Тропарь воскресный, глас 6. Слава: Ангельския силы на гробе Твоем, и стрегущия омертвеша

6-й тропарный глас

Молитва Святому Духу, глас 6:

Царю́ Небе́сный,/ Уте́шителю, Ду́ше истины,/ Иже везде́ сый/ и вся исполня́яй,/ Сокро́вище благи́х/ и жи́зни Пода́телю,/ прииди́ и всели́ся в ны,/ и очи́сти ны от вся́кия скве́рны,// и спаси́, Бла́же, ду́ши на́ша.

(загрузить)

Ноты для 6-го гласа: (см. также пояснения к нотам).

Тропарь воскресный, глас 6:

А́нгельския Си́лы на гpо́бе Твое́м/ и стpегу́щии омеpтве́ша,/ и стоя́ше Маpи́я во гpо́бе,/ и́щущи Пpечи́стаго Те́ла Твоего́./ Плени́л еси́ ад, не искуси́вся от него́;/ сpе́тил еси́ Де́ву, да́pуяй живо́т.// Воскpесы́й из ме́pтвых, Го́споди, сла́ва Тебе́.

(загрузить)

Богородичен, глас 6:

Благослове́нную нареки́й Твою́ Ма́терь,/ прише́л еси́ на страсть во́льным хоте́нием,/ возсия́в на Кресте́, взыска́ти хотя́ Ада́ма,/ глаго́ля А́нгелом:/ сра́дуйтеся Мне, я́ко обре́теся поги́бшая дра́хма.// Вся му́дре устро́ивый, Бо́же наш, сла́ва Тебе́.

Кондак воскресный, глас 6:

Живонача́льною дла́нию/ уме́ршия от мра́чных уд́олий/ Жизнода́вец воскреси́в всех Христо́с Бог,/ воскресе́ние подаде́ челове́ческому ро́ду:/ есть бо всех Спаси́тель,// Воскресе́ние и Живо́т, и Бог всех.

Кондак перед начатком всякаго добраго дела, глас 6:

Ско́рый в заступле́ние и кре́пкий в по́мощь,/ предста́ни благода́тию си́лы Твоея́ ны́не/ и, благослови́в, укрепи́,/ и в соверше́ние наме́рения блага́го де́ла рабо́в Твои́х произведи́;/ вся бо, ели́ка хо́щеши,// я́ко Всеси́льный Бог, твори́ти мо́жеши.

Кондак в Неделю Ваий, глас 6:

На Престо́ле на Небеси́,/ на жребя́ти на земли́ носи́мый, Христе́ Бо́же,/ А́нгелов хвале́ние и дете́й воспева́ние/ прия́л еси́ зову́щих Ти:// благослове́н еси́, гряды́й Ада́ма воззва́ти.

Кондак Вознесению Господню, глас 6:

Е́же о нас испо́лнив смотре́ние,/ и я́же на земли́ соедини́в Небе́сным,/ возне́слся еси́ во сла́ве, Христе́ Бо́же наш,/ ника́коже отлуча́яся,/ но пребыва́я неотсту́пный,/ и вопия́ лю́бящим Тя:// Аз есмь с ва́ми и никто́же на вы.

Кондак во Святую и Великую Субботу, глас 6:

Бе́здну Заключи́вый, мертв зри́тся,/ и сми́рною и плащани́цею обви́вся,/ во гро́бе полага́ется, я́ко сме́ртный, Безсме́ртный;/ жены́ же приидо́ша пома́зати Его́ ми́ром,/ пла́чущия го́рько и вопию́щия:/ сия́ Суббо́та есть Преблагослове́нная,// в не́йже Христо́с усну́в, воскре́снет тридне́вен.

Кондак Стефану, первомученику и архидиакону, глас 6:

Пе́рвый се́ялся еси́ на земли́ Небе́сным Де́лателем,/ всехва́льне Стефа́не,/ пе́рвый на земли́ за Христа́ кровь излия́л еси́, блаже́нне,/ пе́рвый от Него́ побе́ды венце́м увя́злся еси́ на Небесе́х,/ страда́льцев нача́ло,// вене́чниче, му́чеников первострада́льне.

