставимы с гонениями на Церковь языческих императоров Диоклетиана и Нерона. По свидетельству летописца Феофана, современника этих печальных событий, император:

«…многих монахов умертвил ударами бичей, и даже мечем, и бесчисленное множество ослепил; у некоторых обмазывали бороду спуском воска и масла, подпускал огонь и таким образом обжигал лица их и головы; иных после многих мучений отсылал в изгнание»

Борьба с иконопочитанием растянулась почти на столетие, и прекратилась лишь в 843 году, когда по инициативе императрицы Феодоры в Константинополе был созван собор, на котором было решено восстановить почитание икон в Церкви. После того как собор осудил еретиков-иконоборцев, Феодора устроила церковное торжество, которое пришлось на первое воскресенье Великого поста. В тот день патриарх, митрополиты, игумены монастырей, священники и огромное множество мирян впервые за много десятилетий открыто вышли на улицы столицы с иконами в руках. К ним присоединилась и сама императрица Феодора. В воспоминание об этом событии ежегодно в первое воскресенье Великого поста Православная Церковь торжественно празднует восстановление иконопочитания, именуемое Торжеством Православия.

Покаянный канон Андрея Критского

С понедельника по четверг первой недели святой четыредесятницы по вечерам совершается особая служба с чтением Покаянного канона. Это одно из самых выдающихся произведений церковной гимнографии, написанное преподобным Андреем, архиепископом Критским. В общецерковном употреблении канон был известен уже в X веке.

Почему это произведение получило наименование Великого? Такое название обусловлено не только большим размером (канон делится на четыре полноценные части), но и обилием мыслей, сравнений и аллюзий из Ветхого и Нового Заветов.

Общее настроение творения отражает состояние души, которая горько оплакивает свои грехи. Этот же покаянный настрой передает повторяющийся припев: Помилуй мя, Боже, помилуй мя. В четверг пятой недели Великого поста на утрене канон Андрея Критского прочитывается полностью за один раз.

Такая служба получила название «Мариино стояние» в честь памяти преподобной Марии Египетской, которая совершается на этой седмице (неделе). Тогда же в храме читается и житие святой подвижницы, проведшей сорок лет в пустыне. Это богослужение является самой продолжительной из всех церковных служб и длится около пяти часов.

Книги

Для документов в формате doc на церковно-славянском языке используйте шрифты семейства Triodion Ucs, скачать его можно здесь — архив .rar. Распакуйте архив и установите шрифты.

Специфика великопостных Литургий

Еще одной из главных особенностей великопостных служб является то, что в будние дни в храме не служатся полные Литургии. Исключение бывает только на праздник Благовещения, если он выпадает среди недели. С чем связана такая специфика?

Дело в том, что Великий пост подразумевает некоторое ограничение человека в радостных и приятных для него вещах. И это касается не только телесных утеснений, но и душевных. Безусловно, главной духовной радостью для христианина является Евхаристия (причастие), совершаемая во время Божественной Литургии.

Полная Литургия не совершается для того, чтобы мы смогли заново оценить сей дар Бога человеку, успели «изголодаться» по ней. Однако даже здесь для верующих была сделана небольшая уступка. Еще одна особенность постовых богослужений — по средам и пятницам вместо полной совершается Литургия Преждеосвященных Даров.

Уже по названию можно понять, что на ней люди могут причаститься заранее освященных святых Тела и Крови Христовых, которые обычно заготавливают в воскресенье. Такая Литургия никогда в году больше не служится.

Литургии полным чином совершаются по выходным. Причем по воскресеньям поста, кроме Вербного, служится Литургия Василия Великого. Она совершается всего десять раз в году. От Литургии Иоанна Златоуста отличается более пространным и глубоким содержанием тайных молитв Евхаристии, читаемых священниками в алтаре.

Особые дни

В течение Великого поста есть дни, выделяющиеся особыми богослужениями, на которых христиане стремятся непременно побывать. В первую очередь это, конечно, Крестопоклонная неделя – третье воскресенье Великого поста, когда торжественно выносится на середину храма украшенный крест Христов для поклонения и укрепления постящихся христиан. Служба этого дня и накануне Всенощное бдение посвящаются воспоминанию Страданий Христовых как напоминание почти посреди поста о том, к чему мы движемся, что Страстная неделя будет венчать Великий пост. Завершение 3-й Седмицы поста – это уже и время, когда христиане устают от напряжения телесного и духовного. Поклонение Кресту укрепляет силы уставших и побуждает к постному труду успевших расслабиться и подзабыть о первоначальной ревности и тех обещаниях, которые мы давали Богу на 1-й Седмице Великого поста.

Очень ожидаемая служба — Мариино стояние, в среду вечером на 5-й Седмице Великого поста. Такое неформальное название это богослужение получило по необычной для привычного хода службы вставке чтения жития преподобной Марии Египетской. Повествование о жизни этой удивительной святой убеждает нас в том, что никакое, даже самое низкое, падение не является препятствием для покаяния в истинном смысле – решительной ненависти к ранее соделанным грехам. Мариино стояние – это еще и одна из самых продолжительных служб, поскольку на ней полностью прочитывается Великий покаянный канон преподобного Андрея Критского. Таким образом, для тех, кто упустил его на 1-й Седмице, это шанс все-таки услышать величайшее богослужебное последование христианской Церкви.

На последней шестой неделе Поста, накануне праздника Входа Господня в Иерусалим (Вербного воскресенья), совершается воспоминание воскрешения праведного Лазаря, называется этот день Лазарева суббота. Пост закончился, одежды священников на один день меняются с темных на светлые. И радость этого праздника ощущается христианами через особое чувство, которое можно было бы назвать предвкушением. Накануне Лазаревой субботы, в пятницу вечером частично поются воскресные песнопения, и хотя впереди еще главная седмица поста, Страстная, но мы уже, как когда-то древние иудеи, понимаем, Кто к нам пришел… Воскресить из мертвых четверодневного, уже смердящего покойника может только Бог. Это еще не окончательная победа над смертью, но твердое уверение в том, что последний наш враг скоро будет повержен.

После Лазаревой субботы – начало того периода церковной жизни, от Входа Господня в Иерусалим до Пасхи, который сам по себе и есть вся наша жизнь. На Страстной седмицемы переживаем все: от ликования встречи Христа в Иерусалиме до предательства, мучения и смерти Спасителя и таинственной Великой субботы. Подготовиться к этому невозможно, это нужно пережить вместе со всей Церковью. Однако в следующий раз мы все же попробуем рассказать о некоторых богослужебных особенностях Страстной седмицы.