Кондак Игорю Черниговскому и Киевскому, страстотерпцу, глас 6:

Измени́л еси́ земна́го княже́ния сла́ву / во и́ночества о́браз смире́нный / и страда́льчески земно́е житие́ сконча́в, / ны́не на Небесе́х ра́дуешися, / усе́рдне моля́ся о чту́щих тя,// И́горе, страда́льцев похвало́.

Кондак Севастийским мученикам сорока, глас 6:

Все во́инство ми́ра оста́вльше, / на Небесе́х Влады́це прилепи́стеся,/ страстоте́рпцы Госпо́дни четы́редесять, / сквозе́ огнь бо и во́ду проше́дше, блаже́ннии, / досто́йно восприя́сте сла́ву с Небе́с // и венце́в мно́жество.

Тропарь Мартину Туровскому, глас 6:

Тя́жким неду́гом стpа́ждущий и людьми́ забы́тый,/ моли́л еси́ жа́жду утоли́ти, пpеподо́бне Маpти́не,/ те́мже Хpисто́с посла́ с Небесе́ благове́pных Боpи́са и Гле́ба/ тебе́ послужи́ти и неду́г исцели́ти,/ моли́ся ны́не ко Го́споду// спасти́ся душа́м на́шим.

Мlтва с™0му д¦у, глaсъ ѕ7:

ЦRю2 нбcный,/ ўтёшителю, дш7е и4стины,/ и4же вездЁ сhй/ и3 вс‰ и3сполнszй,/ сокр0вище бlги1хъ/ и3 жи1зни подaтелю,/ пріиди2 и3 всели1сz въ ны2,/ и3 њчи1сти ны2 t всsкіz сквeрны,// и3 сп7си2 бlже дyшы нaшz.

Тропaрь воскrнъ, глaсъ ѕ7:

ЃгGльскіz си6лы на гр0бэ твоeмъ,/ и3 стрегyщіи њмертвёша:/ и3 стоsше мRjа во гр0бэ,/ и4щущи пречcтагw тёла твоегw2./ плэни1лъ є3си2 ѓдъ, не и3скуси1всz t негw2:/ срётилъ є3си2 дв7у дaруzй жив0тъ.// воскRсhй и3з8 мeртвыхъ, гDи слaва тебЁ.

БGор0диченъ, глaсъ ѕ7:

Бlгословeнную нарекjй твою2 м™рь,/ пришeлъ є3си2 на стrть в0льнымъ хотёніемъ,/ возсіsвъ на кrтЁ, взыскaти хотS ґдaма,/ глаг0лz ѓгGлwмъ:/ срaдуйтесz мнЁ, ћкw њбрётесz поги1бшаz дрaхма,// вс‰ мyдрэ ўстр0ивый б9е нaшъ, слaва тебЁ.

Кондaкъ воскrнъ, глaсъ ѕ7:

Живоначaльною длaнію,/ ўмeршыz t мрaчныхъ ўд0лій,/ жизнодaвецъ воскRси1въ всёхъ хrт0съ бGъ,/ воскrніе подадE человёческому р0ду:/ є4сть бо всёхъ сп7си1тель,// воскrніе и3 жив0тъ, и3 бGъ всёхъ.

Кондaкъ пред8 начaломъ всsкагw д0брагw дёла, глaсъ ѕ7:

Ск0рый въ заступлeніе и3 крёпкій въ п0мощь,/ предстaни бlгодaтію си1лы твоеS нhнэ,/ и3 бlгослови1въ ўкрэпи2,/ и3 въ совершeніе намёрєніz бlгaгw дёла рабHвъ твои1хъ произведи2:/ вс‰ бо є3ли6ка х0щеши,// ћкw всеси1льный бGъ, твори1ти м0жеши.

Кондaкъ въ недёлю вaій, глaсъ ѕ7:

На пrт0лэ на нб7си2,/ на жребsти на земли2 носи1мый хrтE б9е,/ ѓгGлwвъ хвалeніе, и3 дэтeй воспэвaніе/ пріsлъ є3си2 зовyщихъ ти2: //бlгословeнъ є3си2 грzдhй ґдaма воззвaти.

Кондaкъ во с™yю и3 вели1кую суббHту, глaсъ ѕ7:

Бeздну заключи1вый, мeртвъ зри1тсz,/ и3 смЂрною и3 плащани1цею њбви1всz,/ во гр0бэ полагaетсz ћкw смeртный безсмeртный:/ жєнh же пріид0ша помaзати є3го2 мЂромъ,/ плaчущыz г0рькw и3 вопію1щыz:/ сіS суббHта є4сть пребlгословeннаz,// въ нeйже хrт0съ ўснyвъ, воскрeснетъ триднeвенъ.

Кондaкъ первомyченику и3 ґрхідіaкону стефaну, глaсъ ѕ7:

Пeрвый сёzлсz є3си2 на земли2 нбcнымъ дёлателемъ,/ всехвaльне стефaне,/ пeрвый на земли2 за хrтA кр0въ и3зліsлъ є3си2, бlжeнне:/ пeрвый t негw2 побёды вэнцeмъ ўвsзлсz є3си2 на нб7сёхъ,/страдaльцєвъ начaло,// вэнeчниче м§никwвъ первострадaльне.

Кондaкъ и4горю черни1говскому и3 кjевскому, глaсъ ѕ7:

И#змэни1лъ є3си2 земнaгw кнzжeніz слaву/ во и4ночества w4бразъ смирeнный/ и3 страдaльчески земн0е житіE скончaвъ,/ нhнэ на нб7сёхъ рaдуешисz,/ ўсeрднэ молsсz њ чтyщихъ тS,// и4горе, страдaльцєвъ похвало2.

Кондaкъ севастjйскимъ м7 м§никамъ, глaсъ ѕ7:

ВсE в0инство мjра њстaвльше,/ на нб7сёхъ вLцэ прилэпи1стесz,/ страстотeрпцы гDни четhредесzть:/ сквозЁ џгнь бо и3 в0ду прошeдше, блажeнніи,/ дост0йнw воспріsсте слaву съ небeсъ// и3 вэнцє1въ мн0жество.

Тропaрь марти1ну тyровскому, глaсъ ѕ7:

Тsжкимъ недyгомъ стрaждущій и3 людьми2 забhтый,/ моли1лъ є3си жaжду ўтоли1ти, препод0бне марти1не,/ тёмже хrт0съ послA съ небесE бlговёрныхъ бори1са и3 глёба/ тебЁ послужи1ти и3 недyгъ и3сцэли1ти,/ моли1сz нhнэ ко гDу// сп7сти1сz душaмъ нaшымъ.

Автор: Администратор

Дата публикации: 15.04.2019

Отклики (427)

Вы должны авторизоваться, чтобы оставлять отклики.

Тропарь воскресный, глас 6. Слава: Ангельския силы на гробе Твоем, и стрегущия омертвеша

Слава: Ангельския силы на гробе Твоем, и стрегущия омертвеша, и стояше Мария во гробе ищущи Пречистаго Тела Твоего. Пленил еси ад, не искусився от него; сретил еси Деву, даруяй живот. Воскресый из мертвых, Господи, слава Тебе.

И ныне: Богородице, Ты еси лоза истинная, возрастившая нам Плод живота, Тебе молимся, молися, Владычице, со святыми апостолы, помиловати души наша.

Господь Бог благословен, благословен Господь день дне, поспешит нам Бог спасений наших; Бог наш, Бог спасати.

Трисвятое. Пресвятая Троице: Отче наш:

Кондак воскресный, глас 6

Живоначальною дланию умершия от мрачных удолий Жизнодавец воскресив всех Христос Бог, воскресение подаде человеческому роду: есть бо всех Спаситель, Воскресение и Живот, и Бог всех.

Господи, помилуй. (40 раз

).

Молитва свт. Василия Великого

Иже на всякое время, и на всякий час, на Небеси и на земли покланяемый и славимый, Христе Боже, долготерпеливе, многомилостиве, многоблагоутробне, Иже праведныя любяй, и грешныя милуяй, Иже вся зовый ко спасению обещания ради будущих благ, Сам, Господи, приими и наша в час сей молитвы, и исправи живот наш к заповедем Твоим, души наша освяти, телеса очисти, помышления исправи, мысли очисти, и избави нас от всякия скорби, зол и болезней, огради нас святыми Твоими Ангелы, да ополчением их соблюдаеми и наставляеми, достигнем в соединение веры и в разум неприступныя Твоея славы, яко благословен еси во веки веков, аминь.

Господи, помилуй. (Трижды.

)

Слава, и ныне:

Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. (Поклон.

)

Молитвами святых отец наших, Господи Иисусе Христе Боже наш, помилуй нас. Аминь.