Газета «Саратовская панорама» № 10 (938)

Поминальные службы поста

Три субботы Великого поста подряд, начиная со второй, называются родительскими поминальными субботами. В эти дни служится заупокойная Литургия Иоанна Златоуста и Великая панихида. Накануне в пятницу совершается парастас (заупокойное вечернее богослужение со чтением 17-ой кафизмы).

Это дни сугубого поминовения умерших. Такие службы мотивированы тем, что в будние дни поста не положено церковное поминание усопших, поскольку не совершается полная Божественная Литургия. Чтобы не лишить наших родных молитвы о них Церкви в эти дни, были установлены родительские поминальные субботы.

Воскресные пассии

В дни святой четыредесятницы совершается еще одно исключительное богослужение — пассия. Она служится в четыре воскресенья, со второго по пятое, в дни поста. Пассия пришла к нам оттуда же, откуда и черное облачение священства — с Запада. С латинского «пассия» переводится как «страдание».

Этой службы нет в церковном уставе, поэтому ее содержание может варьироваться в разных храмах. До нас последование пассии дошло в том виде, в котором оно было составлено в середине XVII митрополитом Петром (Могилой). По сути, данное богослужение является вечерней службой Великого поста на понедельник. При этом служится акафист Кресту или Страстям Господним.

Обязательная часть — чтение отрывка одного из Евангелий о Страстях Христовых. Отсюда и количество пассий в году — по числу четырех евангелистов. После службы обязательно произносится проповедь, к которой тщательно готовится духовенство.

Крестопоклонная неделя

Среди других особенностей богослужений нельзя не упомянуть о третьем воскресенье данного поста. На всенощном бдении сего дня верующим выносится Крест для поклонения. При этом поется песнопение:

Кресту Твоему поклоняемся, Владыко, и святое воскресение Твое славим.

Конец третьей недели знаменует середину Великого Поста, половина пути пройдена. Крест выносится верующим для укрепления сил постящихся, чтобы легче было пройти остаток пути. Кроме того, эта традиция имеет свои корни в Византии.

Как известно, раньше крещение там принимали исключительно в Великую Субботу, перед Пасхой. Для подкрепления сил катехуменов (готовящихся ко крещению) в середине поста как раз и выносился Крест. Он остается в храме вплоть до пятницы, посему четвертая седмица называется еще «крестопоклонной».

«Похвала Пресвятой Богородицы»

Совершенно отдельно от всех служб стоит так называемая «Суббота акафиста», или «Похвала Пресвятой Богородицы». Она совершается на пятой седмице святой четыредесятницы. На утрене читается акафист Богородице «Радуйся, Невесто невестная».

Это первый и единственный, положенный уставом Церкви, акафист. Он был написан в честь защиты Пресвятой Богородицей Константинополя от нашествия иноплеменников в 626 году. Для совершения службы священники в этот день выходят на середину храма. Акафист читается по частям, за четыре раза. После каждой части поется кондак (небольшое песнопение) «Взбранной Воеводе» и кадится храм.

По своей нетипичной для поста праздничности «Суббота Акафиста» схожа с Благовещением. И только в честь Пресвятой Богородицы делаются в Великий пост два таких больших исключения.

Как видим, постовые службы имеют огромную смысловую нагрузку и разнообразие. На последней, Страстной неделе они еще более духовно насыщены. Об этом следует говорить отдельно. Однако есть смысл по возможности не пропустить ни одного из важнейших богослужений в посту, ведь больше они в этом году не повторятся.

Пятница 1-ой седмицы, утро. Избранные службы Триоди Постной — богослужения Великого поста.

В ПЯТОК ПЕРВЫЯ СЕДМИЦЫ, НА УТРЕНИ

Троичны. По первом стихословии глаголем седальны Крестныя Осмогласника, и Богородичен.

По 2-м же стихословии седален господина Иосифа, глас 2. Подобен: Благообра́зный Ио́сиф:

Страстьми́ Твои́ми безстра́стие всем дая́й, Человеколю́бче, / стра́сти пло́ти моея́ умертви́в Кресто́м Боже́ственным, / сподо́би ви́дети и свято́е Воскресе́ние Твое́, Го́споди.

Слава, тойже:

И ныне, Крестобогородичен: Честны́м Кресто́м Сы́на Твоего́ сохраня́еми, / Влады́чице Чи́стая Богоро́дице, / вся́кий прило́г борца́, вси удо́бь побежда́ем, / те́мже Тя по до́лгу при́сно ублажа́ем, / я́ко Ма́терь Бо́жию, / и еди́ну наде́жду душ на́ших.

По 3-м же стихословии седален господина Феодора, глас 2. Подобен: Милосе́рдия су́щи:

Чистоты́ сый исто́чник, / посто́м соблюди́ нас, Ми́лостиве, / при́зри на ны Тебе́ припа́дающия, / вонми́ воздея́нию рук на́ших, / простры́й дла́ни Твои́ на Дре́ве / распина́емь о всех земноро́дных, / безпло́тных, еди́не Го́споди.

Слава, тойже.

И ныне, Крестобогородичен. Подобен: Де́ва и Ма́ти Твоя́, Христе́, / на Дре́ве зря́ще Тя ме́ртва просте́рта, / пла́чущи го́рце: Сы́не Мой, – глаго́лаше, / – что стра́шное сие́ та́инство? / Всем да́руяй жизнь ве́чную, / во́лею на Кресте́ ка́ко умира́еши / сме́ртию поно́сною?

Канон в Минеи на 6. И трипеснцы по чину их. Стихословим и пятую песнь обычно, глас 2. Песнь 5.

Ирмос: Просвеще́ние во тьме лежа́щих, / спасе́ние отча́янных, Христе́, Спа́се мой, / к Тебе́ у́тренюю, Царю́ ми́ра, / просвети́ мя сия́нием Твои́м, / ино́го бо, ра́зве Тебе́, бо́га не зна́ю.

Во мне зря грех, льстивому́дрый, / спеши́тся и соде́йствует греху́: / ра́дуется бо вои́стинну о мое́й поги́бели, / но Ты ми даждь исправле́ние, Спа́се, / во о́наго убие́ние, молю́ся.

Нача́ла победи́вый тьмы, на Кресте́ Твое́м, / сих изми́ мя злодея́ния, па́дшаго во глубину́ греха́, / и в я́му безме́стных дея́ний, / Твое́ю же ми́лостию спасти́ся упова́юща.

Умертви́выйся на Кресте́ просте́рт, / умерщвле́нную грехо́м оживи́ ду́шу мою́, / и честно́е Твое́ Воскресе́ние дости́гнути, / в ми́ре, Христе́, сподо́би, / де́лающа усе́рдно Твоя́ оправда́ния.