Молитва св. Мардария:

Владыко Боже Отче Вседержителю, Господи Сыне Единородный Иисусе Христе, и Святый Душе, едино Божество, едина сила, помилуй мя грешнаго, и имиже веси судьбами, спаси мя, недостойнаго раба Твоего; яко благословен еси во веки веков. Аминь.

ЧАС ШЕСТЫЙ[48]

Приидите, поклонимся, Цареви нашему Богу. (Поклон.

)

Приидите, поклонимся и припадем Христу, Цареви нашему Богу. (Поклон.

)

Приидите, поклонимся и припадем Самому Христу, Цареви и Богу нашему. (Поклон.

)

Псалом 53

Боже, во имя Твое спаси мя, и в силе Твоей суди ми. Боже, услыши молитву мою, внуши глаголы уст моих. Яко чуждии восташа на мя и крепцыи взыскаша душу мою, и не предложиша Бога пред собою. Се бо Бог помогает ми, и Господь Заступник души моей. Отвратит злая врагом моим, истиною Твоею потреби их. Волею пожру Тебе, исповемся имени Твоему, Господи, яко благо. Яко от всякия печали избавил мя еси, и на враги моя воззре око мое.

Псалом 54

Внуши, Боже, молитву мою и не презри моления моего. Вонми ми и услыши мя; возскорбех печалию моею и смятохся от гласа вражия и от стужения грешнича. Яко уклониша на мя беззаконие и во гневе враждоваху ми. Сердце мое смятеся во мне и боязнь смерти нападе на мя. Страх и трепет прииде на мя и покры мя тьма. И рех: кто даст ми криле, яко голубине, и полещу, и почию? Се удалихся бегая и водворихся в пустыни. Чаях Бога, спасающаго мя от малодушия и от бури. Потопи, Господи, и раздели языки их, яко видех беззаконие и пререкание во граде. Днем и нощию обыдет и по стенам его; беззаконие и труд посреде его и неправда; и не оскуде от стогн его лихва и лесть. Яко аще бы враг поносил ми, претерпел бых убо; и аще бы ненавидяй мя на мя велеречевал, укрыл бых ся от него. Ты же, человече равнодушне, владыко мой и знаемый мой; иже купно наслаждался еси со мною брашен, в дому Божии ходихом единомышлением. Да приидет же смерть на ня, и да снидут во ад живи; яко лукавство в жилищах их, посреде их. Аз к Богу воззвах, и Господь услыша мя. Вечер и заутра, и полудне повем, и возвещу, и услышит глас мой. Избавит миром душу мою от приближающихся мне, яко во мнозе бяху со мною. Услышит Бог и смирит я, Сый прежде век. Несть бо им изменения, яко не убояшася Бога. Простре руку свою на воздаяние, оскверниша завет Его. Разделишася от гнева лица Его, и приближишася сердца их; умякнуша словеса их паче елея, и та суть стрелы. Возверзи на Господа печаль твою, и Той тя препитает, не даст в век молвы праведнику. Ты же, Боже, низведеши я в студенец истления; мужие кровей и льсти не преполовят дней своих. Аз же, Господи, уповаю на Тя.

Псалом 90

Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна. Плещма Своима осенит тя, и под криле Его надеешися; оружием обыдет тя истина Его, не убоишися от страха нощнаго, от стрелы летящия во дни, от вещи во тьме преходяшия, от сряща, и беса полуденнаго. Падет от страны Твоея тысяща, и тьма одесную Тебе, к Тебе же не приближится. Обаче очима Твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище Твое. Не приидет к Тебе зло, и рана не приближится телеси Твоему. Яко Ангелом Своим заповесть о Тебе, сохранити тя во всех путех твоих. На руках возмут тя, да не когда преткнеши о камень ногу твою. На аспида и василиска наступиши, и попереши льва и змия. Яко на Мя упова, и избавлю и; покрыю и, яко позна имя Мое. Воззовет ко Мне, и услышу его; с ним есмь в скорби, изму его, и прославлю его, долготою дний исполню его, и явлю ему спасение Мое.

Слава, и ныне: Аллилуия, аллилуия, аллилуия, слава Тебе, Боже. (Трижды с поклонами.

)

Господи, помилуй. (Трижды.

)

Канон Воскресный, глас 6

Песнь 1.

Ирмос: Я́ко по су́ху, пешеше́ствовав Изра́иль по без́дне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше.

При­пев: Сла́ва, Го́споди, свято́му Воскресе́нию Твоему́.

Распросте́ртыма дла́ньма на кре­сте́, оте́ческаго испо́лнил еси́ благоволе́ния, благи́й Иису́се, вся́ческая. те́мже побе́дную песнь Тебе́ вси пои́м.

Стра́хом к Тебе́, я́ко рабы́ня, смерть повеле́на при­сту­пи́ Влады́це живо­та́, то́ю подаю́щему нам безконе́чный живо́т и воскресе́ние.

Бого­ро­ди­чен: Сво­е­го́ прие́мши Соде́теля, я́ко Сам вос­хо­те́, от безсе́меннаго Тво­е­го́ чре́ва, па́че ума́ воплоща́ема, Чи́стая, тва́рей вои́стинну яви́лася еси́, Влады́чица.

Песнь 3.

Ирмос: Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Бо́га распина́ема пло́тию зря́щи тварь, растаява́шеся стра́хом: но содержи́тельною дла́нию нас ра́ди Распя́таго, кре́пко держи́ма бе.

Сме́ртию смерть разоре́на лежи́т окая́нная без дыха́ния: Живо­та́ бо не терпя́щи боже́ственнаго прираже́ния, умерщвля́ется кре́пкий, и да́руется всем воскресе́ние.

Бого­ро­ди­чен: Боже́ственнаго рож­де­ства́ Тво­е­го́, Чи́стая, вся́кий есте­ства́ чин превосхо́дит чу́до: Бо́га бо преесте́ственне зача­ла́ еси́ во чре́ве, и ро́ждши пребыва́еши при́сно Де́ва.

Седален воскресен, глас 6:

Гро́бу отве́рсту, а́ду пла́чущуся, Мари́я вопия́ше ко скры́вшимся апо́столом: изыди́те виногра́да де́лателие, пропове́дите воскресе́ния сло́во: воскре́се Госпо́дь, подая́ ми́рови ве́лию ми́лость.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Бого­ро­ди­чен: Преднапису́ет Гедео́н зача́тие, и сказу́ет Дави́д рож­де­ство́ Твое́, Богоро́дице: сни́де бо я́ко дождь на руно́, Сло́во во чре́во Твое́, и про­зяб­ла́ еси́ без се́мене, зем­ле́ свята́я, ми́рови Спасе́ние, Хри­ста́ Бо́га на́шего, Благода́тная.

Песнь 4.

Ирмос: Христо́с моя́ си́ла, Бог и Госпо́дь, честна́я Це́рковь Боголе́пно пое́т, взыва́ющи, от смы́сла чи́ста о Го́споде пра́зднующи.

Дре́во про­цве­ло́ есть, Хри­сте́, и́стинныя жи́зни: крест бо водрузи́ся, и напое́н быв кро́вию и водо́ю от нетле́ннаго Тво­е­го́ реб­ра́, живо́т нам прозябе́.

Не кто­му́ змий мне ло́жне обоже́ние подлага́ет: Христо́с бо богоде́латель челове́ческаго есте­ства́, ны́не невозбра́нно сте­зю́ живо­та́ мне отве́рзе.

Бого­ро­ди­чен: Я́ко вои́стинну неизвеща́нна и непостижи́ма, я́же Тво­е­го́ боголе́пнаго, Богоро́дице, суть рож­де­ства́, су́щим на зем­ли́ и на небе­си́, Присноде́во, та́инства.

Песнь 5.

Ирмос: Бо́жиим све́том Твои́м, Бла́же, у́треннюющих Ти ду́ши любо́вию оза­ри́, молю́ся, Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Уступа́ют мне херуви́ми ны́не, и пла́менное ору́жие, Влады́ко, пле­щи́ мне дае́т, Тя ви́девше, Сло́ве Бо́жий, и́стиннаго Бо́га, разбо́йнику путь сотво́ршаго в рай.

Не кто­му́ бою́ся, е́же в зе́млю, Влады́ко Хри­сте́, возвраще́ния: Ты бо от зем­ли́ мя возве́л еси́ забве́нна, благоутро́бия ра́ди мно́гаго, к высо­те́ нетле́ния воскресе́нием Твои́м.