Богородичен: Просвеще́ние моея́ не́мощи, / спасе́ние омраче́нныя души́ моея́, Чи́стая, / спаси́ мя, спаси́ погиба́юща, Отрокови́це, / и в ри́зу нетле́ния мя облецы́, / истле́вшаго лю́тыми прегреше́ньми.

Иный, глас тойже.

Ирмос: Нощи́ преше́дшей:

Ты на ме́сте ло́бнем / пло́тию распя́тися изво́лил еси́, еди́не Безсме́ртне, / челове́ческий род обезсме́ртствуя, и возобража́я, Го́споди.

Стра́сти Твоея́ доса́ду, тварь зря́щи / вся пременя́шеся, Го́споди, / иуде́йскаго рыда́ющи уби́йства, / но претерпе́л еси́ спасти́ вся́ческая.

Слава, Троичен: О Тро́ице Всесвята́я! / Ты на́ше служе́ние, / Ты и прибе́жище и держа́ва, / в Естестве́ еди́ном Тя воспева́ющим, / очище́ние прегреше́ний низпосли́.

И ныне, Богородичен: Многоимени́тая Отрокови́це, ра́дуйся, Богоро́дице, / ковче́же, и ста́мно и трапе́зо, / светоно́сный све́щниче, огнезра́чная купино́, / горо́ Бо́жия присе́нная.

Сла́ва Тебе́, Бо́же наш, сла́ва Тебе́.

Ми́ру и су́щим в ми́ре ра́доватися прире́кшии, / ны́не я́ко Христу́ сраспина́еми, / претерпи́м доса́ду, руга́ние, / и друга́я, да с Ним просла́вимся.

Ирмос: Нощи́ преше́дшей, прибли́жися день, / и Свет ми́ру возсия́, / сего́ ра́ди хва́лят Тя А́нгельстии чи́ни, / и славосло́вят Тя вся́ческая.

Песнь 8.

Ирмос: В пещь о́гненную ко отроко́м евре́йским снизше́дшаго, / и пла́мень в ро́су прело́жшаго Бо́га, / по́йте, дела́, я́ко Го́спода, / и превозноси́те во вся ве́ки.

Смири́вый Себе́, возне́слся еси́ за благоутро́бие на Крест, / возвыша́яй па́дшаго сне́дию дре́ва иногда́, / те́мже Тя, еди́не Преблаги́й, / просла́вленнаго пое́м во ве́ки.

Невнима́ния дрема́нием греха́ тя́жкий подъя́х сон, / но Ты усну́вый на Кресте́ мене́ ра́ди, Христе́ мой, / воздви́гни мя па́дшаго, / да мя не прии́мет нощь сме́ртная.

Ослепи́вся сластьми́, обношу́ ду́шу омраче́нную, / и смее́тся зря мя льстивому́дрый враг, / те́мже мя просвети́, и изба́ви сего́ зло́бы, Христе́, во ве́ки.

Богородичен: В ле́ности жизнь ижди́в, / дрема́нием греха́ ду́шу отягчи́х, / неусы́пной же Твое́й моли́тве притека́ю, / не даждь мне в сме́рти, Де́во Пречи́стая, усну́ти.

Иный.

Ирмос: В купине́ Моисе́ю:

Те́рнием венча́вся, и во оде́жду от порфи́ры обо́лкся, / яви́лся еси́ красне́йший, Христе́, добро́тою / па́че всех сыно́в челове́ческих, сла́вою облистава́я.

Желчь и о́цет пия́, / две струи́ пролива́еши, живота́ и нетле́ния, / из Боже́ственных Твои́х ребр, ве́рою Тя пою́щим, / и славосло́вящим, Христе́, во вся ве́ки.

Благослови́м Отца́ и Сы́на и Свята́го Ду́ха, Го́спода.

Троичен: Божество́ еди́но Тро́ице, / нераздели́мое Естество́, разде́льная же Ли́цы, / неги́блющая держа́во, О́тче, Сы́не и Ду́ше, / Тя песносло́вим во вся ве́ки.

И ны́не и при́сно и во ве́ки веко́в, ами́нь.

Богородичен: Богороди́тельнице Чи́стая, / небе́сная две́ре, спаси́тельная врата́, / всех христиа́н моле́ние приими́, / Тебе́ блажа́щих во вся ве́ки.

Сла́ва Тебе́, Бо́же наш, сла́ва Тебе́.

Кре́сте ски́птре Христо́в, Це́ркве ро́ге, / царе́й побе́до, храни́телю христиа́н, / ты еси́ просвеще́ние мое́, / ты и похвала́ моя́ во вся ве́ки.

Хва́лим, благослови́м, покланя́емся Го́сподеви, пою́ще и превознося́ще во вся ве́ки.

Ирмос: В купине́ Моисе́ю, Де́вы чу́до, / на Сина́йстей горе́ Прообрази́вшаго иногда́, / по́йте, благослови́те / и превозноси́те во вся ве́ки.

Песнь 9.

Ирмос: Я́же пре́жде Со́лнца Свети́льника Бо́га возсия́вшаго, / пло́тски к нам прише́дшаго, / из боку́ Деви́чу неизрече́нно воплоти́вшая, / Благослове́нная Всечи́стая, / Тя, Богоро́дице, велича́ем.

Прокаже́нную ду́шу мою́ безме́стными помышле́нии, / окропле́нием кро́ве Твоея́ очи́сти, Бо́жий Сло́ве, / и о́бщника мя сла́вы Твоея́ сотвори́, / мене́ ра́ди безсла́вное претерпе́вый, Христе́, распя́тие.

Весь сляко́хся тягото́ю безме́стных, Христе́, дея́ний, / и се́туя зову́ Ти, Человеколю́бче: / души́ моея́ неисце́льныя я́звы / исцели́ Твое́ю честно́ю кро́вию, / да пою́ Твое́ Божество́.

Снедь зло́бу, и питие́ небреже́ние творя́, / по всему́ пребыва́ю неиспра́влен, / сне́дей оша́янием безвре́менно ра́дуюся, / не сицево́му бо посту́ рече́ Госпо́дь бы́ти.

Богородичен: Лю́таго дре́вняго отрече́ния губи́тельницу, / и прама́тере исправле́ние, / ро́да к Бо́гу вину́ присвое́ния, / к Зижди́телю мост, / Тя Богоро́дице велича́ем.

Иный.

Ирмос: Чи́стую и Пречи́стую:

На Дре́ве распе́ншуся Ти тварь колеба́шеся, / Бог сый пострада́л еси́ пло́тски, / за благоутро́бие щедро́т, да спасе́ши нас.

Креста́ Твоего́, Го́споди, си́ла вели́кая, / и́бо образу́юще сего́ в себе́, / а́бие де́монов кре́пость отража́ем.