Бого­ро­ди­чен: И́же Богоро́дицу Тя от души́, Влады́чице ми́ра блага́я, испове́дающих спа­си́: Тебе́ бо предста́тельство непобори́мое и́мамы, и́стинную Богороди́тельницу.

Песнь 6.

Ирмос: Жите́йское мо́ре, воздвиза́емое зря напа́стей бу́рею, к ти́хому приста́нищу Тво­е­му́ прите́к, вопию́ Ти: воз­ве­ди́ от тли живо́т мой, Многоми́лостиве.

Распина́емь, Влады́ко, гвоздь­ми́ у́бо, кля́тву ю́же на нас потреби́л еси́: / копие́м же пробода́емь в реб­ро́, ада́мово рукописа́ние растерза́в, мир свободи́л еси́.

Ада́м низведе́ся, ле́стию запя́т быв, ко а́дове про́пасти: но и́же естество́м Бог же и ми́лостив, сшел еси́ на взыска́ние, и на ра́му поне́с, совоскреси́л еси́.

Бого­ро­ди­чен: Пречи́стая Влады́чице, ро́ждшая челове́ком ко́рмчию Го́спода, / страсте́й мои́х непостоя́нное и лю́тое уто­ли́ смуще́ние, и тиши­ну́ пода́ждь се́рдцу моему́.

Кондак, глас 6:

Живонача́льною дла́нию уме́ршия от мра́чных удо́лий, Жизнода́вец воскреси́в всех Христо́с Бог, воскресе́ние пода­де́ челове́ческому ро́ду: есть бо всех Спаси́тель, Воскресе́ние и Живо́т, и Бог всех.

Икос:

Крест и погребе́ние Твое́, Жизнода́вче, воспева́ем ве́рнии, и покланя́емся, я́ко ад связа́л еси́, Безсме́ртне, я́ко Бог всеси́льный: и ме́ртвыя совоскреси́л еси́, и вра­та́ сме́ртная сокруши́л еси́, и держа́ву а́дову низложи́л еси́, я́ко Бог. Те́мже земноро́днии славосло́вим Тя любо́вию, воскре́сшаго, и низложи́вшаго вра́жию держа́ву всепа́губную, и всех воскреси́вшаго в Тя ве́ровавших, и мир изба́вльшаго от стрел змии́ных, и от пре́лести вра́жия, я́ко Бог всех.

Песнь 7.

Ирмос: Росода́тельну у́бо пещь соде́ла А́нгел преподо́бным отроко́м, халде́и же опаля́ющее веле́ние Бо́жие мучи́теля уве­ща́ вопи́ти: благослове́н еси́, Бо́же оте́ц на́ших.

Рыда́ющее во стра́сти Твое́й со́лнце, во мрак облече́ся, и во дни по всей, Влады́ко, зем­ли́ свет поме́рче, вопия́: благослове́н еси́ Бо́же оте́ц на́ших.

Облеко́шася Хри­сте́ схожде́нием Твои́м во свет преиспо́дняя, пра́отец же весе́лия испо́лнь, яви́ся ликовству́я, взыгра́ся, вопия́: благослове́н еси́, Бо́же оте́ц на́ших.

Бого­ро­ди­чен: Тобо́ю, Ма́ти Де́во, свет воз­сия́ всей вселе́нней све́тлый: Зижди́теля бо Ты всех роди­ла́ еси́ Бо́га, Его́же про­си́, Всечи́стая, нам низпосла́ти ве́рным ве́лию ми́лость.

Песнь 8.

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Хри­сте́, то́кмо е́же хоте́ти. Тя превозно́сим во вся ве́ки.

Иуде́йския дре́вле пророкоуби́йцы лю́ди, богоуби́йцы за́висть ны́не соде́ла, Тебе́ на крест возне́сшия, Сло́ве Бо́жий: Его́же превозно́сим во вся ве́ки.

Небе́снаго кру́га не оста́вил еси́, и во ад соше́д, все­го́ совоздви́гл еси́ / лежа́щаго во гно́ищи, Хри­сте́, челове́ка, Тя превознося́ща во вся ве́ки.

Бого­ро­ди­чен: От Све́та Светода́вца Сло́ва зача­ла́ еси́, и ро́ждши неизрече́нно Сего́, просла́вилася еси́: Дух бо в Тя, Отрокови́це, Бо́жий всели́ся. Те́мже Тя пое́м во вся ве́ки.