Слава, Троичен: Еди́нице Триипоста́сная, Тро́ице еди́нственная, / господонача́лие, Естество́ равносла́вное, / О́тче, Сы́не, и Боже́ственный Ду́ше, / спаси́ всех нас.

И ныне, Богородичен: Ра́дуйся очисти́лище ми́ру, Богоро́дице, / в не́же притека́юще вси гре́шнии, / к Бо́гу примире́ние при́сно обрета́ем.

Сла́ва Тебе́, Бо́же наш, сла́ва Тебе́.

Креста́ Твоего́, Го́споди, / Боже́ственным могу́тством укрепи́ мя, / непоро́чное и чи́стое вре́мя поста́, Тебе́ приноси́ти.

Ирмос: Чи́стую и Пречи́стую / Ма́терь и Де́ву / пе́сньми пе́сней, вси ве́рнии, / благоче́стно, я́ко Богоро́дицу, велича́ем.

Светилен гласа.

На стиховне самогласен дне, дважды, глас 8:

По́стное завеща́ние ра́достно восприи́мем, / а́ще бо бы сие́ пра́отец сохрани́л, / Еде́мскаго отпаде́ния не прия́ли бы́хом. / Кра́сный бе в виде́ние, и до́брый в снедь, / умори́вый мене́ плод, / да не восхи́тимся ве́ждами, / ни да услади́тся на́ша горта́нь почита́емыми бра́шны, / по прия́тии же безче́ствуемыми. / Бежи́м невоздержа́ния, / и по насыще́нии страсте́м не покори́мся. / Назна́менаимся кро́вию, / о нас веде́наго на смерть во́лею, / и не ко́снется нас губи́тель, / и сне́мы Па́сху Христо́ву свяще́ннейшую, / во спасе́ние душ на́ших.

Мученичен: Что вы нарече́м святи́и? / Херуви́мы ли, я́ко на вас почи́л есть Христо́с. / Серафи́мы ли, я́ко непреста́нно просла́висте Его́. / А́нгелы ли, те́ла бо отврати́стеся. / Си́лы ли, де́йствуете бо чудесы́. / Мно́гая ва́ша имена́, и бо́льшая дарова́ния, / моли́те спасти́ся душа́м на́шим.

Слава, и ныне, Крестобогородичен, глас тойже. Подобен: О пресла́внаго чудесе́!

Я́ко ви́де Тя распина́ема на ло́бнем, Спа́се, / изменя́шеся вся тварь, / и содрога́шеся дви́жущеся не терпя́щи. / Де́ва же Чи́стая и Ма́ти Твоя́, / рыда́ющи Тебе́ вопия́ше: / увы́ мне, о Ча́до Мое́, Спа́се Мой сладча́йший, / что но́вое сие́ и пресла́вное и стра́нное виде́ние?

Бла́го есть: и прочее последование. Час 1-й без стихословия: такожде и в прочия пятки святыя великия 40-цы.

НА 6-М ЧАСЕ

Тропарь, глас 5:

Многогрехо́вное на́ше житие́, / и непокая́нный нрав / щедро́тами предвари́, Го́споди, / ра́зве бо Тебе́ ино́го не ве́мы, / живото́м и сме́ртию влады́чествующа, / спаси́ я́ко Человеколю́бец.

Сла́ва, и ны́не: и повторяем тойжде.

Прокимен, псалом 17, глас 7: Возлюблю́ Тя, Го́споди, кре́посте моя́, / Госпо́дь утвержде́ние мое́. Стих: Бог мой, помо́щник мой.

Пророчества Исаиина чтение. [Глава 3, ст. 1 – 14.]

Се Влады́ка Госпо́дь Савао́ф оты́мет от Иерусали́ма и от Иуде́и кре́пкаго, и кре́пкую, кре́пость хле́ба, и кре́пость воды́. Исполи́на, и кре́пкаго, и челове́ка ра́тника, и судию́, и проро́ка, и смотрели́ваго, и ста́рца. И пятьдесятонача́льннка, и ди́внаго сове́тника, и прему́драго архите́ктона, и разу́мнаго послу́шателя. И поста́влю ю́ноши кня́зи их, и руга́тели госпо́дствовати бу́дут и́ми. И напада́ти и́мут лю́дие, челове́к на челове́ка, и челове́к на бли́жняго своего́: прирази́тся отроча́ к ста́рцу, и безче́стный к честно́му. Я́ко и́мется челове́к бра́та своего́, или́ дома́шняго отца́ своего́, глаго́ля: ри́зу и́маши, началово́ждь нам бу́ди, и бра́шно мое́ под тобо́ю да бу́дет. И отвеща́в в день о́ный рече́т: не бу́ду твой началово́ждь, несть бо в дому́ мое́м ни хле́ба, ни ри́зы: не бу́ду началово́ждь лю́дем сим. Я́ко оста́влен бысть Иерусали́м и Иуде́я паде́, и язы́к их со беззако́нием, не покаря́ются Го́сподеви. Сего ра́ди ны́не смири́ся сла́ва их, и студ лица́ их проти́ву ста им: грех же свой я́ко Содо́мский возвести́ша, и яви́ша. Го́ре души́ их, зане́ умы́слиша сове́т лука́вый на себе́ сами́х. Ре́кше: свя́жем пра́веднаго, я́ко непотре́бен нам есть: у́бо плоды́ дел свои́х снедя́т. Го́ре беззако́нному, лука́вая бо приключа́тся ему́ по дело́м рук его́. Лю́дие мои́, приста́вницы ва́ши пожина́ют вас, и истяза́ющии облада́ют ва́ми: лю́дие мои́, блажа́щии вас льстят вы, и стези́ ног ва́ших возмуща́ют. Но ны́не устро́ится Госпо́дь на суд, и поста́вит на суд лю́ди Своя́. Сам Госпо́дь на суд прии́дет со старе́йшины люде́й, и с кня́зи их.

Прокимен, псалом 18, глас 6: Го́споди, Помо́щниче мой, / и Изба́вителю мой. Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Ведомо да есть, я́ко последование Минеи прилучившагося святаго в субботу и в Неделю поется на Повечерии, или егда хощет екклисиарх.

В ПЯТОК ВЕЧЕРА

Во светильничное, по обычном стихословии, на Го́споди воззва́х, поставим стихов 10, и поем стихиры, самогласен дне, дважды, глас 5:

Прииди́те ве́рнии, / де́лаим во све́те дела́ Бо́жия, / я́ко во дни благообра́зно хо́дим, / вся́кое непра́ведное списа́ние от себе́ бли́жняго оты́мем, / не полага́юще претыка́ния сему́ в собла́зн. / Оста́вим пло́ти сладостра́стие, / возрасти́м ду́ши дарова́ния, / дади́м тре́бующим хлеб, / и присту́пим Христу́ в покая́нии вопию́ще: / Бо́же наш, поми́луй нас.