Песнь 9.

Ирмос: Бо́га челове́ком не возмо́жно ви́дети, на Него́ же не сме́ют чи́ни А́нгельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́ же велича́юще, с Небе́сными во́и Тя ублажа́ем.

Страсте́й неприча́стен Ты пребы́л еси́, Сло́ве Бо́жий, пло́тию приобщи́вся страсте́м: но реши́ши от страсте́й челове́ка, страсте́м быв страсть, Спа́се наш: еди́н бо еси́ безстра́стен, и всеси́лен.

Тлю сме́ртную прие́м, тле́ния соблю́л еси́ те́ло Твое́ невку́сно, Твоя́ же животворя́щая и боже́ственная, Влады́ко, душа́, во а́де не оста́влена бысть: но я́коже от сна воскре́с, нас совоздви́гл еси́.

Тро­и­чен: Бо́га Отца́, Сы́на собез­на­чаль­на, вси чело­ве­цы уст­на­ми у́бо чисты­ми сла́вим, неиз­ре­чен­ную же и пре­слав­ную Ду́ха Все­свя­та­го силу чтим: еди­на бо еси́ все­силь­ная Тро­и­ца неразлучная.

Стихиры воскресны, глас 6.

Побе́ду име́я, Хри­сте́, ю́же на а́да, на Крест возше́л еси́: да во тьме сме́рти седя́щия воскреси́ши с Собо́ю, И́же в ме́ртвых Свобо́дь, Источа́яй живо́т от Сво­е­го́ све́та, Всеси́льне Спа́се, поми́луй нас.

Днесь Христо́с смерть попра́в, я́коже рече́, воскре́се, и ра́дование мíрови даро­ва́, да вси взыва́юще, песнь та́ко рцем: Исто́чниче жи́зни, Непристу́пный Све́те, Всеси́льне Спа́се, поми́луй нас.

Тебе́, Го́споди, Су́щаго по всей тва́ри, гре́шнии ка́мо бежи́м? На Небе­си́ Сам живе́ши, во а́де попра́л еси́ смерть. Во глу­би­ны́ морски́я? Та́мо рука́ Твоя́, Влады́ко. К Тебе́ прибега́ем, Тебе́ припа́дающе мо́лимся: / Воскресы́й из ме́ртвых, поми́луй нас.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Бого­ро­ди­чен: Кто Тебе́ не ублажи́т, Пресвята́я Де́во? Кто ли не воспое́т Тво­е­го́ Пречи́стаго Рож­де­ства́? Безле́тно бо от Отца́ Возсия́вый Сын Единоро́дный, То́йже от Тебе́, Чи́стыя, про́йде, неизрече́нно вопло́щься, естество́м Бог сый, и естество́м быв Челове́к нас ра́ди, не во двою́ лицу́ Разделя́емый, но во Двою́ Есте­ству́ несли́тно Познава́емый. Того́ моли́, Чи́стая, Всеблаже́нная, поми́ловатися душа́м на́шим.

Молитва

Благодари́м Тя, Го́споди Бо́же наш, о всех благодея́ниих Твои́х, я́же от пе́рваго во́зраста до настоя́щаго в нас, недосто́йных, бы́вших, о и́хже ве́мы и не ве́мы, о явле́нных и неявле́нных, я́же де́лом бы́вших, и сло́вом: возлюби́вый нас, я́коже и Единоро́днаго Тво­е­го́ Сы́на о нас да́ти изво́ливый. Сподо́би и нас досто́йны бы́ти Тво­ея́ люб­ве́. Даждь сло́вом Твои́м му́дрость и стра́хом Твои́м вдох­ни́ кре́пость от Тво­ея́ си́лы, и а́ще что хотя́ще или́ не хотя́ще согреши́хом, про­сти́, и не вме­ни́ и сохра­ни́ ду́шу на́шу свя́ту, и предста́ви ю́ Тво­е­му́ Престо́лу, со́весть иму́щу чи́сту, и коне́ц досто́ин человеколю́бия Тво­е­го́. И помя­ни́, Го́споди, всех призыва́ющих и́мя Твое во и́стине: помя­ни́ всех, бла́га или́ сопроти́вная нам хотя́щих: вси бо челове́цы есмы́, и всу́е всяк челове́к. Те́мже мо́лимся Тебе́, Го́споди: пода́ждь нам Тво­е­го́ благоутро́бия ве́лию ми́лость.