Таже поем и четыре мученичны Октоиха, прилучившагося гласа.

Таже самогласны 4, святаго Феодора. Глас 2:

Прииди́те, мучениколю́бцы вси, / духо́вно возвесели́мся, и торжеству́им, / днесь бо предлага́ет трапе́зу та́йную му́ченик Фео́дор, / веселя́щую празднолю́бцев нас, е́же вопи́ти к нему́: / ра́дуйся страстоте́рпче непобеди́мый, / преще́ния мучи́телей на земли́ разори́вый. / Ра́дуйся, бре́нное твое́ те́ло за Христа́ Бо́га отда́вый му́кам. / Ра́дуйся, в разли́чных беда́х, иску́сный во́ин яви́выйся небе́снаго во́инства. / Те́мже мо́лим тя му́чеников украше́ние, / моли́ся о душа́х на́ших.

Богодарова́нную благода́ть чуде́с твои́х, му́чениче Фео́доре, / всем простира́еши, ве́рою к тебе́ притека́ющим, / е́юже хва́лим тя, глаго́люще: / плене́нныя избавля́еши, исцеля́еши боля́щия, / ни́щия обогаща́еши, и спаса́еши пла́вающия, / су́етное тече́ние удержава́еши рабо́в, / и тщеты́ явле́ние твори́ши украда́ющим, страда́льче, / и во́ины наказу́еши восхище́ния огреба́тися, / младе́нцем да́руеши ми́лостивно проше́ния, / те́плый обрета́ешися предста́тель творя́щим твою́ свяще́нную па́мять. / С ни́миже и нас, страда́льче свяще́ннейший, / воспева́ющим твое́ мучение, / проси́ у Христа́ ве́лию ми́лость.

Дар Бо́жий превы́шший показа́лся еси́, му́чениче Фео́доре, / зане́ и по кончи́не я́ко жив / притека́ющим дае́ши проше́ния. / Те́мже сы́ну восхище́нну жены́ иногда́, / плене́нну инове́рными во́ины, / предста́вши вдови́ца слеза́ми храм твой моча́ше, / ты же я́ко ми́лостив на коне́ бе́лом наше́д, / сея́ о́трока предста́вил еси́ неви́димо: / и по сем и с сим де́йствуяй чудесы́, не преста́л еси́. / Но моли́ Христа́ Бо́га, спасти́ся душа́м на́шим.

Боже́ственных даро́в тезоимени́та тя чту, треблаже́нне Фео́доре, / све́та бо Боже́ственнаго незаходи́мое свети́ло явле́йся, / уясни́л еси́ страда́ньми твои́ми всю тварь, / и огня́ си́льнейший яви́вся, пла́мень угаси́л еси́, / и льсти́ваго зми́я главу́ сокруши́л еси́. / Те́мже во страда́ниих твои́х Христо́с приклони́вся, / венча́ боже́ственную главу́ твою́, великому́чениче страда́льче, / я́ко име́яй дерзнове́ние к Бо́гу, / приле́жно моли́ся о душа́х на́ших.

Слава, глас 6: Сосу́да употреби́в враг соотсту́пника мучи́теля, / умышле́нием лю́тым, / посто́м очища́ющияся лю́ди благочести́выя, / от скве́рных жертв, оскверне́нными бра́шны окуша́шеся оскверни́ти, / но ты о́наго ухищре́ние мудре́йшим разруши́л еси́ умышле́нием, / во сне предста́л еси́ тогда́шнему архиере́ю, / и глубо́кое ра́зума открыва́я, / и безме́стное начина́ние явля́я, / и тебе́ у́бо благода́рственная принося́ще, Спа́са напису́ем, / ле́тное воспомина́ние бы́вшаго чудесе́ творя́ще: / и про́чее моля́щеся, / от умышле́ний лука́ваго невреди́мым спасти́ся, / к Бо́гу твои́ми моли́твами, му́чениче Фео́доре.

И ныне, Богородичен гласа. Вход без Евангелия. Све́те ти́хий:

Прокимен, псалом 19, глас 5: Услы́шит тя Госпо́дь / в день печа́ли. Стих: Защи́тит тя и́мя Бо́га Иа́ковля.

Бытия чтение. [Глава 2, ст. 20 – 25. Глава 3, ст. 1 – 20.]

Нарече́ Ада́м имена́ всем ското́м, и всем пти́цам небе́сным, и всем звере́м земны́м, Ада́му же не обре́теся помо́щник подо́бный ему́. И наложи́ Бог изступле́ние на Ада́ма, и у́спе: и взя еди́но от ребр его́, и испо́лни пло́тию вме́сто его́. И созда́ Госпо́дь Бог ребро́, е́же взя от Ада́ма, в жену́, и приведе́ ю ко Ада́му. И рече́ Ада́м: се ны́не кость от косте́й мои́х, и плоть от пло́ти моея́: сия́ нарече́тся жена́, я́ко от му́жа своего́ взята́ бысть сия́. Сего́ ра́ди оста́вит челове́к отца́ своего́ и ма́терь, и прилепи́тся к жене́ свое́й, и бу́дета два в плоть еди́ну. И бе́ста о́ба на́га, Ада́м же и жена́ его́, и не стыдя́стася. Змий же бе мудре́йший всех звере́й су́щих на земли́, и́хже сотвори́ Госпо́дь Бог. И рече́ змий жене́: что я́ко рече́ Бог: да не я́сте от вся́каго дре́ва ра́йскаго? И рече́ жена́ зми́ю: от вся́каго дре́ва ра́йскаго я́сти бу́дем. От плода́ же дре́ва, е́же есть посреде́ рая́, рече́ Бог, да не я́сте от него́, ниже́ прикосне́теся ему́, да не у́мрете. И рече́ змий жене́: не сме́ртию у́мрете. Ве́дяше бо Бог, я́ко во́ньже а́ще день сне́сте от него́, отве́рзутся о́чи ва́ши, и бу́дете я́ко бо́зи, ве́дяще до́брое и лука́вое. И ви́де жена́, я́ко добро́ дре́во в снедь, и я́ко уго́дно очи́ма ви́дети, и красно́ есть, е́же разуме́ти: и взе́мши от плода́ его́, яде́: и даде́ му́жу своему́ с собо́ю, и ядо́ста. И отверзо́шася о́чи обе́ма, и разуме́ша, я́ко на́зи бе́ша, и сши́ста ли́ствие смоко́вное, и сотвори́ста себе́ препоя́сания. И услы́шаста глас Го́спода Бо́га, ходя́ща в раи́ по полу́дни: и скры́стася Ада́м же и жена́ его́ от лица́ Го́спода Бо́га посреде́ дре́ва ра́йскаго. И призва́ Госпо́дь Бог Ада́ма, и рече́ ему́: Ада́ме, где еси́? И рече́ Ему́: глас слы́шах Тебе́ ходя́ща в раи́, и убоя́хся, я́ко наг есмь, и скры́хся. И рече́ ему́ Бог: кто возвести́ тебе́, я́ко наг еси́, а́ще не бы от дре́ва, его́же запове́дах тебе́, сего́ еди́наго не я́сти, от него́ ял еси́? И рече́ Ада́м: жена́, ю́же дал еси́ со мно́ю, та ми даде́ от дре́ва, и ядо́х. И рече́ Госпо́дь Бог жене́: что сие́ сотвори́ла еси́? И рече́ жена́: змий прельсти́ мя, и ядо́х. И рече́ Госпо́дь Бог зми́ю: я́ко сотвори́л еси́ сие́, про́клят ты от всех ското́в, и от всех звере́й земны́х: на пе́рсех твои́х и чре́ве ходи́ти бу́деши, и зе́млю сне́си вся дни живота́ твоего́. И вражду́ положу́ между́ тобо́ю, и между́ жено́ю, и между́ се́менем твои́м, и между́ се́менем тоя́: той твою́ блюсти́ бу́дет главу́, и ты блюсти́ бу́деши его́ пя́ту. И жене́ рече́: умножа́я умно́жу печа́ли твоя́, и воздыха́ния твоя́, в боле́знех роди́ши ча́да, и к му́жу твоему́ обраще́ние твое́, и той тобо́ю облада́ти бу́дет. И Ада́му рече́: я́ко послу́шал еси́ гла́са жены́ твоея́, и ял еси́ от дре́ва, его́же запове́дах тебе́ сего́ еди́наго не я́сти, от него́ ял еси́: проклята́ земля́ в де́лех твои́х, в печа́лех сне́си ту́ю вся дни живота́ твоего́. Те́рния и волчцы́ возрасти́т тебе́, и сне́си траву́ се́льную. В по́те ли́ца твоего́ сне́си хлеб твой, до́ндеже возврати́шися в зе́млю, от нея́же взят еси́: я́ко земля́ еси́, и в зе́млю оты́деши. И нарече́ Ада́м и́мя жене́ свое́й Жизнь, я́ко та ма́ти всех живу́щих.

Прокимен, псалом 20, глас 6: Вознеси́ся Го́споди, си́лою Твое́ю, / воспое́м и пое́м си́лы Твоя́. Стих: Го́споди, си́лою Твое́ю возвесели́тся царь.

Притчей чтение. [Глава 3, ст. 19 – 34.]

Бог прему́дростию основа́ зе́млю, угото́ва же небеса́ ра́зумом. В чу́встве Его́ бе́здны разверзо́шася, о́блацы же источи́ша ро́су. Сы́не да не премине́ши, соблюди́ же мой сове́т, и мысль. Да жива́ бу́дет душа́ твоя́, и благода́ть бу́дет на твое́й вы́и: [бу́дет же исцеле́ние пло́тем твои́м, и уврачева́ние косте́м твои́м:] Да хо́диши наде́яся в ми́ре во всех путе́х твои́х, нога́ же твоя́ не по́ткнется. А́ще бо ся́деши, безбоя́знен бу́деши, а́ще же поспи́ши сла́достно поспи́ши. И не убои́шися стра́ха наше́дшаго, ниже́ устремле́ния нечести́вых находя́щаго. Госпо́дь бо бу́дет на всех путе́х твои́х, и утверди́т но́гу твою́, да не поползне́шися. Не отрецы́ся благотвори́ти тре́бующему, егда́ и́мать рука́ твоя́ помога́ти. Не рцы: отше́д возврати́ся, и зау́тра дам, си́льну ти су́щу благотвори́ти: не ве́си бо что породи́т находя́щий день. Не соплета́й на дру́га твоего́ зла, прише́льца су́ща и упова́юща на тя. Не вражду́й на челове́ка ту́не, да не что на тя соде́ет зло́е. Не стяжи́ злых муже́й поноше́ния, не возревну́й путе́м их. Нечи́ст бо пред Го́сподем всяк законопресту́пник и с пра́ведными не сочетава́ется. Кля́тва Госпо́дня в доме́х нечести́вых: дворы́ же пра́ведных благословля́ются. Госпо́дь го́рдым проти́вится: смире́нным же дае́т благода́ть.

Таже, Да испра́вится моли́тва моя́:

И прочее последование преждесвященных.

По заамвонной молитве

Поем настоящий молебный канон святаго Феодора. Предложши же коливо, глаголем псалом 142: Го́споди, услы́ши моли́тву мою́: Таже, Бог Госпо́дь, и яви́ся нам:

И абие тропарь, глас 2:

Ве́лия ве́ры исправле́ния, / во исто́чнице пла́мене, я́ко на воде́ упокое́ния, / святы́й му́ченик Фео́дор ра́довашеся: / огне́м бо всесожже́гся, / я́ко хлеб сла́дкий Тро́ице принесе́ся. / Того́ моли́твами, Христе́ Бо́же, / спаси́ ду́ши на́ша.

Слава, тойже.

И ныне, Богородичен: Вся па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной, и де́вству храни́му, / Ма́ти позна́лася еси́ нело́жна / Бо́га ро́ждши и́стиннаго. / Того́ моли́ спасти́ся душа́м на́шим.

И абие псалом 50.

Таже настоящий канон, глас 8. Творение Иоанна Дамаскина, егоже краестрочие: Бо́жиих тя пою́ даро́в тезоимени́те. Песнь 1.

Ирмос: Во́ду проше́д я́ко су́шу, / и еги́петскаго зла избежа́в, / изра́ильтянин вопия́ше: / Изба́вителю и Бо́гу на́шему пои́м.

Бо́жия тя рачи́теля, Фео́доре, ве́дый / и любо́вию неизбе́жною твое́ю запе́нся, / ду́шу же и те́ло, и словеса́ похва́л возлага́ю.

Писа́шеся повеле́ние богоме́рзкое, / же́ртву и́долом, а не Живо́му Бо́гу приноси́ти, / но приведе́н был еси́, не пожря́й страстоте́рпче, / Бо́гу же имы́й приведе́н бы́ти.

Слава: Раче́нием Боже́ственным пригвожде́н, Бо́га Вы́шняго / Сы́ну Единоро́дному, Фео́доре му́чениче вво́инился еси́, / и по́честей не погреши́л еси́.

И ныне, Богородичен: Чи́ни Тя а́нгелов и челове́ков Безневе́стная Ма́ти / восхваля́ют непреста́нно: / Соде́теля бо сих, я́ко Младе́нца / во объя́тиих Твои́х носи́ла еси́.