Воскресный тропарь: тайна Троицы

В это воскресенье за богослужением будет петься тропарь 5 гласа «Собезначальное Слово Отцу и Духови». Вероятно, автором этого песнопения, чрезвычайно насыщенного яркими образами и догматическим смыслом был прп. Иоанн Дамаскин. Комментирует священник Феодор ЛЮДОГОВСКИЙ.

Священник Феодор ЛЮДОГОВСКИЙ

Версия для печати

Тэги:

Богослужение Язык богослужения

на Господи, воззвах, поставим стихов 10. И поем настоящыя воскресны стихиры. Глас 6-й.

Стих: Изведи из темницы душу мою:

Победу имеяй Христе, юже на ада, на Крест возшел еси: да во тьме смерти седящыя воскресиши с Собою, Иже в мертвых Свободь, Источаяй живот от Своего света, Всесильне Спасе, помилуй нас.

Стих: Мене ждут праведницы, дондеже воздаси мне.

Днесь Христос смерть поправ, якоже рече, воскресе, и радование мiрови дарова, да вси взывающе, песнь тако рцем: Источниче жизни, Неприступный Свете, Всесильне Спасе, помилуй нас.

Стих: Из глубины воззвах к Тебе, Господи:

Тебе, Господи, Сущаго по всей твари, грешнии камо бежим; на Небеси Сам живеши, во аде попрал еси смерть. во глубины морския; тамо рука Твоя, Владыко. К Тебе прибегаем, Тебе припадающе молимся: Воскресый из мертвых, помилуй нас.

Ины стихиры Анатолиевы , глас тойже:

Стих: Да будут уши Твои внемлюще гласу моления моего.

Крестом Твоим, Христе, хвалимся, и воскресение Твое поем и славим: Ты бо еси Бог наш, разве Тебе инаго не вемы.

Стих: Аще беззакония назриши, Господи, Господи, кто постоит; яко у Тебе очищение есть.

Выну благословяще Господа, поем воскресение Его: Крест бо Претерпев, смертию смерть погуби.

Стих: Имене ради Твоего потерпех Тя, Господи, потерпе душа моя в слово Твое, упова душа моя на Господа.

Слава силе Твоей, Господи: яко упразднил еси державу имущаго смерти: обновил еси нас Крестом Твоим, даруяй нам живот и нетление.

Стих: От стражи утренния до нощи, от стражи утренния, да уповает Израиль на Господа.

Погребение Твое, Господи, узы адовы сокрушившее растерза, еже из мертвых воскресением, мiр просвети, Господи, слава Тебе.

Таже минеи стихиры святому. Слава святому, аще имать. Аще ли ни, Слава, и ныне, Богородичен.

Ины стихиры Богородицы, творение Павла Аморрейскаго. Глас 3-й.

Стих: Яко у Господа милость и многое у Него избавление, и Той избавит Израиля от всех беззаконий его.

Видящи немощь мою телесную, и душевное страдание, и сердечное озлобление, посещения сподоби мя Божественнаго, Всенепорочная Дево. Спаси мя, молюся, теплыми Твоими молитвами.

Стих: Хвалите Господа, вси языцы, похвалите Его, вси людие.

Всех преидох, Владычице, согрешеньми, но множества сих, Дево, очищши, милостей получити мя, Чистая, сподоби, в будущем суде, Сына и Бога Твоего.

Стих: Яко утвердися милость Его на нас, и истина Господня пребывает во век.

Множество согрешений моих зовущаго, очисти, Чистая, и чувствий моих неуставная движения молитвенным мечем ссецы: яко да верою и любовию пою Твое безсеменное Рождество.

Слава, и ныне, Богородичен:

Кто Тебе не ублажит, Пресвятая Дево; кто ли не воспоет Твоего Пречистаго Рождества; безлетно бо от Отца Возсиявый Сын Единородный, Тойже от Тебе, Чистыя, пройде, неизреченно воплощся: естеством Бог сый, и естеством быв Человек нас ради, не во двою лицу Разделяемый, но во Двою Естеству неслитно Познаваемый. Того моли, Чистая, Всеблаженная, помиловатися душам нашим.