Песнь 3.

Ирмос: Ты еси́ утвержде́ние притека́ющих к Тебе́, Го́споди, / Ты еси́ свет омраче́нных, / и пое́т Тя дух мой.

Пе́ние из усте́н мои́х, / и из боле́зненныя души́ мольбу́ приношу́, / ю́же уще́дри, страстоте́рпче Фео́доре.

Плоть покори́л еси́ Самоде́ржцу, сла́вне му́чениче, уму́, / и обои́ми угожда́еши Созда́вшему.

Слава: Стал еси́ на суди́щи мучи́тельском, / Христа́ Царя́ богосло́вя, / жре́ти бо скве́рным отре́клся еси́, Фео́доре.

И ныне, Богородичен: Тя вси стяжа́хом прибе́жище и сте́ну при́сно христиа́не; / Тя славосло́вим немо́лчно, Безневе́стная.

Песнь 4.

Ирмос: Услы́шах, Го́споди, / смотре́ния Твоего́ та́инство, / разуме́х дела́ Твоя́ / и просла́вих Твое́ Божество́.

Та́ин Боже́ственных вкуси́в, в ра́зуме, му́чениче Фео́доре, / непосты́дную про́поведь Бо́жия рожде́ния испове́дал еси́.

Стра́стное божество́ непщева́ху, страсте́м служа́щии, / и́хже ду́хом изобличи́л еси́, / страда́льче Фео́доре, просвеща́емь.

Слава: Изба́вителя моли́твою, тебе́ воспева́ющим, блаже́нне Фео́доре, / от разли́чных обстоя́ний и страсте́й бы́ти мо́лим.

И ныне, Богородичен: Клас возрасти́вшая животворя́щий, неора́нная ни́во, / подаю́щий ми́рови жизнь, Богоро́дице, / спаси́ пою́щия Тя.

Песнь 5.

Ирмос: У́тренююще вопие́м Ти, / Го́споди, спаси́ ны, / Ты бо еси́ Бог наш, / ра́зве Тебе́ ино́го не ве́мы.

Люби́те возлюби́вшаго Го́спода, / возглаша́л еси́ страда́льче Фео́доре, / стра́ждущим с тобо́ю му́чеником.

Я́ко ре́вностию страстоте́рпче разжиза́яся се́рдцем, / боги́ню лжеимени́тую с тре́бищем попали́л еси́.

Слава: Си́лою непобеди́мою, Фео́доре страстоте́рпче, / ва́рварскую де́рзость, / и моя́ стра́сти погуби́.

И ныне, Богородичен: Де́ву по рождестве́ пое́м Тя, Богоро́дице, / Ты бо Бо́га Сло́ва пло́тию ми́рови родила́ еси́.

Песнь 6.

Ирмос: Очи́сти мя, Спа́се, / мно́га бо беззако́ния моя́, / и из глубины́ зол возведи́, молю́ся, / к Тебе́ бо возопи́х, / и услы́ши мя, / Бо́же спасе́ния моего́.

Коль сла́бое, коль немощно́е, бого́в су́етных шата́ние! / На отмще́ние свое́, челове́ком моля́шеся в стоя́нии побежда́емое, / нело́жных му́чеников пропове́дающих и́стину. [Дважды.]

Слава: Укрепи́вся си́лою Бо́жиею, му́чеников сла́во Фео́доре, / му́ки злочести́вых, младе́нец стреля́ния зрел еси́ блаже́нне, / ве́чнующее бу́дущих предзря́.

И ныне, Богородичен: Да изба́вимся от лю́тых прегреше́ний / моли́твами Твои́ми, Богороди́тельнице Чи́стая, / и да улучи́м Всечи́стая Боже́ственнаго осия́ния, / из Тебе́ неизрече́нно воплоти́вшагося Сы́на Бо́жия.

Кондак, глас 8:

Ве́ру Христо́ву я́ко щит внутрь прии́м в се́рдцы твое́м, / проти́вныя си́лы попра́л еси́, многострада́льче, / и венце́м небе́сным венча́лся еси́ ве́чно, Фео́доре, я́ко непобеди́мый.

Песнь 7.

Ирмос: От Иуде́и доше́дше, о́троцы / в Вавило́не иногда́ / ве́рою Тро́ическою пла́мень пе́щный попра́ша, пою́ще: / отце́в Бо́же, благослове́н еси́.

Ура́нен был еси́ те́лом, / за ура́неннаго Сло́ва пло́тию нас ра́ди, / и Сему́ благода́рственно веселя́ся возопи́л еси́, страстоте́рпче Фео́доре: / оте́ц на́ших Бо́же благослове́н еси́.

Я́ко во гро́бе положи́ся, и во́лею запечатле́ся Изба́вителю всех, в темни́це запечатле́нной / всели́лся еси́ вопия́, страстоте́рпче Фео́доре: / оте́ц на́ших Бо́же благослове́н еси́.

Умерщвле́н быв, и стра́сти плотски́я произволе́нием оттря́с, / не сне́дию, страстоте́рпче, но любо́вию Боже́ственною пита́яся пел еси́: / оте́ц на́ших Бо́же благослове́н еси́.

Слава: В темни́це страстоте́рпче, я́коже в пещи́ ю́ноши иногда́, / Еди́н нетле́нныя Тро́ицы тебе́ укрепля́ет, ви́ден быв, вопию́ща: / оте́ц на́ших Бо́же благослове́н еси́.

И ныне, Богородичен: На́ше спасе́ние, я́коже восхоте́л еси́, Спа́се, устро́ити, / во утро́бу Де́вы всели́лся еси́, / Ю́же ми́ру предста́тельницу показа́л еси́, / оте́ц на́ших Бо́же благослове́н еси́.

Песнь 8.

Ирмос: Седмери́цею пещь халде́йский мучи́тель / Богочести́вым неи́стовно ражже́, / си́лою же лу́чшею спасе́ны сия́ ви́дев, / Творцу́ и Изба́вителю вопия́ше: / о́троцы, благослови́те, / свяще́нницы, воспо́йте, / лю́дие, превозноси́те во вся ве́ки.

Ослепле́н умо́м, беззако́нных нача́льник, / богочести́ву тебе́ нечести́вно претя́ше: / что всу́е на челове́ка ну́ждею уме́рша, безу́мне, возложи́л еси́ наде́жду? / Но ты возопи́л еси́: / о́троцы, благослови́те, свяще́нницы, воспо́йте, / лю́дие, превозноси́те во вся ве́ки.

Я́ко смы́сленный и прему́дрый строи́тель благода́ти, / да́нною тебе́ от Бо́га благода́тию, / возопи́л еси́, Фео́доре, повелева́ющему нечести́вно: / сей студ мне и пою́щим бу́ди. / О́троцы благослови́те, свяще́нницы, воспо́йте, / лю́дие, превозноси́те во вся ве́ки.

Слава: Ю́ношески подвиза́лся еси́, де́рзостно изобличи́л еси́: / что безу́мствуеши, – мучи́телю взыва́л еси́, / – повелева́я тва́рем служи́ти ло́жно, оста́вльшим Созда́вшаго? / Но аз воспева́ю: о́троцы, благослови́те, свяще́нницы, воспо́йте, / лю́дие, превозноси́те во вся ве́ки.

И ныне, Богородичен: Плотски́ми изображе́ньми, и разли́чными гана́нии, / и знамена́тельными и образи́тельными изрече́ньми, / Твое́ предвеща́ху богоглаго́ливии Рождество́, / преесте́ственное и чу́дное, Де́во, / те́мже Тя веселя́щеся благоче́стно восхва́ляем, / Христа́ превознося́ще во вся ве́ки.

Песнь 9.

Ирмос: Тя Неискусобра́чную Ма́терь Бо́га Вы́шняго:

Вещество́ муче́ния твоего́ Бо́жие, Фео́доре, жела́ние. / Те́мже ти и вещество́ бысть веще́ственному те́ло огню́: / и́мже к Боже́ственному ра́дуяся огню́ изше́л еси́, / страстоте́рпче уго́дниче Бо́жий Фео́доре.

Му́чениче всече́стне, попали́в, не попали́лся еси́: / ты бо пре́лесть попали́л еси́, / Бо́гу же предстои́ши живы́й, / и в Нем му́ченически веселя́ся, / страстоте́рпче и уго́дниче Фео́доре.

Слава: Еди́наго Тя зна́ем Христа́, еди́наго от Тро́ицы, / во двою́ соверше́нну естеству́, / лю́ди Твоя́ спаси́ сия́, / я́же стяжа́л еси́ честно́ю Твое́ю кро́вию, / Фео́дора страстоте́рпца моли́твами.

И ныне, Богородичен: Тя неви́димаго Бо́га носи́вшую объя́тии, / на небесе́х воспева́емаго от всея́ си́лы: / и Тобо́ю нам да́руемое вы́ну спасе́ние / во обстоя́нии велича́ем.

Ирмос: Тя Неискусобра́чную Ма́терь Бо́га Вы́шняго, / Тя па́че ума́ ро́ждшую сло́вом вои́стинну Бо́га, / вы́шшую пречи́стых сил, / немо́лчными славословле́нии велича́ем.

И абие, Трисвятое.

И тропарь святаго, глас 2:

Ве́лия ве́ры исправле́ния, / во исто́чнице пла́мене, я́ко на воде́ упокое́ния, / святы́й му́ченик Фео́дор ра́довашеся: / огне́м бо всесожже́гся, / я́ко хлеб сла́дкий Тро́ице принесе́ся. / Того́ моли́твами, Христе́ Бо́же, / спаси́ ду́ши на́ша.

Слава, кондак, глас 8: Ве́ру Христо́ву я́ко щит внутрь прии́м в се́рдцы твое́м, / проти́вныя си́лы попра́л еси́, многострада́льче, / и венце́м небе́сным венча́лся еси́ ве́чно, Фео́доре, я́ко непобеди́мый.

И ныне, Богородичен, глас тойже: Я́коже предста́тельство вси, и держа́вное заступле́ние, / прегре́шшии стяжа́хом, Всечи́стая, Твою́ те́плую по́мощь, / Де́во Ма́ти Мари́е, христиа́н спасе́ние. / Тем не преста́й о нас моля́щи Спа́са, дарова́тися проще́нию.

И бывает благословение колива. Таже, Буди и́мя Госпо́дне: и Благословлю́ Го́спода: И дается преломление от иерея. И отпуст.

А идеже не быти преждесвященной, кончаем часы сице. По Осла́би, оста́ви: И по конечнех поклонех глаголем Трисвятое. По О́тче наш: Го́споди поми́луй, 12. Таже молитва, Всесвята́я Тро́ице: И начинаем Вечерню: Прииди́те поклони́мся: трижды. Псалом 103. Кафисма. И поем на Го́споди воззва́х, стихиры на 6. Мученичны 3, во Октоихе гласа, иже на ряду: И святому Феодору, 3, Слава, Феодору: Сосу́да употреби́в: И ныне, Богородичен, гласа рядоваго. Све́те ти́хий: без входа. Чтение. На стиховне Триоди самогласен дне дважды, и мученичен, глас 5: Благослове́но во́инство: Сла́ва, Феодору, глас 2: Боже́ственных даро́в: Писан в стихирах. И ны́не, Богородичен: Все упова́ние: Ны́не отпуща́еши: Трисвятое. По О́тче наш: Тропарь: Ве́лия ве́ры: Сла́ва, и ны́не, Богородичен: Вся па́че смысла: Таже ектения, Поми́луй нас Бо́же: И поклоны, 3. И облачится священник в багряный фелонь, и начинает: Благослове́н Бог наш: И мы глаголем псалом 142: Го́споди услы́ши моли́тву: И прочее якоже указано прежде. Канон на 4. И по совершении канона, Вместо: Досто́йно есть: Поем ирмос 9 песни: Тя Неискусобра́чную: Таже Трисвятое. По О́тче наш: Тропарь: Ве́лия ве́ры: Сла́ва, кондак: Ве́ру Христо́ву: И ны́не, Богородичен: Я́коже предста́тельство: Таже молитву над коливом, благословение колива. Посем, Бу́ди и́мя Госпо́дне: и Благословлю́ Го́спода: И отпуст. И входим в трапезу, и вкушаем вина и елеа, ра́ди святаго. Сие прияхом в лавре преподобнаго отца на́шего Саввы, и киновии преподобнаго Великаго Евфимия, но не творим сего ныне за честность дне. Обаче ядим варение с сливами, без масла и армеа: произволяющии же ядят сухоядение, якоже и в среду.

Подобает ведати, я́ко во всех пятках святыя и великия Четыредесятницы, на Вечернях и Повечериях поклонов не творим, токмо воображенныя в преждеосвященной, е́же есть по Да испра́вится: поклоны 3. По входе Святых Даров, поклоны 3. И на Бу́ди и́мя Госпо́дне, поклоны 3.

Повечерия же поем великая, на нихже поем покойныя каноны настоящаго гласа, в гробнице.

Каноны же в Минеи настоящия субботы и Недели поем, егда изволит екклисиарх: един убо поем в Повечерии пятка, другий же канон поем в Повечерии Недели.

Тако творим во всех пятках, в вечер святыя и великия Четыредесятницы.